Page Text
________________
[२९३] खीरोदण्णं समुदं घयवरे नाम दीवे वट्टे वलयागारसंठाणसंठिते जाव चिट्ठति जाव-से केणटेणं भंते एवं वुच्चति-घयवरे दीवे घयवरे दीवे गोयमा घयवरे णं दीवे तत्थ-तत्थ देसे तहिं-तहिं बहुईओ खुड्डा-खुडियाओ जाव विहरंति नवरं-घयोदगपडिहत्थाओ पव्वतादी सव्वकणगमया कणगकणगप्पभा यत्थ दो देवा महिढिया जाव पलिओवमद्वितीया परिवसंति से तेणटेणं जोतिसं संखेज्जं घयवरण्णं दीवं घयोदे नामं समुद्दे वट्टे जाव चिटुंति जाव-से केणद्वेणं भंते एवं वुच्चति-घयोदे समुद्दे घयोदे समुद्दे गोयमा घयोदस्स णं समुदस्स उदए से जहानामए-सारइयस्स गोघयवरस्स मंडे सुकढिते उद्दा सज्जविसंदिते विस्संते सल्लइ कण्णियार पुप्फवण्णभे वण्णेणं उववेते गंधेणं उववेते रसेणं उववेते फासेणं उववेते आसादणिज्जे जाव पल्हायणिज्जे भवेतारूवे सिया गोयमा नो इणढे समढे घयोदस्स णं समुद्दस्स उदए एत्तो इतृतराए चेव जाव मणामतराए चेव आसादे णं पन्नत्ते कंतसुकंता यत्थ दो देवा महिड्ढिया जाव पलिओवमद्वितीया परिवसंति से तेणटेणं चंदादी तधेव, घयोदण्णं दिवरे नामं दीवे वट्टे जाव चिट्ठति जाव,-से केणटेणं भंते एवं वुच्चति-खोदवरे दीवे खोदवरे दीवे गोयमा खोदवरे णं दीवे तत्थ-तत्थ देसे तहिं-तहिं बहुईओ खुड्डा-खुड्डियाओ वावीओ जाव विहरंति नवरं-खोदोदगपडिहत्थाओ पववतगादी सव्ववेरुलियामया सुप्पभ-महप्पभा यत्थ दो देवा महिढिया जाव पलिओवमद्वितीया परिवसंति से तेणटेणं चंदादी संखेज्जा, खोदवरण्णं दीवं खोदोदे नामं समुद्दे वट्टे जाव चिट्ठति जाव, से केणटेणं भंते एवं वुच्चतिखोदोदे समुद्दे खोदोदे समुद्दे गोयमा खोदोदस्स णं समुद्दस्स उदए से जहानामए-उच्छृणं जच्चाणं वरपुंडगाणं हरिताभाणं भेरुंडच्छूण वा कालपोराणं हरिताल-पिंजराणं अवणीतमूलाणं तिभागणिव्वादितवाडाणं गंठिपरिसोधिताणं खोदरसे होज्ज वत्थपरिपूते चाउज्जा-तगसुवासिते अधियपत्थे लहुए वण्णेणं उववेते जाव फासेणं उववेते आसादणिज्जे जाव सव्विंदियागा-तपल्हायणिज्जे भवेतारूवे सिया गोयमा नो इणढे समढे खोदेसदस्स णं समुद्दस्स उदए एत्तो इतराए चेव जाव मणामतराए चेव आसादे णं पन्नत्ते पुन्नपुन्नप्पभा यत्थ दो देवा महिढिया जाव पलिओवमद्वितीया परिवसंति से तेणटेणं गोयमा एवं वुच्चतिखोदोदे समुद्दे खोदोदे समुद्दे चंदा [दीण जधा पुक्खरोदस्स]
[२९४] खोदोदण्णं मसुदं नंदिस्सरवरे नामं दीवे वट्टे जाव चिट्ठति पुव्वक्कमेणं जाव जीवोववातो से केणटेणं भंते एवं वुच्चति-नंदिस्सरवरे दीवे नंदिस्सरवरे दीवे गोयमा नंदिस्सरवरे णं दीवे तत्थ-तत्थ देसे तहिं-तहिं खुड्डा-खुडियाओ वावीओ जाव विहरंति नवरं-खोदोदगपडिहत्थाओ पव्वतगादी पव्वभणिता सव्ववइरामया अच्छा जाव पडिरूवा अदत्तरं च णं गोयमा नंदिस्सरवरे दीवे चउद्दिसिं चक्कवा-लविक्खंभेणं बहुमज्झदेसभागे चत्तारि अंजनगपत्ता पन्नत्ता तं जहा- पुरत्थिमेमं दाहिणेणं पच्चत्थिमेणं उत्तरेणं ते णं अंजण-गपव्वता चतुरासीतिं जोयणसहस्साइं उड्ढं उच्चत्तेणं एगं जोयणसहस्सं उव्वेहेणं मले साइरेगाइं दसजोयणसहस्साइं विक्खंभेणं घरणियले दसजोयणसहस्साई आयाम-विक्खंभेणं
तदाणंतरं पडिवत्ति-३
मायाए-मायाए परिहायमाणा-परिहायमाणा उवरिं एग जोयणसहस्सं आयाम-विक्खंभेणं मूले एक्कतीसं जोयणसहस्साइं छच्च तेवीसे जोयणसते किंचिविसेसा-हिए परिक्खेवेणं धरणियले एक्कतीसं जोयणसहस्साइं छत्त तेवीसे जोयणसते देसूणे परिक्खेवेणं उवरिं तिण्णि-जोयण-सहस्साइं एकं च बावर्ल्ड जोयणसतं किं चिविसेसाहियं परिक्खेवेणं मूले विच्छिण्णा मज्झे संखित्ता उप्पिं तणुया गोपुच्छसंठाणसंठिता सव्वंजणमया अच्छा जाव पडिरूवा पत्तेयं-पत्तेयं पउमवरवेदि-यापरिक्खित्ता पत्तेयं-पत्तेयं [दीपरत्नसागर संशोधितः]
[111]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |