Page Text
________________
सतं-२, वग्गो - ,सत्तंसत्तं- , उद्देसो-५
णाई वागरित्तए? उदाहु असमिया?, आउज्जिया णं भंते! ते थेरा भगवंतो तेसिं समणोवासयाणं इमाई एयारूवाई वागरणाई वागरित्तए? उदाह अणाउज्जिया?, पलिउज्जिया णं भंते! ते थेरा भगवंतो तेसिं समणोवासयाणं इमाई एयारूवाई वागरणाई वागरित्तए? उदाहु अपलिउज्जिया?, पुव्वतवेणं अज्जो! देवा देवलोएस उववज्जंति, पुव्वसंजमेणं., कम्मियाए., संगियाए., पुव्वतवेणं पुव्वसंजमेणं कम्मियाए संगियाए अज्जो! देवा देवलोएसु उववज्जंति। सच्चे णं एस मढे णो चेव णं आयभाववत्तव्वयाए?|
पभू णं गोतमा! ते थेरा भगवंतो तेसिं समणोवासयाणं इमाई एयारूवाई वागरणाई वागरेतए, णो चेव णं अप्पभू, तह चेव नेयव्वं अविसेसियं जाव पभू समिया आउज्जिया पलिउज्जिया जाव सच्चे णं एस मळे, णो चेव णं आयभाववत्तव्वयाए।
अहं पि य णं गोयमा! एवमाइक्खामि भासेमि पण्णवेमि परवेमि-पुव्वतवेणं देवा देवलोएसु उववज्जंति, पुव्वसंजमेणं देवा देवलोएसु उववज्जंति, कम्मियाए देवा देवलोएसु उववज्जति, संगियाए देवा देवलोएसु उववज्जंति, पुव्वतवेणं पुव्वसंजमेणं कम्मियाए संगियाए अज्जो! देवा देवलोएसु उववज्जंति; सच्चे णं एस मठे, णो चेव णं आयभाववत्तव्वयाए।
[१३५] तहारूवं णं भंते! समणं वा माहणं वा पज्जुवासमाणस्स किंफला पज्जुवासणा? गोयमा! सवणफला।
से णं भंते! सवणे किंफले? णाणफले। से णं भंते! नाणे किंफले? विण्णाणफले। से णं भंते! विण्णाणे किंफले? पच्चक्खाणफले। से णं भंते! पच्चक्खाणे किंफले? संजमफले। से णं भंते! संजमे किंफले? अणण्हयफले। एवं अणण्हये तवफले। ते वोदाणफले। वोदाणे अकिरियाफले। सा णं भंते! अकिरिया किंफला? सिद्धिपज्जवसाणफला पण्णत्ता गोयमा!| गाहा[१३६] सवणे णाणे य विण्णाणे पच्चक्खाणे य संजमे।
अणण्हये तवे चेव वोदाणे अकिरिया सिद्धी ।। [१३७] अण्णउत्थिया णं भंते! एवमाइक्खंति भाति पण्णवेंति परूवेंतिएवं खलु रायगिहस्स नगरस्स बहिया वेभारस्स पव्वयस्स अहे एत्थ णं महं एगे हरए अघे पण्णत्ते अणेगाई जोयणाई आयाम-विक्खंभेणं नाणामसंडमंडिउद्देसे सस्सिरीए जाव पडिरूवे। तत्थ णं बहवे ओराला बलाहया संसेयंति सम्मुच्छंति वासंति तव्वतिरिते य णं सया समियं उसिणे २
आउकाए अभिनिस्सवइ। से कहमेतं भंते! एवं ? गोयमा! जं णं ते अण्णउत्थिया एवमाइक्खंति जाव ते एवं परूवेंति मिच्छं ते एवमाइक्खंति जाव सव्वं नेयव्वं। अहं पुण गोतमा! एवमाइक्खामि भा० पं० प०-एवं खलु रायगिहस्स नगरस्स बहिया वेभारस्स पव्वतस्स अदूरसामंते एत्थ णं महं महातवोवतीरप्पभवे नाम पासवणे पण्णत्ते, पंच धणुसताणि आयाम-विक्खंभेणं नाणामसंडमंडिउद्देसे सस्सिरीए पासादीए दरिसणिज्जे अभिरूवे पडिरूवे। तत्थ णं बहवे उसिणजोणिया जीवा य पोग्गला य उदगत्ताए वक्कमंति विठक्कमति चयंति उववज्जति तव्वतिरिते वि य णं सया समितं उसिणे २ आउयाए अभिनिस्सवति-एस णं गोतमा! महातवोवतीरप्पभवे पासवणे, एस णं गोतमा! महातवोवतीरप्पभवस्स
[दीपरत्नसागर संशोधितः]
[46]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |