Page Text
________________
णं भंते देवाणं जाहे इंदे चवति से कहमिदाणिं पकरेंति गोयमा ताहे चत्तारि पंच वा सामाणिया देवा तं ठाणं उवसंपज्जित्ताणं विहरंति जाव एत्थ अण्णे इंदे उववण्णे भवति इंदट्ठाणे णं भंते केवतियं कालं विरहिते उववातेणं गोयमा जहण्णेणं एक्कं समयं उक्कोसेणं छम्मासा बहिया णं भंते माणुसुत्तरस्स पव्वतस्स जे चंदिम-सूरियग-हनक्खत्ततारारूवा ते णं भंते देवा किं उड्ढोववण्णगा जाव गतिसमावण्णगा गोयमा ते णं देवा नो उड्ढोववण्णगा नो कप्पोववण्णगा विमाणोववण्णगा नो चारोववण्णगा चारद्वितीया नो गतिरतिया नो गतिसमावण्णगा पक्किट्टगसंठाणसंठितेहिं जोयणसतसाहस्सिएहिं तावक्खेत्तेहिं साहस्सियाहि य बाहिराहिं परिसाहिं महताहतनट्ट-गीत-वादित-रवेणं दिव्वाइं भोगभोगाई भुंजमाणा महा उक्किट्ठ सीहनायबोलकलकलरवेणं पक्खुभितमहासमुद्दरवभूतं पिव करेमाणा सुहलेस्सा मंदलेस्सा मंदायलेस्सा चित्तंतरलेसा अण्णमण्णसमोगाढाहिं लेसाहिं कूडा इव ठाणट्ठिता ते पदेसे सव्वतो समंता ओभासेंति उज्जोवेंति तवेंति पभासेंति तेसिं णं भंते देवाणं जाहे इंदे चवति से कहमिदाणिं पकरेतिं गोयमा ताहे चत्तारि पंच वा सामाणिया देवा तं ठाणं उवसंपज्जित्ताणं विहरंति जाव तत्थ अण्णे इंदे उववण्णे भवति, इंदट्ठाणे णं भंते केवतियं कालं विरहओ उववातेणं गोयमा जहण्णेणं एक्कं समयं उक्कोसेणं छम्मासा ।
[२८९] पुक्खरवरण्णं दीवं पुक्खरोदे नामं समुद्दे वट्टे वलयागारसंठाणसंठिते [सव्वतो समंता] संपरिक्खित्ताणं चिट्ठति पुक्खरोदे णं भंते समुद्दे किं समचक्कवालसंठिते विसमचक्कवालसंठिते गोयमा समचक्कवालसंठिते नो विसमचक्कवालसंठिते पुक्खरोदे णं भंते समुद्दे केवतियं चक्कवाल - विक्खंभेणं केवतियं परिक्खेवेणं पन्नत्ते गोयमा संखेज्जाई जोयणसयसहस्साइं चक्कवालविक्खंभेणं संखेज्जाई जोयणसयसहस्साइं परिक्खेवेणं पन्नत्ते से णं एगाए पउमवरवेदियए एगेणं वनसंडेणं सव्वओ समंता संपरिक्खित्ते दोण्हवि वण्णओ पुक्खरोदस्स णं समुद्दस्स कति दारा पन्नत्ता गोयमा चत्तार पन्नत्ता तहेव सव्वं पुक्खरोदसमुद्दपुरत्थिमपेरंते वरुणवरदीवपुरत्थिमद्धस्स पच्चत्थिमेणं एत्थ पुक्खरोदस्स विजए नामं दारे पन्नत्ते एवं सेसाणवि, दारंतरंमि संखेज्जाई जोयण-सयसहस्साइं अबाहा अंतरे पन्नत्ते पदेसा जीवा य तहेव से केणद्वेणं भंते एवं वच्चतिपुक्खरोदे समुद्दे पुक्खरोदे समुद्दे गोमा पुक्खरोदस्स णं समुद्दस्स उदगे अच्छे पत्थे जच्चे तणुए फलिहवण्णाभे पगतीए उदगरसे पन्नत्ते सिरिधर-सिरिप्पभा यत्थ दो देवा महिड्ढीया जाव पलिओवमद्वितीया परिवसंति से एतेणद्वेणं जाव निच्चे पुक्खरोदे णं भंते समुददे कति चंदा पभासिंसु वा पभासेंति व पभासिस्संति वा संखेज्जा चंदा पभासेंसु वा जाव संखेज्जा तारागणकोडकोडीओ सोभं सोर्भेसु वा सोभंति वा सोभिस्संति वा ।
[२९०] पुक्खरोदण्णं समुद्दं वरुणवरे नामं दीवे वट्टे वलयागारे जाव चिट्ठति तहेव सम
पडिवत्ति - ३
चक्कवालसंठिते केवतियं चक्कवालविक्खंभेणं केवइयं परिक्खेवेणं पन्नत्ता गोयमा संखिज्जाइं जोयणसयसहस्साइं चक्कवालविक्खंभेणं संखेज्जाएं जोयणसतसहस्साइं परिक्खेवेणं पन्नत्ते पउमवरवेदियावणसंडवण्णओ दारंतरं पदेसा जीवा तहेव सव्वं, से केणणं भंते एवं वच्चइवरुणवरे दीवे वरुणवरे दीवे गोयमा वरुणवरे णं दीवे तत्थ-तत्थ देसे तहिं तहिं बहुईओ खुड्डाखुड्डियाओ जाव बिलपंतियाओ अच्छाओ सद्दुण्णइयमहुरसनइयाओ वारुणिवरोदग पडिहत्थाओ पत्तेयं-पत्तेयं पउमवरवेइयापरिक्खित्ताओ पत्तेयंपत्तेयं वणसंडपरिक्खित्ताओ वण्णओ पासादीयाओ दरिसणिज्जाओ अभिरूवाओ पडिरूवाओ तिसोमाणतोरणा तासु णं खुड्डा-खुड्डियासु जाव बिलपंतियासु बहवे उप्पातपव्वया जाव पक्खंदोलगा
[ दीपरत्नसागर संशोधितः ]
[109]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |