________________
पडिवत्ति-३
[२७४] एवं वड्ढइ चंदो परिहाणी एव होइ चंदस्स । कालो वा जोण्हो वा तेणणुभावेण चंदस्स || [२७५] अंतो मणुस्सखेत्ते हवंति चारोवगा य उववण्णा । पंचविहा जोइसिया चंदा सूरा गहगणा य || [२७६] तेणं परं जे सेसा चंदाइच्चगहतारनक्खत्ता
|
नत्थि गई नवि चारो अवट्ठिया ते मुणेयव्वा ।। [२७७] दो चंदा इह दीवे चत्तारि य सागरे लवणतोए । धायइसंडे दीवे बारस चंदा य सूरा य || [२७८ ] दो-दो जंबुद्दीवे ससिसूरा दुगुणिया भवे लवणे । लावणिगा य तिगुणिया ससिसूरा धयईसंडे ।। [२७९] घायइसंडप्पभितिं उद्दिट्ठा तिगुणिया चंद आइल्लचंदसहिया अनंतरानंतरे खेत्ते || [२८०] रिक्खग्गहतारग्गं दीवसमुद्देसु इच्छसी नाउं | तस्स ससीहिं गुणियं रिक्खग्गहतारयग्गं तु [ २८१] चंदातो सूरस्स य सूरा चंदस्स अंतरं होइ । पन्नास सहस्साइं जोयणाणं अणूणाई || [२८२] सूरस्स य सूरस्स य ससिणो ससिणो य अंतरं होई । बहियाओ माणुसनगस्स जोयणाणं सयसहस्सं । [ २८३] सूरतरिया चंदा चंदंतरिया य दिनयरा दित्ता । चित्तंतरलेसागा सुहलेसा मंदलेसा य ||
[ २८४] अट्ठासीइं च गहा अट्ठावीसं च होंति नक्खत्ता । एससीपरिवारो तो ताराण वोच्छामि || [२८५] छावट्ठिसहस्साइं नव चेव सयाई पंचसयराई । एससी परिवारो तारागणकोडकोडीणं
||
[२८६] बहियाओ माणुसनगस्स चंदसूराणवट्ठिया जोगा ।
चंदा अभिइजुत्ता सूरा पुण होंति पूसेहिं ।।
[२८७] माणुसुत्तरे णं भंते पव्वते केवतियं उड्ढं उच्चत्तेणं केवतियं उव्वेहेणं केवतियं मूले विक्खंभेणं केवतियं मज्झे विक्खंभेणं केवतियं उवरिं विक्खंभेणं केवतियं अंतो गिरिपरिरएणं केवतियं बाहि गिरिपरिरएणं केवतियं मज्झे गिरिपरिरएणं केवतियं उवरि गिरिपरिरएणं गोयमा माणुसुत्तरे णं पव्वते सत्तरस एक्कवीसाइं जोयणसयाई उड्ढं उच्चत्तेणं चत्तारि तीसे जोयणसए कोसं च उव्वेहेणं मूले दसबावीसे जोयणसते विक्खंभेणं मज्झे सत्ततेवीसे जोयणसते विक्खंभेणं उवरि चत्तारिचउवीसे जोयणसते विक्खंभेणं एगा जोयणकोडी बायालीसं च सयसहस्साइं तीसं च सहस्साइं दोण्णि य अउणापन्ने जोयणसते किंचिविसेसाहिए अंतोगिरिपरिरएणं एगा जोयणकोडी बायालीसं च सतसहस्साइं छत्तीसं च सहस्साइं सत्त चोद्दसोत्तरे जोयणसते बाहिं गिरिपरिरएणं एगा जोयणकोडी बायालीसं च सतसहस्साइं चोत्तीसं च सहस्सा [दीपरत्नसागर संशोधितः ] [१४- जीवाजीवाभिगमं ]
[107]
