________________
सतं-२५, वग्गो- ,सत्तंसत्तं- , उद्देसो-७
सामाइयसंजए णं भंते! कति कम्मप्पगडीओ उदीरेति? गोयमा! सत्तविह0 जहा बसो| एवं जाव परिहारविसुद्धिए।
सुहमसंपराए0 पुच्छा। गोयमा! छव्विहउदीरए वा, पंचविहउदीरए वा। छ उदीरेमाणे आउयवेदणिज्जवज्जाओ छ कम्मप्पगडीओ उदीरेइ। पंच उदीरेमाणे आठय-वेयणिज्ज-मोहणिज्जवज्जाओ पंच कम्मप्पगडीओ उदीरेति।
अहक्खातसंजए0 पुच्छा। गोयमा! पंचविहउदीरए वा, विहउदीरए वा, अणुदीरए वा। पंच उदीरेमाणे आउय-वेदणिज्ज-मोहणिज्जवज्जाओ पंच उदीरेति। सेसं जहा नियंठस्स।
[९५०]सामाइयसंजए णं भंते! सामाइयसंजयत्तं जहमाणे किं जहति?, किं उवसंपज्जइ? गोयमा! सामाइयसंजयतं जहति; छेदोवट्ठावणियसंजयं वा सुहमसंपरायसंजयं वा असंजमं वा संजमासंजमं वा उवसंपज्जति।
छेदोवट्ठावणिए0 पुच्छा। गोयमा! छेदोवट्ठावणियसंजयत्तं जहति; सामाइयसंजयं वा परिहारविसुद्धियसंजयं वा सुहमसंपरागसंजयं वा असंजमं वा संजमासंजमं वा उवसंपज्जति।
परिहारविसुद्धिए0 पुच्छा। गोयमा! परिहारविसुद्धियसंजयत्तं जहति; छेदोवट्ठावणियसंजयं वा असंजमं वा उपसंपज्जइ।
सुहमसंपराए0 पुच्छा। गोयमा! सुहमसंपरागसंजयत्तं जहति; सामाइयसंजयं वा छेदोवट्ठावणियसंजयं वा अहक्खायसंजयं वा असंजमं वा उवसंपज्जइ।
अहक्खायसंजए0 पुच्छा। गोयमा! अहक्खायसंजयत्तं जहति; सुहमसंपरागसंजयं वा अस्संजमं वा सिद्धिगतिं वा उवसंपज्जति।
[९५१]सामाइयसंजए णं भंते! किं सण्णोवठत्ते होज्जा, नोसण्णोवठत्ते होज्जा? गोयमा! सण्णोवठत्ते जहा बसो।
एवं जाव परिहारविसुद्धिए। सुहमसंपराए अहक्खाए य जहा पुलाए। सामाइयसंजए णं भंते! किं आहारए होज्जा, अणाहारए होज्जा? जहा पुलाए एवं जाव सुहुमसंपराए। अहक्खाए जहा सिणाए।
सामाइयसंजए णं भंते! कति भवग्गहणाइं होज्जा? गोयमा! जहन्नेणं एक्कं, उक्कोसेणं अट्ठ।
एवं छेदोवट्ठावणिए वि। परिहारविसुद्धिए0 पुच्छा। गोयमा! जहन्नेणं एक्कं, उक्कोसेणं तिन्नि। एवं जाव अहक्खाते।
[९५२]सामाइयसंजयस्स णं भंते! एगभवग्गहणिया केवतिया आगरिसा पन्नता? गोयमा जहन्नेणं0 जहा बसस्स |
छेदोवट्ठावणियस्स0 पुच्छा। गोयमा! जहन्नेणं एक्को, उक्कोसेणं वीसपुहत्तं।
परिहारविसुद्धियस्स0 पुच्छा। गोयमा! जहन्नेणं एक्को, उक्कोसेणं तिन्नि। [दीपरत्नसागर संशोधितः]
[495]
[५-भगवई
