Page Text
________________
अट्ठ य तेवीसुत्तरे जोयणसते मज्झे गिरिपरिरएणं एगा जोयणकोडी बायालीसं च सयसहस्साई बत्तीसं च सहस्साइं नव य बत्तीसं जोयणसते उवरि गिरिपरिरएणं मूले विच्छिण्णे मज्झे संखित्ते उप्पिं तणुए अंतो सण्हे मज्झे उदग्गे बाहिं दरिसणिज्जे ईसिं सण्णिसण्णे सीहनिसाई अवड्ढजव-रासिसंठाणसंठिते सव्वजंबूनयामए अच्छे सण्हे जाव पडिरूवे उभओपासिं दोहिं पठमवरवेदियाहिं दोहि य वणसंडेहि सव्वतो समंता संपरिक्खिते वण्णओ दोण्हवि से केणद्वेणं भंते एवं वुच्चति-माणुसुत्तरे पव्वते माणुसुत्तरे पव्वते गोयमा माणुसुत्तरस्स णं पव्वतस्स अंतो मणुस्सा उप्पिं सुवण्णा बाहिं देवा अदुत्तरं च णं गोयमा माणुसुत्तरं पव्वतं मणुस्सा णं कयाइ वीतिवइंसु वा वीतिवयंति वा वीतिवइस्संति वा नन्नत्थ चारणेणं वा विज्जाहरेण वा देवकम्मणा वा से तेणटेणं गोयमा एवं वच्चति-माणसत्तरे पव्वते माणुस्त्तरे पव्वते अद्त्तरं च णं जाव निच्चे ।
जावं च णं माणुसुत्तरे पव्वते तावं च णं अस्सिं लोए त्ति पवुच्चति जावं च णं वासाति वा वासधरपव्वताति वा तावं च णं अस्सिं लोएत्ति पच्चति जावं च णं गेहाइ वा गेहा यनाति वा तावं च णं अस्सिं लोएत्ति पवुच्चति जावं च णं गामाति वा जाव सन्निवसाति वा तावं च णं अस्सिं लोएत्ति पवुच्चति जावं च णं अरहंता चक्कवट्टी बलदेवा वासुदेवा चारणा विज्जाहरा समणा समणीओ सावया सावियाओ मण्या पगतिभद्दगा जाव विणीता तावं च णं अस्सिं लोएत्ति पवुच्चति जाव च णं बहवे
ओराला बलाहका संसेयंति संमुच्छंति वासं वासंति तावं च णं अस्सिं लोएत्ति पवुच्चति जावं च णं बादरे विज्जुकारे बादरे थणियसद्दे तावं च णं अस्सिं लोएत्ति पवुच्चति जावं च णं बायरे अगणिकाए तावं च णं अस्सिं लोएत्ति पवुच्चति जावं च णं आगाराति वा नदीओइ वा निहीति वा तावं च णं अस्सिं लोएत्ति पवुच्चति जावं च णं समयाति वा आवलियाति वा आणापाणूति वा थोवाइ वा लवाइ वा मुहुत्ताइ वा दिवसाति वा अहोरत्ताति वा पक्खाति वा मासाति वा उदूति वा अयनाति वा संवच्छराति वा जुगाति वा वाससताति वा वाससहस्साति वा वाससयसहस्साति वा पुव्वंगाति वा पुव्वाति वा तुडियंगाति वा एवं पुव्वे तुडिए अड्डे अववे हुहुए उप्पले पउमे नलिणे अत्थनिउरे अउते नउते पउते चूलिया सीसपहेलिया जाव य सीसपहेलियंगेति वा सीसपहेलियाति वा पलिओवमेति वा सागरोवमेति वा ओसप्पिणीति वा उस्सप्पिणीति वा तावं च णं अस्सिं लोएत्ति पवुच्चति जावं च णं चंदोवरागाति वा सूरोवरागाति वा चंदपरिएसाति वा सूरपरिएसाति वा पडिचंदाति वा पडिसूराति वा इंदधणुइ वा उदगमच्छेइ वा अमोहाइ वा कपिहसिताणि वा तावं च णं अस्सिं लोएत्ति पवुच्चति जावं च णं चंदिमसूरियगहगणनक्खत्ततारारूवाणं अभिगमण
निग्गमपडिवत्ति-३
ण-वुढि-निवुढि-अणव-ट्ठियसंठाणसंठिती आघविज्जति तावं च णं अस्सिं लोएत्ति पवुच्चति ।
[२८८] अंतो णं भंते माणुसुत्तरस्स पव्वतस्स जे चंदिमसूरियगहगणनक्खत्ततारारूवा ते णं भंते देवा किं उड्ढोववण्णगा कप्पोववण्णगा विमाणोववण्णगा चारोववण्णगा चारद्वितीया गतिरतिया गतिसमावण्णगा गोयमा ते णं देवा नो उड्ढोववण्णगा नो कप्पोववण्णगा विमाणोववण्णगा चारोववण्णगा नो चारद्वितीया गतिरतिया गतिसमावण्णगा उड्ढीमुहकलंबुयापुप्फसंठाणसंठितेहिं जोयणसाहस्सितेहिं तावखेत्तेहिं साहस्सियाहिं बाहिरियाहिं वेउव्वियाहिं परिसाहिं महयाहयनट्ट-गीत-वादित-तंती-तल-ताल-तुडियधण-मुइंग-पडुप्पवादितरवेणं दिव्वाइं भोगभोगाइं भुंजमाणा महया उक्किठसीहनायबोलकलकलरवेणं पक्खुभितमहासमुद्दरवभूतं पिव करेमाणा अच्छं पव्वयरायं पदाहिणावत्तमंडलचारं मेरुं अनुपरियडंति तेसि [दीपरत्नसागर संशोधितः]
[108]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |