Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 489

सतं-२५, वग्गो-,सत्तंसत्तं-, उद्देसो-६
आहारसमुग्धाए।
नियंठस्स णं० पुच्छा। गोयमा ! नत्थि एक्को वि।
सिणायस्स0 पुच्छा। गोयमा ! एगे केवलिसमुग्धाते पन्नत्ते ।
[ ९३२] पुलाए णं भंते! लोगस्स किं संखेज्जतिभागे होज्जा, असंखेज्जतिभागे होज्जा, संखेज्जेसु भागेसु होज्जा, असंखेज्जेसु भागेसु होज्जा, सव्वलोए होज्जा ? गोयमा ! नो संखेज्जतिभागे होज्जा, असंखेज्जइभागे होज्जा, नो संखेज्जेसु भागेसु होज्जा, नो असंखेज्जेसु भागेसु होज्जा, नो सव्वलोए होज्जा ।
एवं जाव नियंठे।
सिणाए णं भंते!0 पुच्छा। गोयमा ! नो संखेज्जतिभागे होज्जा, असंखेज्जतिभागे होज्जा, नो संखेज्जेसु भागेसु होज्जा, असंखेज्जेसु भागेसु होज्जा, सव्वलोए वा होज्जा ।
[९३३]पुलाए णं भंते ! लोगस्स किं संखेज्जतिभागं फुसति, असंखेज्जतिभागं फुसइ० ? एवं जहा ओगाहणा भणिया तहा फुसणा वि भाणियव्वा जाव सिणाये।
[९३४]पुलाए णं भंते! कयरम्मि भावे होज्जा ? गोयमा ! खयोवसमिए भावे होज्जा ।
एवं जाव कसायकुसीले ।
नियंठे० पुच्छा। गोयमा ! ओवसमिए वा खइए वा भावे होज्जा ।
सिणाये0 पुच्छा। गोयमा ! खइए भावे होज्जा |
[९३५]पुलाया णं भंते! एगसमएणं केवतिया होज्जा ? गोयमा ! पडिवज्जमाणए पडुच्च सिय अत्थि, सिय नत्थि। जति अत्थि जहन्नेणं एक्को वा दो वा तिन्नि वा, उक्कोसेणं सयपुहत्तं । पुव्वपडिवन्नए पडुच्च सिय अत्थि, सिय णत्थि । जति अत्थि जहन्नेणं एक्को वा दो वा तिन्नि वा, उक्कोसेणं सहस्सपुहत्तं ।
बउसा णं भंते! एगसमएणं० पुच्छा । गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा उक्कोसेणं सयपुहत्तं । पुव्वपडिवन्नए पडुच्च जहन्नेणं कोडिसयपुहत्तं, उक्कोसेण वि कोडिसयपुहत्तं ।
एवं पडिसेवणाकुसीला वि।
कसायकुसीला णं० पुच्छा। गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि जहन्नेणं एक्को वा दो वा तिन्नि वा उक्कोसेणं सहस्सपुहतं । पुव्वपडिवन्नए पडुच्च जहन्नेणं कोडिसहस्सपुहत्तं, उक्कोसेण वि कोडिसहस्सपुहत्तं ।
नियंठा णं० पुच्छा। गोयमा ! पडिवज्जमाणए पडुच्च सिय अत्थि, सिय नत्थि। जदि अत्थि जहन्नेणं एक्को वा दो वा तिन्नि वा, उक्कोसेणं बावट्ठ सयं अट्ठसतं खवगाणं, चउप्पण्णं उवसामगाणं । पुव्वपडिवन्नए पडुच्च सिय अत्थि, सिय नत्थि । जति अत्थि जहन्नेणं एक्को वा दो वा तिन्नि वा, उक्कोसेणं सयपुहत्तं।
सिणाया णं0 पुच्छा। गोयमा ! पडिवज्जमाणए पडुच्च सिय अत्थि, सिय नत्थि। जदि अत्थि जहनेणं एक्को वा दो वा तिन्नि वा उक्कोसेणं अट्ठसयं । पुव्वपडिवन्नए पडुच्च जहन्नेणं कोडिपुहतं, उक्कोसेण वि कोडिपुहत्तं ।
एएसि णं भंते! पुलाग - बठस पडिसेवणाकुसील - कसायकुसील - नियंठ - सिणायाणं कयरे [दीपरत्नसागर संशोधितः ]
[५-भगवई]
[488]