Page Text
________________
सतं-२५, वग्गो- ,सत्तंसत्तं- , उद्देसो-७
से किं तं रसपरिच्चाए? रसपरिच्चाए अणेगविधे पन्नते, तं जहा--निव्वितिए, पणीतरसविवज्जए जहा उववाइए जाव लूहाहारे। से तं रसपरिच्चाए।
से किं तं कायकिलेसे? कायकिलेसे अणेगविधे पन्नते, तं जहा-ठाणादीए, उक्कुइयासणिए, जहा उववातिए जाव सव्वगायपडिकम्मविप्पमुक्के। से तं कायकिलेसे।
से किं तं पडिसलीणया? पडिसंलीणया चव्विहा पन्नता, तं जहा-इंदियपडि संलीणया कसायपडिसंलीणया जोगपडिसलीणया विवित्तसयणासणसेवणया।
से किं तं इंदियपडिसलीणया? इंदियपडिसंलीणया पंचविहा पन्नता, तं जहा-सोइंदियविसयपयारणिरोहो वा सोतिंदियविसयप्पत्तेसु वा अत्थेसु रागद्दोसविणिग्गहो; चक्खिंदियविसय0 एवं जाव फासिंदिय विसयपयारणिरोहो वा, फासिंदियविसयप्पत्तेसु वा अत्थेसु राग-द्दोसविणिग्गहो। से तं इंदियपडिसंलीणया।
से किं तं कसायपडिसलीणया? कसायपडिसलीणया चठव्विहा पन्नत्ता, तंजहा-कोहोदयनिरोहो वा, उदयप्पत्तस्स वा कोहस्स विफलीकरणं; एवं जाव लोभोदयनिरोहो वा उदयपत्तस्स वा, लोभस्स विफलीकरणं। से तं कसायपडिसंलीणया।
से किं तं जोगपडिसंलीणया? जोगपडिसलीणया तिविहा पन्नत्ता, तं जहा--अकुसलमणनिरोहो वा, कुसलमणउदीरणं वा, मणस्स वा एगत्तीभावकरणं; असलवइनिरोहो वा, कुसलवइउदीरणं वा, वईए वा एगत्तीभावकरणं।
से किं तं कायपडिसंलीणया? कायपडिसंलीणया जं णं सुसमाहियपसंतसाहरियपाणि-पाए कुम्मो इव गुत्तिदिए अल्लीणे पल्लीणे चिट्ठइ। से तं कायपडिसंलीणया। से तं जोगपडिसंलीणया।
से किं तं विवित्तसयणासणसेवणता? विवित्तसयणासणसेवणया जं णं आरामेस् वा उज्जाणेस वा जहा सोमिलद्देसए जाव सेज्जासंथारगं उवसंपज्जित्ताणं विहरति। से तं विवत्तसयणासणसेवणया। से तं पडिसंलीणया। से तं बाहिरए तवे।
से किं तं अभिंतरए तवे? अभिंतरए तवे छव्विहे पन्नते, तं जहा--पायच्छितं १ विणओ २ वेयावच्चं ३ सज्झायो ४, झाणं ५, विओसग्गो ६।
से किं तं पायच्छिते? पायच्छिते दसविधे पन्नते, तं जहा--आलोयणारिहे जाव पारंचियारिहे। से तं पायच्छिते।
से किं तं विणए? विणए सतविधे पन्नते, तं जहा--नाणविणए १ दंसणविणए २ चरित्तविणए ३ मणविणए ४ वइविणए ५ कायविणए ६ लोगोवयारविणए ।
से किं तं नाणविणए? नाणविणए पंचविधे पन्नते, तं जहा--आभिनिबोहियनाणविणए जाव केवलनाणविणए। से तं नाणविणए।
से किं तं दंसणविणए? दंसणविणए विधे पन्नते, तं जहा--सुस्सूसणाविणए य अणच्चासायणाविणए य।
से किं तं सुस्सूसणाविणए? सुस्सूसणाविणए अणेगविधे पन्नते, तं जहा--सक्कारेति वा सम्माणेति वा जहा चोद्दसमसए ततिए उद्देसए जाव पडिसंसाहणया। से तं सुस्सूसणाविणए।
से किं तं अणच्चासादणाविणए? अणच्चासादणाविणए पणयालीसतिविधे पन्नत्ते, तं जहाअरहंताणं अणच्चासादणया, अरहंतपन्नत्तस्स धम्मस्स अणच्चासायणया आयरियाणं अणच्चासादणया
[दीपरत्नसागर संशोधितः]
[499]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |