Page Text
________________
दुविहा पन्नत्ता तं जहा- पज्जत्तगा य अपजज्त्तगा य नाणत्तं सरीरोगाहणा जहन्नेणं अंगुलस्स असंखेज्ज-इभागं उक्कोसेणं धणुपुहत्तं ठिती उक्कोसेणं बावत्तरिं वाससहस्साइं सेसं जहा जलय-राणं जाव चउगतिया दुआगतिया परित्ता असंखेज्जा पन्नत्ता से तं खहयरसंमुच्छिमतिरिक्खजोणिया से तं संमुच्छिपंचेंदियतिरिक्खजोणिया ।
[४५] से किं तं गब्भवक्कंतियपंचेंदियतिरिक्खजोणिया गब्भवक्कंतियपंचेंदियतिरिक्खजोणिया तिविहा पन्नत्ता तं जहा- जलयरा थलयरा खहयरा ।
[४६] से किं तं जलयरा जलयरा पंचविहा पन्नत्ता तं जहा- मच्छा कच्छभा मगरा गाहा सुंसुमारा सव्वेसिं भेदो भाणियव्वो तहेव जहा- पन्नवणाए जाव जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जत्तगा य तेसिं णं भंते जीवाणं कति सरीरगा पन्नत्ता गोयमा चत्तारि सरीरगा पन्नत्ता तं जहा - ओरालिए वेउव्विए तेयए कम्मए सरीरोगाहणा जहन्नेणं अंगुलस्स असंखेज्जइ-भागं उक्कोसेणं जोयणसहस्सं छव्विहसंघयणी पन्नत्ता तं जहा- वइरोसभनारायसंघयणी उसभनाराय-संघयणी नारायसंघयणी अद्धनारायसंघयणी किलियासंघयणी छेवट्टसंघयणी छव्विहसंठिया पन्नत्ता तं जहा- समचउरंससंठिया नग्गोहपरिमंडले साति खुज्जे वामणे हुंडे चत्तारि कसाया सण्णाओ छ लेस्साओ, पंच इंदिया पंच समुग्धाया आइल्ला सण्मी नो असण्णी तिविहवेया छपज्जीओ छअपज्जत्तीओ
पडिवत्ति - १
दिट्ठी तिविहावि तिण्णि दंसणा नाणीवि अन्नाणीवि-जे नाणी ते अत्थेगइया दुन्नाणी अत्थेगइया तिन्नाणी जे दुन्नाणी ते नियमा आभिणिबोहियनाणी य सुयनाणी ये जे तिन्नाणी ते नियमा आभिणि-बोहिया सुयनाणी ओहिनाणी य एवं अन्नाणीवि, जोगे तिविहे उवओगे दुविहे आहारो छद्दिसिं उववाओ नेरइएहिं जाव अहेसत्तमा तिरिक्खजोणिएसु सव्वेसु असंखेज्जवासाउयवज्जेसु मणुस्सेसु अकम्मभूमग अंतरदीवगअसंखेज्जवासाउवज्जेसु देवेसु जाव सहस्सारो ठिती जहर्णेणं अंतोमुहुत्तं उक्कोसेणं पुव्वकोडी दुविहावि मरंति अनंतरं उव्वट्टित्ता नेरइएस जाव अहेसत्तमा तिरिक्खजोणिएस मणुस्सेसु सव्वेसु देवेसु जाव सहस्सारो चउगतिया चउआगतिया परित्ता असंखेज्जा पन्नत्ता से तं जलयरा ।
[४७] से किं तं थलयरा थलयरा दुविहा पन्नत्ता तं जहा- चउप्पया य परिसप्पा य से किं तं चउप्पया चउप्पया चउव्विहा पन्नत्ता तं जहा- एगखुरा सो चेव भेदो जाव जे यावण्णे ते समासओ दुविहा पन्नत्ता तं जहा- पज्जत्तगा य अपज्जत्तगा य चत्तारि सरीरा ओगाहणा जहन्नेणं अंगुलस्स असं-खेज्जइभागं उक्कोसेणं छ गाउयाइं ठिती जहन्नेणं अंतोमुहुत्तं उक्कोसेणं तिण्णि पलिओवमाइं नवरं उव्वट्टित्ता नेरइएसु चउत्थपुढविं ताव गच्छंति सेसं जहा जलयराणं जाव चउगतिया चउआगतिया परित्ता असंखिज्जा पन्नत्ता से तं चउप्पया से किं तं परिसप्पा परिसप्पा दुविहा पन्नत्ता तं जहा- उरपरिसप्पा य भुयपरिसप्पा य से किं तं उरपरिसप्पा उरपरिसप्पा तहेव आसालियवज्जो भेदो भाणियव्वो सरीरा चत्तारि ओगाहणा जहन्नेणं अंगुलस्स असंखेज्जइभागं उक्कोसेणं जोयणसहस्सं ठिती जहन्नेणं अंतोमुहुत्तं उक्कोसेणं पुव्वकोडी उव्वट्टित्ता नेरइएस जाव पंचमं पुढविं ताव गच्छंति तिरिक्खमणुस्सेसु सव्वेसु देवेसु जाव सहस्सारो सेसं जहा- जलयराणं जाव चउगतिया चउआगतिया परित्ता असंखेज्जा से तं उरपरिसप्पा से किं तं भुयपरिसप्पा भुयपरिसप्पा भेदो तहेव चत्तारि सरीरा ओगाहणा जहन्नेणं अंगुलस्स असंखेज्जइ
[दीपरत्नसागर संशोधितः]
[11]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |