Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 482

सतं-२५, वग्गो- ,सत्तंसत्तं- , उद्देसो-६
नियंठो सिणातो य जहा पुलाए, नवरं एएसिं अब्भहियं साहरणं भाणियव्वं। सेसं तं चेव। [९१३]पुलाए णं भंते! कालगए समाणे कं गतिं गच्छति? गोयमा! देवगतिं गच्छति।
देवगतिं गच्छमाणे किं भवणवासीसु उववज्जेज्जा, वाणमंतरेसु उववज्जेज्जा, जोतिसवेमाणिएसु उववज्जेज्जा? गोयमा! नो भवणवासीसु, नो वाणमंतरेसु, नो जोतिसेसु, वेमाणिएसु उववज्जेज्जा। वेमाणिएसु उववज्जमाणे जहन्नेणं सोहम्मे कप्पे, उक्कोसेणं सहस्सारे कप्पे उववज्जेज्जा।
बउसे ? एवं चेव, नवरं उक्कोसेणं अच्चुए कप्पे। पडिसेवणाकुसीले जहा बउसे। कसायकुसीले जहा पुलाए, नवरं उक्कोसेणं अणुतरविमाणेसु।
णियंठे णं भंते!0? एवं चेव जाव वेमाणिएस् उववज्जमाणे अजहन्नमणक्कोसेणं अणुतरविमाणेसु उववज्जेज्जा।
सिणाए णं भंते! कालगते समाणे कं गतिं गच्छति? गोयमा! सिद्धिगतिं गच्छइ।
पुलाए णं भंते! देवेसु उववज्जमाणे किं इंदताए उववज्जेज्जा, सामाणियत्ताए उववज्जेज्जा, तावत्तीसगत्ताए उववज्जेज्जा, लोगपालताए उववज्जेज्जा, अहमिंदताए उववज्जेज्जा? गोयमा! अविराहणं पडुच्च इंदत्ताए उववज्जेज्जा, सामाणियत्ताए उववज्जेज्जा, तावत्तीसगत्ताए उववज्जेज्जा, लोगपालगत्ताए उववज्जेज्जा, नो अहमिंदताए उववज्जेज्जा। विराहणं पडुच्च अन्नयरेसु उववज्जेज्जा।
एवं बउसे वि। एवं पडिसेवणाकुसीले वि।
कसायकुसीले0 पुच्छा। गोयमा! अविराहणं पडुच्च इंदत्ताए वा उववज्जेज्जा जाव अहमिंदताए वा उववज्जेज्जा। विराहणं पइच्च अन्नयरेसु उववज्जेज्जा।
__ नियंठे0 पुच्छा। गोयमा! अविराहणं पडुच्च नो इंदत्ताए उववज्जेज्जा जाव नो लोगपालत्ताए उववज्जेज्जा, अहमिंदताए उववज्जेज्जा। विराहणं पडुच्च अन्नयरेसु उववज्जेज्जा।
पुलायस्स णं भंते! देवलोगेसु उववज्जमाणस्स केवतियं कालं ठिती पन्नत्ता? गोयमा! जहन्नेणं पलियोवमपुहत्तं, उक्कोसेणं अट्ठारस सागरोवमाई।।
बउसस्स0 पुच्छा। गोयमा! जहन्नेणं पलियोवमपुहत्तं, उक्कोसेणं बावीसं सागरोवमाइं। एवं पडिसेवणाकुसीलस्स वि। कसायकुसीलस्स0 पुच्छा। गोयमा! जहन्नेणं पलियोवमपहत्तं, उक्कोसेणं तेतीसं सागरोवमाइं। णियंठस्स0 पुच्छा। गोयमा! अजहन्नमणुक्कोसेणं तेत्तीसं सागरोवमाइं।
[९१४]पुलागस्स णं भंते! केवतिया संजमठाणा पन्नत्ता? गोयमा! असंखेज्जा संजमठाणा पन्नत्ता।
एवं जाव कसायकुसीलस्स।
नियंठस्स णं भंते! केवतिया संजमठाणा पन्नता? गोयमा! एगे अजहन्नमणुक्कोसए संजमठाणे पन्नते।
एवं सिणायस्स वि। एएसि णं भंते! पुलाग-बस-पडिसेवणा-कसायक्सील-नियंठसिणायाणं संजमठा
[दीपरत्नसागर संशोधितः]
[481]
[५-भगवई