Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 532

सतं-३४, वग्गो- ,सत्तंसत्तं-१ , उद्देसो-१
अपज्जत्तसुहमपुढविकाइए णं भंते! सक्करप्पभाए पुढवीए पुरथिमिल्ले चरिमंते समोहए, समोहणिता जे भविए समयखेते अपज्जताबायरतेउकाइयत्ताए उववज्जित्तए से णं भंते! कतिसमइ0 पुच्छा। गोयमा! दुसमइएण वा तिसमइएण वा विग्गहेण उववज्जिज्जा।
से केणढेणं0? एवं खलु गोयमा! मए सत सेढीओ पन्नताओ, तं जहा--उज्जुयायता जाव अद्धचक्कवाला। एगतोवंकाए सेढीए उववज्जमाणे दुसमइएणं विग्गहेणं उववज्जेज्जा, दुहओवंकाए सेढीए उववज्जमाणे तिसमइएणं विग्गहेणं उववज्जेज्जा, सेतेणठेणं0।
एवं पज्जत्तएसु वि बायरतेउकाइएसु। सेसं जहा रतणप्पभाए।
जे वि बायरतेउकाइया अपज्जत्तगा य पज्जत्तगा य समयखेते समोहया, समोहणित्ता दोच्चाए पुढवीए पच्चत्थिमिल्ले चरिमंते पुढविकाइएसु चठविहेसु, आठकाइएसु चठविहेसु, तेउकाइएसु दुविहेसु, वाठकाइएसु चठविहेसु, वणस्सतिकाइएसु चठविधेसु उववज्जंति ते वि एवं चेव दुसमइएण वा तिसमइएण वा विग्गहेण उववातेयव्वा।
बायरतेउकाइया अपज्जत्तगा पज्जत्तगा य जाहे तेसु चेव उववज्जंति ताहे जहेव रयणप्पभाए तहेव एगसमइय-दुसमइय-तिसमइया विग्गहा भाणियव्वा। सेसं जहेव रयणप्पभाए तहेव निरवसेसं।
जहा सक्करप्पभाए वत्तव्वया भणिया एवं जाव अहेसत्तमाए भाणियव्वा।
[१०३४]अपज्जतासुहमपुढविकाइए णं भंते! अहेलोयखेत्तनालीए बाहिरिल्ले खेत्ते समोहए, समोहणित्ता जे भविए उड्ढलोयखेत्तनालीए बाहिरिल्ले खेते अपज्जत्तासुहमपुढविकाइयत्ताए उववज्जित्तए से णं भंते! कतिसमइएणं विग्गहेणं उववज्जेज्जा? गोयमा! तिसमइएण वा, चठसमइएण वा विग्गहेणं उववज्जेज्जा।
से केणठेण भंते! एवं वुच्चति-तिसमइएण वा चउसमइएण वा विग्गहेणं उववज्जेज्जा? गोयमा! अपज्जत्तासुहमपुढविकाइए णं अहेलोयखेत्तनालीए बाहिरिल्ले खेते समोहए, समोहणिता जे भविए उड्ढलोयखेतनालीए बाहिरिल्ले खेते अपज्जतासुमपुढविकाइयत्ताए एगपयरम्मि अणुसेढिं उववज्जित्तए से णं तिसमइएणं विग्गहेणं उववज्जेज्जा, जे भविए विसेढिं उववज्जित्तए से णं चउमसइएणं विग्गहेणं उववज्जेजा। सेतेणठेणं जाव उववज्जेज्जा।
एवं पज्जत्तासुमपुढविकाइयत्ताए वि। एवं जाव पज्जतासुहमतेउकाइयत्ताए।
अपज्जत्तासुहमपुढविकाइए णं भंते! अहेलोग जाव समोहणिता जे भविए समयखेते अपज्जत्ताबायरतेठकाइयत्ताए उववज्जित्तए से णं भंते! कतिसमइएणं विग्गहेणं उववज्जेज्जा? गोयमा! दुसमइएण वा, तिसमइएण वा विग्गहेणं उववज्जेज्जा।
से केणठेणं0? एवं खलु गोयमा! मए सत्त सेढीओ पन्नत्ताओ, तं जहा--उज्जुआयता जाव अद्धचक्कवाला। एगतोवंकाए सेढीए उववज्जमाणे दुसमइएणं विग्गहेणं उववज्जेज्जा, दुहतोवंकाए सेढीए उववज्जमाणे तिसमइएणं विग्गहेणं उववज्जेज्जा, सेतेणढेणं।
एवं पज्जतएसु वि, बायरतेउकाइएसु वि उववातेयव्वो। वाउकाइय-वणस्सतिकाइयत्ताए चठक्कएणं भेएणं जहा आउकाइयत्ताए तहेव उववातेयव्वो।
एवं जहा अपज्जत्तासुहमपुढविकाइयस्स गमओ भणिओ एवं पज्जत्तासुहमपुढविकाइयस्स वि
[दीपरत्नसागर संशोधितः]]
[531]
[५-भगवई