Page Text
________________
सतं-३, वग्गो- ,सत्तंसत्तं- , उद्देसो-७
डमरा ति वा, कलहा ति वा, बोला ति वा, खारा ति वा, महाजुद्धा ति वा, महासंगामा ति वा, महासत्थनिवडणा ति वा, एवं महापुरिसनिवडणा ति वा, महारुधिरनिवडणा इ वा, दुब्भूया ति वा, कुलरोगा ति वा, गामरोगा ति वा, मंडलरोगा ति वा, नगररोगा ति वा, सीसवेयणा इ वा, अच्छिवेयणा इ वा, कण्ह-नहदंतवेयणा इ वा, इंदग्गहा इ वा, खंदग्गहा इ वा, कुमारग्गहा., जक्खग्ग., भूयग्ग., एगाहिया ति वा, बेहिया ति वा, तेहिया ति वा, चाउत्थया ति वा, उव्वेयगा ति वा, कासा., खासा इ वा, सासा ति वा, सोसा ति वा, जरा इ वा, दाहा., कच्छकोहा ति वा, अजीरया, पंडुरोया, अरिसा इ वा, भगंदला इ वा, हितयसूला ति वा, मत्थयसू., जोणिसू., पाससू., कुच्छिसू., गाममारीति वा, नगर., खेड., कब्बड., दोणमुह., मडंब., पट्टण., आसम., संवाह. सन्निवेसमारीति वा, पाणक्खया, धणक्खया, जणक्खया, कुलक्खया, वसणब्भूया अणारिया जे यावन्ने तहप्पगारा न ते सक्कस्स देविंदस्स देवरण्णो जमस्स महारण्णो अण्णाया, तेसिं वा जमकाइयाणं देवाणं।
सक्कस्स णं देविंदस्स देवरण्णो जमस्स महारण्णो इमे देवा अहावच्चा अभिण्णाया होत्था, तं जहा
[१९६] अंब अंबरिसे चेव सामे सबले ति यावरे ।
रुद्दोवरुद्दे काले य महाकाले ति यावरे ॥ [१९७] असी य असिपत्ते कुंभे वालू वेतरणी ति य ।
खरस्सरे महाघोसे एए पन्नरसाऽऽहिया ।। [१९८] सक्कस्स णं देविंदस्स देवरण्णो जमस्स महारण्णो सत्तिभागं पलिओवमं ठिती पण्णत्ता। अहावच्चाभिण्णायाणं देवाणं एग पलिओवमं ठिती पण्णत्ता। एमहिड्ढिए जाव जमे महाराया।
[१९९] कहि णं भंते! सक्कस्स देविंदस्स देवरण्णो वरुणस्स महारण्णो सयंजले नामं महाविमाणे पण्णत्ते? गोयमा! तस्स णं सोहम्मवडिंसयस्स महाविमाणस्स पच्चत्थिमेणं सोहम्मे कप्पे असंखेज्जाई जहा सोमस्स तहा विमाणरायहाणीओ भाणियव्वा जाव पासायवडिंसया, नवरं नामनाणतं।
सक्कस्स णं. वरुणस्स महारण्णो इमे देवा आणा. जाव चिट्ठति, तं.-वरुणकाइया ति वा, वरुणदेवयकाइया इ वा, नागकुमारा नागकुमारीओ, उदहिकुमारा उदहिकुमारीओ, थणियकुमारा थणियकुमारीओ, जे यावण्णे तहप्पगारा सव्वे ते तब्भत्तिया जाव चिट्ठति।
जंबुद्दीवे २ मंदरस्स पव्वयस्स दाहिणेणं जाई इमाई समुप्पज्जति, तं जहा-अतिवासा ति वा, मंदवासा ति वा, सुवुट्ठी ति वा, वुट्ठी ति वा, उदब्भेया ति वा, उदप्पीला इ वा, उदवाहा ति वा, पवाहा ति वा, गामवाहा ति वा, जाव सन्निवेसवाहा ति वा, पाणक्खया जाव तेसिं वा वरुणकाइयाणं देवाणं।
सक्कस्स णं देविंदस्स देवरण्णो वरुणस्स महारण्णो जाव अहावच्चाभिण्णाया होत्था, तं जहा-कक्कोडए कद्दमए अंजणे संखवालए पुंडे पलासे मोएज्जए दहिमुहे अयंपुले कायरिए।
सक्कस्स णं देविंदस्स देवरण्णो वरुणस्स महारण्णो देसूणाई दो पलिओवमाई ठिती पण्णता। अहावच्चाभिण्णायाणं देवाणं एगं पलिओवमं ठिती पण्णता। एमहिड्ढीए जाव वरुणे महाराया।
[२००] कहि णं भंते ! सक्कस्स देविंदस्स देवरण्णो वेसमणस्स महारण्णो वग्गूणामं महा
विमाणे पण्णते ? गोयमा ! तस्स णं सोहम्म वडिंसयस्स महाविमाणस्स उत्तरेणं जहा सोमस्स विमाण
रायहाणिवत्तव्वया तहा नेयव्वा जाव पासायवडिंसया।
[दीपरत्नसागर संशोधितः]
[76]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |