Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 521

सतं-३१, वग्गो - ,सत्तंसत्तं- , उद्देसो-१
___ से केणढेणं भंते! एवं वुच्चइ-चत्तारि खुड्डा जुम्मा पन्नत्ता, तं जहा कडजुम्मे जाव कलियोगे? गोयमा! जे णं रासी चठक्कएणं अवहारेणं अवहीरमाणे चउपज्जवसिए से तं खुड्डागकडजुम्मे। जे णं रासी चठक्कएणं अवहारेणं अवहीरमाणे तिपज्जवसिए से तं खुड्डागतेयोगे। जे णं रासी चठक्कएणं अवहारेणं अवहीरमाणे दुपज्जवसिए से तं खुड्डागदावरजुम्मे। जे णं रासी चक्कएणं अवहीरमाणे एगपज्जवसिए से तं खुड्डागकलियोगे। सितेणठेणं जाव कलियोगे।
खुड्डागकडजुम्मनेरइया णं भंते! कओ उववज्जंति? किं नेरइएहिंतो उववज्जति, तिरिक्ख० पुच्छा। गोयमा! नो नेरइएहिंतो उववज्जति, एवं नेरतियाणं उववातो जहा वक्कंतीए तहा भाणितव्वो।
ते णं भंते! जीवा एगसमएणं केवतिया उववज्जति? गोयमा! चत्तारि वा, अट्ठ वा, बारस वा, सोलस वा, संखेज्जा वा, असंखेज्जा वा उववज्जंति।
ते णं भंते! जीवा कहं उववज्जंति? गोयमा! से जहानामए पवए पवमाणे अज्झवसाण एवं जहा पंचवीसतिमे सते अट्ठमुद्देसए नेरइयाणं वत्तव्वया तहेव इह वि भाणियव्वा जाव आयप्पयोगेण उववज्जति, नो परप्पयोगेण उववज्जंति।
रतणप्पभपुढविखुड्डाकडजुम्मनेरइया णं भंते! कओ उववज्जंति? एवं जहा ओहियनेरइयाणं वत्तव्वया सच्चेव रयणप्पभाए वि भाणियव्वा जाव नो परप्पयोगेणं उववज्जंति।
एवं सक्करप्पभाए वि। एवं जाव अहेसत्तमाए। एवं उववाओ जहा वक्कंतीए।
अस्सण्णी खलु पढमं दोच्चं च सरीसवा ततिय पक्खी10 गाहा। एवं उववातेयव्वा। सेसं तहेव।
खुड्डातेयोगनेरतिया णं भंते! कओ उववज्जंति? किं नेरइएहिंतो0? उववातो जहा वक्कंतीए।
ते णं भंते! जीवा एगसमएणं केवतिया उववज्जंति? गोयमा तिन्नि वा, सत्त वा, एक्कारस वा, पन्नरस वा, संखेज्जा वा, असंखेज्जा वा उववज्जति। सेसं जहा कडजुम्मस्स।
एवं जाव अहेसत्तमाए।
खुड्डागदावरजुम्मनेरतिया णं भंते! कओ उववज्जति? एवं जहेव खुड्डाकडजुम्मे, नवरं परिमाणं दो वा, छ वा, दस वा, चोद्दस वा, संखेज्जा वा, असंखेज्जा वा। सेसं तं चेव जाव अहेसत्तमाए।
खुड्डाकलियोगनेरतिया णं भंते! कतो उववज्जंति0? एवं जहेव खुड्डाकडजुम्मे, नवरं परिमाणं एक्को वा, पंच वा, नव वा, तेरस वा, संखेज्जा वा, असंखेज्जा वा उववज्जंति। सेसं तं चेव।
एवं जाव अहेसत्तमाए। सेवं भंते! सेवं भंते! जाव विहरति।
*एगतीसइमे सते पढमो उद्देसो समतो
0 बिइओ उद्देसो0 [१००४]कण्हलेस्सखुड्डाकडजुम्मनेरइया णं भंते! कओ उववज्जंति?0 एवं चेव जहा ओहियगमो जाव नो परप्पयोगेण उववज्जंति, नवरं उववातो जहा वक्कंतीए धूमप्पभापुढविनेरइयाणं।
सेसं तं चेव।
[दीपरत्नसागर संशोधितः]
[520]
[५-भगवई