________________
सतं-२५, वग्गो- ,सत्तंसत्तं- , उद्देसो-६
वेयणिज्ज-मोहणिज्जवज्जाओ पंच कम्मप्पगडीओ उदीरेइ, दो उदीरेमाणे नामं च गोयं च उदीरेइ।
[९२४]पुलाए णं भंते! पुलायत्तं जहमाणे किं जहति?, किं उवसंपज्जइ? गोयमा! पुलायत्तं जहति; कसायकुसीलं वा असंजमं वा उवसंपज्जइ।
बउसे णं भंते! बठसत्तं जहमाणे किं जहति?, किं उवसंपज्जइ? गोयमा! बठसत्तं जहति; पडिसेवणाकुसीलं वा, कसायकुसीलं वा, असंजमं वा, संजमासंजमं वा उवसंपज्जइ।
पडिसेवणाकुसीले णं भंते! पडिसेवणाकुसीलतं जहमाणे पुच्छा। गोयमा! पडिसेवणाकुसीलतं जहति; बठसं वा, कसायकुसीलं वा, असंजमं वा, संजमासंजमं वा उवसंपज्जइ।
कसायकुसीले0 पुच्छा। गोयमा! कसायकुसीलतं जहइ; पुलायं वा, बठसं वा, पडिसेवणाकुसीलं वा, नियंठं वा, अस्संजमं वा, संजमासंजमं वा उवसंपज्जइ।
णियंठे0 पुच्छा। गोयमा! नियंठतं जहति; कसायकुसीलं वा, सिणायं वा, अस्संजमं वा, उवसंपज्जइ।
सिणाए0 पुच्छा। गोयमा! सिणायत्तं जहति; सिद्धिगति उवसंपज्जइ।
[९२५]पुलाए णं भंते! किं सण्णोवळत्ते होज्जा, नोसण्णोवठत्ते होज्जा? गोयमा! णोसण्णोवउत्ते होज्जा।
बउसे णं भंते!0 पुच्छा। गोयमा! सन्नोवठत्ते वा होज्जा, नोसण्णोवठत्ते वा होज्जा। एवं पडिसेवणाकुसीले वि। एवं कसायक्सीले वि। नियंठे सिणाए य जहा पुलाए।
[९२६]पुलाए णं भंते! किं आहारए होज्जा, अणाहारए होज्जा? गोयमा! आहारए होज्जा, नो अणाहारए होज्जा।
एवं जाव नियंठे। सिणाए0 पुच्छा। गोयमा! आहारए वा होज्जा, अणाहारए वा होज्जा।
[९२७]पुलाए णं भंते! कति भवग्गहणाई होज्जा? गोयमा! जहन्नेणं एक्कं, उक्कोसेणं तिन्नि।
बउसे0 पुच्छा। गोयमा! जहन्नेणं एक्कं, उक्कोसेणं अट्ठ। एवं पडिसेवणाकुसीले वि। एवं कसायकुसीले वि। नियंठे जहा पुलाए। सिणाए0 पुच्छा। गोयमा! एक्कं।
[९२८]पुलागस्स णं भंते! एगभवग्गहणिया केवतिया आगरिसा पन्नत्ता? गोयमा! जहन्नेणं एक्को, उक्कोसेणं तिण्णि।
बसस्स णं0 पुच्छा। गोयमा! जहन्नेणं एक्को, उक्कोसेणं सयग्गसो। एवं पडिसेवणाकुसीले वि, कसायकुसीले वि। णियंठस्स णं0 पुच्छा। गोयमा! जहन्नेणं एक्को, उक्कोसेणं दोन्नि।
[दीपरत्नसागर संशोधितः]
[486]
[५-भगवई
