Page Text
________________
वणसंड-परिक्खित्ता वण्णओ तेसि णं अंजनगपव्वयाणं उवरिं पत्तेयं-पत्तेयं बहसमरमणिज्जो भूमिभागो पन्नत्तो से जहानामए आलिंगपक्खरेति वा जाव विहरंति ।
तेसि णं बहसमरमणिज्जाणं भूमिभागाणं बहुमज्झदेसभाए पत्तेयं-पत्तेयं सिद्धायतणे पन्नत्ते ते णं सिद्धायतणा एगमेगं जोयणसतं आयामेणं पन्नासं जोयणाइं विक्खंभेणं बावत्तरि जोयणाई उड्ढं उच्चत्तेणं अणेगखंभसतसंनिविट्ठा वण्णओ तेसि णं सिद्धायतणाणं पत्तेयं-पत्तेयं चउद्दिसिं चत्तारि दारा पन्नत्ता तं जहा- पुरत्थिमेणं दाहिणेणं पच्चत्थिमेणं उत्तरेणं पुरत्थिमेणं देवदारे दाहिणेणं असुरदारे पच्चत्थिमेणं नागद्दारे उत्तरेणं सुवण्णदारे तत्थ णं चत्तारि देवा महिड्ढीया जाव पलिओवमद्वितीया परिवसंति तं जहा- देवे असुरे नागे सुवण्णे ते णं दारा सोलस जोयणाई उड्ढं उच्चत्तेणं अट्ठ जोयणाई विक्खंभेणं तावतियं चेव पवेसेणं सेता वरकणगथूभियागा वण्णओ तेसि णं दाराणं उभयतो पासिं दुहतो निसीधियाए सोलस-सोलस वंदणकलसा पन्नत्ता एवं नेतव्वं जाव सोलस वणमालाओ तेसिं णं दाराणं पुरओ पत्तेयं-पत्तेयं मुहमंडवे पन्नत्ते ते णं मुहमंडवा एगं जोयणसतं आयामेणं पन्नासं जोयणाई विक्खंभेणं साइरेगाइं सोलस जोयणाई उड्ढे उच्चत्तेणं अमेगखंभसयसंनिविट्ठा वण्णओ तेसि णं मुहमंडवाणं पत्तेयं-पत्तेयं तिदिसिं तओ दारा पन्नत्ता ते णं दारा सोलस जोयणाई उड्ढे उच्चत्तेणं अट्ठ जोयणाइं विक्खंभेणं जाव वणमालाओ उल्लोगो भमिभागो उप्पिं अट्ठमंगलगा ।
तेसि णं मुहमंडवाणं पुरओ पत्तेयं-पत्तेयं पेच्छाघरमंडवे पन्नत्ते मुहमंडवप्पमाणतो वत्तव्वता जाव भूमिभागो तेसि णं बहुसमरमणिज्जाणं भूमिभागाणं बहुमज्झदेसभाए पत्तेयं-पत्तेयं अक्खाडाए पन्नत्ते तेसि णं वइरामयाणं अक्खाडगाणं बहुमज्झदेसभाए पत्तेयं-पत्तेयं मणि-पेढिया पन्नत्ता ताओ णं मणिपेढियाओ अट्ठ जोयणाई आयाम-विक्खंभेणं चत्तारि जोयणाई बाहल्लेणं सव्वमणिमईओ जाव पडिरूवाओ तासि णं मणिपेढियाणं उप्पिं सीहासणा विजयदूसा अंकुसा दामा उप्पिं अट्ठमंगलगा तेसि णं पेच्छाघरमंडवाणं पुरतो पत्तेयं-पत्तेयं मणिपेढिया पन्नत्ता ताओ णं मणिपेढियाओ सोलस जोयणाई आयाम-विक्खंभेणं अट्ठ जोयणाई बाहल्लेणं सव्वमणिमईओ अच्छाओ जाव पडिरूवाओ तासि णं मणिपेढियाणं उप्पिं पत्तेयं-पत्तेयं चेतियथूभे पन्नत्ते ते णं चेतियथूभा सोलस जोयणाई आयामविक्खंभेणं साइरेगाइं सोलस जोयणाई उड्ढं उच्चत्तेणं संखंक-कुंद-दगरय-अमयमहियफेणपुंजसण्णिकासा अच्छा जाव पडिरूवा उप्पिं अट्ठमंगलगा जाव सहस्सपत्तहत्थगा तेसि णं चेतियथूभाणं पत्तेयं-पत्तेयं चउद्दिसं चत्तारि मणिपेढियाओ पन्नत्ताओ ताओ णं मणिपेढियाओ अट्ठ जोयणाई आयाम-विक्खंभेणं चत्तारि जोयणाई बाहल्लेण सव्वमणिमईओ अच्छाओ जाव पडिरूवाओतासि णं मणिपेढियाणं उप्पिं पत्तेयंपत्तेयं चत्तारि जिनपडिमाओ जिणुस्सेधप्ममाणमेत्तीओ सव्वरयणामईओ संपलियंकनिसण्णाओ थूभाभिमुहीओ चिट्ठति तं जहा- उसभा वद्धमाणा चंदानना वारिसेणा तेसि णं चेतियथूभाणं पुरतो पत्तेयंपत्तेयं मणिपेढियाओ पन्नत्ताओ ताओ णं मणिपेढियाओ सोलस जोयणाई आयाम-विक्खंभेणं अट्ठ जोयणाई बाहल्लेणं
सव्वमपडिवत्ति-३
णिमईओ अच्छाओ जाव पडिरूवाओ तासि णं मणिपेढिया णं उप्पि पत्तेयं-पत्तेयं चेतियरुक्खे पन्नत्ते ते णं चेतियरुक्खा अट्ट जोयणाई उडढं उच्चत्तेणं पमाणं वण्णावासो य जहा विजयस्स जाव अमंगलगा तेसि णं चेतियरुक्खाणं पुरतो पत्तेयं-पत्तेयं मणिपेढिया पन्नत्ता ताओ णं मणिपेढियाओ अट्ठ जोयणाई आयाम-विक्खंभेणं चत्तारि जोयणाइं बाहल्लेणं सव्वमणिमईओ अच्छाओ जाव पडिरूवाओ |
दीपरत्नसागर संशोधितः]
[112]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |