________________
सतं-२५, वग्गो- ,सत्तंसत्तं- , उद्देसो-६
एवं सिणायस्स वि।
सिणाए णं भंते! पुलागस्स परट्ठाणसन्नि0? एवं जहा नियंठस्स वत्तव्वया तहा सिणायस्स वि भाणियव्वा जाव
सिणाए णं भंते! सिणायस्स सट्ठाणसन्निगासेणं0 पुच्छा। गोयमा! नो हीणे, तुल्ले, नो अब्भहिए।
एएसि णं भंते! पुलाग-बकुस-पडिसेवणाकुसील-कसायकुसील-नियंठ-सिणायाणं जहन्नुक्कोसगाणं चरितपज्जवाणं कयरे कयरेहिंतो जाव विसेसाहिया वा? गोयमा! पुलागस्स कसायकुसीलस्स य एएसि णं जहन्नगा चरितपज्जवा दोण्ह वि तुल्ला सव्वत्थोवा। पुलागस्स उक्कोसगा चरित्तपज्जवा अणंतगुणा। बउसस्स पडिसेवणाकुसीलस्स य एएसिं णं जहन्नगा चरित्तपज्जवा दोण्ह वि तुल्ला अणंतगुणा। बठसस्स उक्कोसगा चरित्तपज्जवा अणंतगुणा। पडिसेवणाकुसीलस्स उक्कोसगा चरित्तपज्जवा अणंतगुणा। कसायकुसीलस्स उक्कोसगा चरित्तपज्जवा अणंतगुणा। नियंठस्स सिणायस्स य एएसि णं अजहन्नमणुक्कोसगा चरित्तपज्जवा दोण्ह वि तुल्ला अणंतगुणा।
[९१६] पुलाए णं भंते ! किं सजोगी होज्जा, अजोगी होज्जा ? गोयमा ! सजोगी होज्जा, नो अजोगी होज्जा।
जति सजोगी होज्जा किं मणजोगी होज्जा, वइजोगी होज्जा, कायजोगी होज्जा? गोयमा! मणजोगी वा होज्जा, वइजोगी वा होज्जा, कायजोगी वा होज्जा।
एवं जाव नियंठे। सिणाए णं0 पुच्छा। गोयमा! सजोगी वा होज्जा, अजोगी वा होज्जा। जदि सजोगी होज्जा किं मणजोगी होज्जा0? सेसं जहा पुलागस्स।
[९१७]पुलाए णं भंते! किं सागारोवउत्ते होज्जा, अणागारोवउत्ते होज्जा? गोयमा! सागारोवउत्ते वा होज्जा, अणागारोवठत्ते वा होज्जा।
एवं जाव सिणाए।
[९१८]पुलाए णं भंते! किं सकसायी होज्जा, अकसायी होज्जा? गोयमा! सकसायी होज्जा, नो अकसायी होज्जा।
जइ सकसायी से णं भंते! कतिसु कसाएसु होज्जा? गोयमा! चउसु, कोह-माण-माया-लोभेसु होज्जा।
एवं बउसे वि। एवं पडिसेवणाकुसीले वि। कसायकुसीले णं0 पुच्छा। गोयमा! सकसायी होज्जा, नो अकसायी होज्जा।
जति सकसायी होज्जा से णं भंते! कतिसु कसाएसु होज्जा? गोयमा! चठसु वा, तिसु वा, दोसु वा, एगम्मि वा होज्जा। चठसु होमाणे चउसु संजलणकोह-माण-माया-लोभेसु होज्जा, तिसु होमाणे तिसु संजलणमाण-माया-लोभेसु होज्जा, दोसु होमाणे संजलणमाया-लोभेसु होज्जा, एगम्मि होमाणे एगम्मि संजलणे लोभे होज्जा।
नियंठे णं0 पुच्छा। गोयमा! नो सकसायी होज्जा, अकसायी होज्जा।
[दीपरत्नसागर संशोधितः]
[483]
[५-भगवई
