________________
सतं-४, वग्गो- ,सत्तंसतं- , उद्देसो-१-४
0 उद्देसगा-:१,२,३,४:-0 [२०८] रायगिहे नगरे जाव एवं वयासी- ईसाणस्स णं भंते! देविंदस्स देवरण्णो कति लोगपाला पण्णत्ता? गोयमा! चत्तारि लोगपाला पण्णता, तं जहा-सोमे जमे वेसमणे वरुणे।
एतेसि णं भंते! लोगपालाणं कति विमाणा पण्णत्ता? गोयमा! चत्तारि विमाणा पण्णत्ता, तं जहा-सुमणे सव्वतोभद्दे वग्गू सुवग्गू।
कहि णं भंते! ईसाणस्स देविंदस्स देवरण्णो सोमस्स महारण्णो सुमणे नामं महाविमाणे पण्णते? गोयमा! जंबुद्दीवे दीवे मंदरस्स पव्वयस्स उत्तरेणं इमीसे रयणप्पभाए पुढवीए जाव ईसाणे णाम कप्पे पण्णते। तत्थ णं जाव पंच वडेंसया पण्णता, तं जहा-अंकवडेंसए फलिहवडिंसए पयणवडेंसए जायरूववडिंसए, मज्झे यऽत्थ ईसाणवडेंसए। तस्स णं ईसाणवडेंसयस्स महाविमाणस्स पुरत्थिमेणं तिरियमसंखेज्जाइं जोयणसहस्साई वीतिवतिता एत्थ णं ईसाणस्स देविंदस्स देवरण्णो सोमस्स २ सुमणे नामं महाविमाणे पण्णत्ते, अद्धतेरसजोयण. जहा सक्कस्स वत्तव्वता ततियसते तहा ईसाणस्स वि जाव अच्चणिया समत्ता।
चठण्ह वि लोगपालाणं विमाणे विमाणे उद्देसओ। चउसो विमाणेसु चत्तारि उद्देसा अपरिसेसा। नवरं ठितीए नाणत्तं
[२०९] आदि दुय तिभागूणा पलिया धणयस्स होंति दो चेव।
दो सतिभागा वरुणे पलियमहावच्चदेवाणं ।। *चउत्थे सए पढम-बिइय-तइय-चउत्था उहेसा समत्ता.
0 उद्देसगा-५,६,७,८-0 [२१०]रायहाणीसु वि चत्तारि उद्देसा भाणियव्वा जाव एमहिड्ढीए जाव वरुणे महाराया। *चमत्थे सए पंचम-छट्ठ-सत्तम-अट्ठमा उद्धेसा समत्ता
0नवमो उद्देसो 0 [२११]नेरइए णं भंते! नेरतिएसु उववज्जइ? अनेरइए नेरइएसु उववज्जइ? पण्णवणाए लेस्सापदे ततिओ उद्देसओ भाणियव्वो जाव नाणाई।
*चत्थे सए नवमो उहेसो समतो.
दसमो उद्देसो 0 [२१२]से नूणं भंते! कण्हलेस्सा नीललेस्सं पप्प तारूवत्ताए तावण्णताए.? एवं चउत्थो उद्देसओ पण्णवणाए चेव लेस्सापदे नेयव्वो जाव
[२१३] परिणाम-वण्ण-रस-गंध-सुद्ध-अपसत्थ-संकिलिठ्ठण्हा।
गति-परिणाम -पदेसोगाह -वग्गणा-ठाणमप्पबहुं ।। [२१४] सेवं भंते! सेवं भंते! ति.।
चउत्थे सए दसमो उद्देसो समत्तो
__०-चउत्थं सयं समत्तं-० ० मुनि दीपरत्नसागरेण संशोधितः सम्पादित्तश्च चउत्थं सतं समतं .
[दीपरत्नसागर संशोधितः]
[79]
[५-भगवई
