________________
सतं-३०, वग्गो- ,सत्तंसत्तं- , उद्देसो-१
सकसायी जाव लोभकसायी जहा सलेस्सा। अकसायी जहा सम्मद्दिट्ठी। सजोगी जाव कायजोगी जहा सलेस्सा। अजोगी जहा सम्मद्दिट्ठी। सागारोवउत्ता अणागारोवउत्ता जहा सलेस्सा। एवं नेरतिया वि भाणियव्वा, नवरं नायव्वं जं अत्थि। एवं असुरकुमारा वि जाव थणियकुमारा।
पुढविकाइया सव्वट्ठाणेसु वि मज्झिल्लेसु दोसु वि समोसरणेसु भवसिद्धीया वि, अभवसिद्धीया वि।
एवं जाव वणस्सतिकाइय ति।
बेइंदिय-तेइंदिय-चतुरिंदिया एवं चेव, नवरं सम्मते, ओहिए नाणे, आभिणिबोहियनाणे, सुयनाणे, एएसु चेव दोसु मज्झिमेसु समोसरणेस भवसिद्धीया, नो अभवसिद्धीया, सेसं तं चेव।
पंचेंदियतिरिक्खजोणिया जहा नेरइया, नवरं जं अत्थि। मणुस्सा जहा ओहिया जीवा। वाणमंतर-जोतिसिय-वेमाणिया जहा असुरकुमारा। सेवं भंते! सेवं भंते! तिला
*तीसइमे सते पढमो उद्देसो समत्तो
0बीओ उद्देसो० [१०००] अणंतरोववन्नगा णं भंते! नेरइया किं किरियावादी० पुच्छा। गोयमा! किरियावाई वि जाव वेणइयवाई वि।
सलेस्सा णं भंते! अणंतरोववन्नगा नेरतिया किं किरियावादी0? एवं चेव।
एवं जहेव पढमुद्देसे नेरइयाणं वत्तव्वया तहेव इह वि भाणियव्वा, नवरं जं जस्स अत्थि अणंतरोववन्नगाणं नेरइयाणं तं तस्स भाणियव्वं।
एवं सव्वजीवाणं जाव वेमाणियाणं, नवरं अणंतरोववन्नगाणं जहिं जं अत्थि तहिं तं भाणियव्वं।
किरियावाई णं भंते! अणंतरोववन्नगा नेरड्या किं नेरड्याउयं पकरेंति0 पुच्छा। गोयमा! नो नेरतियाठयं पकरेंति, नो तिरि०, नो मण, नो देवाउयं पकरेंति।
एवं अकिरियावाई वि, अन्नाणियवाई वि, वेणइयवाई वि।।
सलेस्सा णं भंते! किरियावाई अणंतरोववन्नगा नेरइया किं नेरइयाउयं0 पुच्छा। गोयमा! नो नेरइयाउयं पकरेंति, जाव नो देवाउयं पकरेंति।
एवं जाव वेमाणिया।
एवं सव्वट्ठाणेसु वि अणंतरोववन्नगा नेरइया न किंचि वि आउयं पकरेंति जाव अणागारोवउत्त ति।
[दीपरत्नसागर संशोधितः]
[518]
[५-भगवई
