Page Text
________________
सतं - ३, वग्गो, सत्तंसत्तं-, उद्देसो-७
सक्कस्स णं देविंदस्स देवरण्णो वेसमणस्स महारण्णो इमे देवा आणा उववाय- वयण- निद्देसे चिट्ठति, तं जहा-वेसमणकाइया ति वा, वेसमणदेवयकाइया ति वा, सुवण्णकुमारा सुवण्णकुमारा सुवण्णकुमारीओ दीवकुमारा दीवकुमारीओ, दिसाकुमारा दिसाकुमारीओ वाणमंतरा वाणमंतरीओ, जे यावन्ने तहप्पगारा सव्वे ते तब्भत्तिया जाव चिट्ठति ।
जंबुद्दीवे २ मंदरस्स पव्वयस्स दाहिणेणं जाई इमाई समुप्पज्जंति, तं जहा-अयागरा इ वा, तठयागरा इ वा, तंबयागरा इ वा, एवं सीसागरा इ वा हिरण्ण., सुवण्ण., रयण., वयरागरा इवा, वसुधारात वा, हिरण्णवासा ति वा, सुवण्णवासा ति वा, रयण., वइर., आभरण., पत्त., पुप्फ., फल., बी., मल्ल., वण्ण., चुण., गंध., वत्थवासा इ
वा, हिरण्णवुट्टी इ वा, सु., र., व., आ., प., पु., फ., बी., म., व., चुण्ण. गंधवुट्ठी., वत्थवुट्ठी ति वा, भायणवुट्ठीति वा, खीरवुट्ठी ति वा, सुकाला ति वा, दुक्काला ति वा, अप्पग्घा ति वा, महग्घा वा, सुभिक्खा ति वा, दुभिक्खा ति वा, कयविक्कया ति वा, सन्निहि त्ति वा, सन्निचया ति वा निही तिवा णिहाणा ति वा, चिरपोराणाइ वा, पहीणसमियाति वा, पहीणसेतुयाति वा, पहीणमग्गाणि वा, पहीणगोत्तागाराइ वा उच्छन्नसामियाति वा उच्छन्नसेतुयाति वा, उच्छन्नगोत्तागाराति वा सिंघाडग-तिग-चठक्क-चच्चरचउम्मुह-महापह-पहेसु नगरनिद्धमेणेसु सुसाण- गिरि-कंदर-संति- सेलोवट्ठाण - भवणगिहेसु सन्निक्खिताई चिट्ठति, ण ताई सक्कस्स देविंदस्स देवरण्णो वेसमणस्स महारण्णो अण्णायाइं अदिट्ठाई असुयाइं अविन्नायाइं, तेसिं वा वेसमणकाइयाणं देवाणं ।
सक्कस्स णं देविंदस्स देवरण्णो वेसमणस्स महारण्णो इमे देवा अहावच्चाभिण्णाया होत्था, तं जहा-पुण्णभद्दे माणिभद्दे सालिभद्दे सुमणभद्दे चक्करक्खे पुण्णरक्खे सव्वाणे सव्वजसे सव्वकामसमिद्धे अमोहे असंगे ।
सक्कस्स णं देविंदस्स देवरण्णो वेसमणस्स महारण्णो दो पलिओवमाणि ठिती पण्णत्ता । अहावच्चाभिण्णायाणं देवाणं एगं पलिओवमं ठिती पण्णत्ता । एमहिड्दीए जाव वेसमणे महाराया। सेवं भंते! सेवं भंते! ति. ।
* तइय सते सत्तमो उहेसो समतो*
० अट्ठमो उद्देसो 0
[२०१] रायगिहे नगरे जाव पज्जुवासमाणे एवं वदासी - असुरकुमाराणं भंते! देवाणं कति देवा आहेवच्चं जाव विहरंति ? गोयमा! दस देवा आहेवच्चं जाव विहरंति, तं जहा चमरे असुरिंदे असुरराया, सोमे, जमे, वरुणे, वेसमणे, बली वइरोयणिंदे वइरोयणराया, सोमे, जमे, वरुणे, वेसमणे ।
नागकुमाराणं भंते! पुच्छा। गोयमा ! दस देवा आहेवच्चं जाव विहरंति, तं जहा-धरणे नागकुमारिंदे नागकुमारराया, कालवाले, कोलवाले सेलवाले, संखवाले, भूयाणंदे नागकुमारिंदे णागकुमारराया, कालवाले, कोलवाले, संखवाले, सेलवाले।
जहा नागकुमारिंदाणं एताए वत्तव्वताए णीयं एवं इमाणं नेयव्वं सुवण्णकुमाराणं वेणुदेवे, वेणुदाली, चित्ते, विचित्ते, चित्तपक्खे, विचित्तपक्खे। विज्जुकुमाराणं हरिक्कंत, हरिस्सह, पभ, सुप्पभ, पभकंत, सुप्पभकंत। अग्गिकुमाराणं अग्गिसिहे, अग्गिमाणव, तेऊ, तेउसिहे, तेउकंते, तेउप्पभे । दीवकुमाराणं पुण्ण, [दीपरत्नसागर संशोधितः]
[५-भगवई]
[77]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |