Page Text
________________
भागं उक्कोसेणं गाउयपुहत्तं ठिती जहन्नेणं अंतोमुहुत्तं उक्कोसेणं पुव्वकोडी सेसेसु ठाणेसु जहा- उरपरिसप्पा नवरं-दोच्चं पुढविं गच्छंति से तं भुयपरिसप्पा से तं थलयरा ।
[४८] से किं तं खहयरा खहयरा चउव्विहा पन्नत्ता तं जहा- चम्मपक्खी तहेव भेदो ओगाहणा जहन्नेणं अंगुलस्स असंखेज्जइभागं उक्कोसेणं धणुपुहत्तं ठिती जहन्नेणं अंतोमुहुत्तं उक्कोसेणं पलिओवमस्स असंखेज्जइभागो सेसं जहा- जलयराणं नवरं तच्चं पुढविं गच्छंति जाव से तं खहयरगब्भवक्कंतियपंचेंदियतिरिक्खजोणिया से तं तिरिक्खजोणिया ।
[४९] से किं तं मणुस्सा मणुस्सा दुविहा पन्नत्ता तं जहा- संमुच्छिममणुस्सा य गब्भवक्कंतियमणुस्सा य कहि णं भंते संमुच्छिममणुस्सा संमुच्छंति गोयमा अंतो मणुस्सखेत्तो ज अंतोमुहुत्ताउया चेव कालं करेंति तेसिं णं भंते जीवाणं कति सरीरगा पन्नत्ता गोयमा तिण्णि सरीरगा पन्नत्ता तं जहा- ओरालिए तेयए कम्मए संघयण-संठाण-कसाय सण्णा लेसा जहा बेइंदियाणंइंदिया पंच समुग्धाया तिण्णि असण्णी नंपुसगा अपज्जत्तीओ पंच, दिट्ठि दंसण- अन्नाण- जोग-उवओगा जहा - पुढविकाइयाणं आधारो जहा- बेइंदियाणं उववातो नेरइय-देव- तेउ वाउ- असंखाउवज्जो अंतोमुहुत्तं ठि समोहतावि असमोहतावि मरंति कहिं गच्छंति नेरइय-देव- असंखेज्जाउवज्जेसु दुआगतिया दुगतिया परित्ता असंखेज्जा पन्नत्ता समणाउसो से तं संमुच्छिममणुस्सा से किं तं गब्भवक्कंतियमणुस्सा गब्भवक्कंतियमणुस्सा तिविहा पन्नत्ता तं जहा- कम्मभूमगा अकम्मभूमगा अंतरदीवगा एवं मणुस्सभेदो भाणियव्वो हा- पन्नवणाए जाव छउमत्था य केवली य ते समासओ दुविहा पन्नत्ता तं जहा - पज्जत्तगा य
अपज्जत्तगा य
पडिवत्ति-१
तेसि णं भंते जीवाणं कति सरीरगा पन्नत्ता गोयमा पंच सरीरगा पन्नत्ता तं जहा ओरालिए जाव कम्मए सरीरोगाहणा जहननेणं अंगुलस्स असंखेज्जइभागं उक्कोसेणं तिण्णि गाउयाइं छच्चेव संघयणी छच्चेव संठिया ते णं भंते जीवा किं कोहकसाई जाव लोभकवासाई अकसाई गोयमा सव्वेवि ते णं भंते जीवा किं आहारसण्णोवउत्ता जाव नोसण्णोवउत्ता गोयमा सव्वेवि ।
ते णं भंते जीवा किं कण्हलेसा जाव अलेसा गोयमा सव्वेवि सोइंदियवउत्ता जाव नोइंदियव-उत्तावि सत्त समुग्धाया तं जहा - वेयणासमुग्धाए जाव केवलिसमुग्धाए सणीवि नोसण्मीनो असण्णीवि इत्थियवेयावि जाव अवेयावि पंच पज्जत्ती पंच अपज्जत्ती तिविहावि दिट्ठी चत्तारि दंसणा नाणीवि अन्नाणीवि-जे नाणी ते अत्थेगतिया दुनाणी अत्थेगतिया तिनाणी अत्थेगतिया चनाणी अत्थेगतिया एगणाणी जे दुन्नाणी ते नियमा आभिणिबोहियनाणी सुयनाणी य जे तिन्नाणी ते आभिणिबोहियनाणी सुयनाणी ओहिनाणी य अहवा आभिणिबोहियनाणि मणपज्जवनाणी य जे एगनाणी ते नियमा केवलनाणी एवं अन्नाणीवि दुअन्नाणी तिअन्नाणी मणजोगीवि वड्कायजोगीवि अजोगीवि दुवि उवओगे आहारो छद्दिसिं उववाओ अहेसत्तम-तेउवाउअसंखेज्जवासाउयवज्जेहि ठिती जहण्णेणं अंतोमुहुत्तं उक्कोसेणं तिण्णि पलिओवमाइं दुविहावि मरंति उव्वट्टित्ता नेरइयाइसु जाव अनुत्तरोववाइएसु अत्थेगतिया सिज्झंति बुज्झंति मुच्चंति परिनिव्वायंति सव्वदुक्खाणं अंतं करेंति ते णं भंते जीवा कतिगतिया कतिआगतिया पन्नत्ता गोयमा पंचगिताय चउआगतिया परित्ता संखेज्जा पन्नत्ता सेत्तं मणुस्सा । [५०] से किं तं देवा देवा चउव्विहा पन्नत्ता तं जहा- भवणवासी वाणमंतरा जोइसिया वेमाणिया एवं भंदो भाणियव्वो जहा- पन्नवणार ते समासओ दुविहा पन्नत्ता तं जहा- पज्जत्तगा य [ दीपरत्नसागर संशोधितः ] [१४- जीवाजीवाभिगमं ]
[12]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |