Page Text
________________
सव्वफालियामया अच्छा जाव पडिरूवा तेसु णं उप्पायपव्वेसु जाव पक्खंदोलएसु बहूइं हासासणाइं जाव दिसासोवत्थियासणाइं सव्वफालियामयाइं अच्छाइं जाव पडिरूवाइं वरुणवरे णं दीवे तत्थ-तत्थ देसे तहिंतहिं बहवे आलिघरगा जाव कुसुमघरगा सव्वफालियामया अच्छा जाव पडिरूवा तेसु णं आलिघरएस् जाव कुसुमघरएसु बहूइं हासासणाई जाव दिसासोवत्थियासणाई सव्वफालियामयाइं अच्छाई जाव-पडिरूवाइं वरुणवरे णं दीवे तत्थ-तत्थ देसे तहिं-तहिं बहवे जातिमंडवगा जाव सामलतामंडवगा सव्वफालियामया अच्छा जाव पिडरूवा तेस् णं जातिमंडवएस् जाव सामलतामंडवएस् बहवे पढविसिलापट्टगा पन्नत्ता तं जहा- अप्पेगतिया हंसासणसंठिता जाव अप्पेगतिया वरसयणविसिट्ठ-संठाणसंठिता सव्वफालियामया अच्छा जाव पडिरूवा तत्थ णं बहवे वाणमंतरा देवा जाव विहरंति से तेणटेणं गोयमा एवं वुच्चति-वरुणवरे दीवे वरुणवरे दीवे वरुण-वरुणप्पभा यत्थ दो देवा महिइढिया जाव पलिओवमद्वितीया परिवति जोतिसं संखेज्जं ।
[२९१] वरुणवरण्णं दीवं वरुणोदे नामं समुद्दे वट्टे वलयागार जाव चिट्ठति पुक्खरोदत्तव्वत्ता जाव जीवोववातो से केणद्वेणं भंते एवं वच्चि-वरुणोदे समद्दे वरुणोदे समद्दे गोयमा वरुणोदस्स णं समुदस्स उदए से जहानामए-चंदप्पभाई वा मणिसिला-गाइ वा वरसीधूति वा वरवारुणीइ वा पत्तासवेइ वा पुप्फासवेइ वा फलासवेइ वा चोयासवेइ वा मधूति वा मेरएति वा जातिप्पसन्नाइ वा खज्जूरसारेइ वा मुद्दियासारेइ वा कापिसायणेइ वा सुपक्खखोयरस्सेइ वा अट्ठपिट्ठणिहिताइ वा जंबूफलकालियाइ वावरपसण्णाइ वा उक्कोसमदपत्ता आसला मासला पेसला ईंसिं ओढावलंबिणी ईसिं तंबच्छिकरणी सि वोच्छेदकडई वण्णेणं उववेता गंधेणं उववेता रसेणं उववेता फासेणं उववेता आसादणिज्जा वीसादणिज्जा दीवणिज्जा दप्पणिज्जा मयणिज्जा बिहणिज्जा सव्विंदियगातपल्हायणिज्जा भवेतारूवे सिया गोयमा नो इणढे समढे वरुणोदस्स णं समुद्दस्स उदए एत्तो इद्रुतरा चेव जाव मणामतराए चेव आसादे णं पन्नत्ते वारुणिवारुणिकंता यत्थ दो देवा महिढिया जाव पलिओवमद्वितीया परिवसंति से तेणटेणं गोयमा एवं वच्चतिवरुणोदे समुद्दे वरुणोदे समुद्दे जोतिसं संखिज्जकेणं नायव्वं वारुणवरेणं दीवे कइ चंदापमासिंसु वा।
[२९२] वरुणोदण्णं समुदं खीरवरे नामं दीवे वट्टे जाव चिटुंति तधेव जाव-से केणटेणं भंते एवं वुच्चति-खीरवरे दीवे खीरवरे दीवे गोयमा खीरवरे णं दीवे तत्थ-तत्थ देसे तहिं-तहिं बहुईओ खुड्डाखुडियाओ जाव बिलपंतियाओ अच्छाओ जाव सक्षुण्णइयमहरसनाइयाओ खीरोदगपडिहत्थाओ पासादीयाओ दरिसणिज्जाओ अभिरू-वाओ पडिरूवाओ पव्वतगा पव्वतएस् आसणा धरहा धरएस आसणा मंडला मंडवएस् पढविसि-लापट्टगा सव्वरयणामया अच्छा जाव पडिरूवा पंडरग-प्प्फदंता यत्थ दो देवा महिइढिया जाव पलिओवमद्वितीया परिवसंति से तेणटेणं खीरवरण्णं दीवं खीरोदे नामं समुद्दे वट्टे जाव चिट्ठति तधेव जाव-से केणद्वेणं भंते एवं वुच्चति-खीरोदे समुद्दे खीरोदे समुद्दे गोयमा खीरोदस्स णं पडिवत्ति-३
समुदस्स उदए से जहानामे-रण्णो चाउरंतचक्कवट्टिस्स चाउरक्के गोक्खीरे खंडगुलमच्छंडियोवणीते पयत्तमंदग्गिसुकढिए वण्णेणं उववेते गंधेणं उववेते रसेणं उववेते फासेणं उववेते आसादणिज्जे जाव बिहणिज्जे सव्विंदयगातपल्हायणिज्जे भवेतारूवे सिया गोयमा नो इणढे समढे खीरोदस्स णं समुदस्स उदए एत्तो इद्वतराए चेव जाव मणामतराए चेव आसादेणं पन्नत्ते विमल-विमलप्पभा यत्थ दो देवा महिइढिया जाव पलिओवद्वितीया परिवसंति से तेणटेणं जोतिसं संखेज्जं चंदा जाव तारा |
दीपरत्नसागर संशोधितः]
[110]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |