________________
सतं-२५, वग्गो- ,सत्तंसत्तं- , उद्देसो-४
परमाणुपोग्गला णं भंते! किं कडजुम्मसमयट्ठितीया0 पुच्छा। गोयमा! ओघादेसेणं सिय कडजुम्मसमयट्ठितीया जाव सिय कलियोगसमयट्ठितीया; विहाणादेसेणं कडजुम्मसमयट्ठितीया वि जाव कलियोगसमयट्ठितीया वि।
एवं जाव अणंतपएसिया।
परमाणुपोग्गले णं भंते! कालवण्णपज्जवेहिं किं कडजुम्मे, तेयोगे0? जहा ठितीए वत्तव्वया एवं वण्णेसु वि सव्वेसु, गंधेसु वि।
एवं चेव रसेसु वि जाव महरो रसो ति।
अणंतपएसिए णं भंते! खंधे कक्खडफासपज्जवेहिं किं कडजुम्मे0 पुच्छा। गोयमा! सिय कडजुम्मे जाव सिय कलियोगे।
अणंतपएसिया णं भंते! खंधा कक्खडफासपज्जवेहिं किं कडजुम्मा0 पुच्छा। गोयमा! ओघादेसेणं सिया कडजुम्मा जाव सिय कलियोगा; विहाणादेसेणं कडजुम्मा वि जाव कलियोगा वि।
एवं मठय-गरुय-लया वि भाणियव्वा। सीय-उसिण-निद्ध-लुक्खा जहा वण्णा। [८९०] परमाणुपोग्गले णं भंते! किं सड्ढे अणड्ढे? गोयमा! नो सड्ढे, अणड्ढे। दुपएसिए0 पुच्छा। गोयमा! सड्ढे नो अणड्ढे। तिपएसिए जहा परमाणुपोग्गले। चउपएसिए जहा दुपएसिए। पंचपएसिए जहा तिपएसिए। छप्पएसिए जहा दुपएसिए। सत्तपएसिए जहा तिपएसिए। अट्ठपएसिए जहा दुपएसिए। नवपएसिए जहा तिपएसिए। दसपएसिए जहा दुपएसिए। संखेज्जपएसिए णं भंते! खंधे0 पुच्छा। गोयमा! सिय सड्ढे, सिय अणड्ढे। एवं असंखेज्जपएसिए वि। एवं अणंतपएसिए वि। परमाणुपोग्गला णं भंते! किं सड्ढा, अणड्ढा? गोयमा! सड्ढा वा अणड्ढा वा। एवं जाव अणंतपएसिया। [८९१] परमाणुपोग्गले णं भंते! किं सेए, निरेए? गोयमा! सिय सेए, सिय निरेए। एवं जाव अणंतपएसिए। परमाणुपोग्गला णं भंते! किं सेया, निरेया? गोयमा! सेया वि, निरेया वि। एवं जाव अणंतपएसिया।
परमाणुपुग्गले णं भंते! सेए कालतो केवचिरं होति? गोयमा! जहन्नेणं एक्कं समयं, उक्कोसेणं आवलियाए असंखेज्जाइभागं।
[दीपरत्नसागर संशोधितः]
[469]
[५-भगवई
