Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 449

सतं-२४, वग्गो-,सत्तंसत्तं-, उद्देसो-२४
० चवीसइमो उद्देसओ 0
[८६०] सोहम्मगदेवा णं भंते! कओहिंतो उववज्जंति? किं नेरतिएहिंतो उववज्जंति०? भेदो जहा जोतिसियउद्देसए ।
असंखेज्जवासाठयसन्निपंचेंदियतिरिक्खजोणिए णं भंते! जे भविए सोहम्मगदेवेसु उववज्जित्तए से णं भंते! केवतिकाल ? गोयमा ! जहन्नेणं पलिओवमट्ठितीएसु, उक्कोसेणं तिपलिओवमट्ठितीस उवव ।
तेणं भंते! ०, अवसेसं जहा जोतिसिएसु उववज्जमाणस्स, नवरं सम्मद्दिट्ठी वि, मिच्छादिट्ठी वि, नो सम्मामिच्छादिट्ठी; नाणी वि, अन्नाणी वि, दो नाणा, दो अन्नाणा नियमं; ठिती जहन्नेणं दो पलिओवमाइं, उक्कोसेणं तिन्नि पलिओवमानं । एवं अणुबंधो वि। सेसं तहेव । कालासेणं जहण्णेणं दो पलि ओवमाइं, उक्कोसेणं छ पलिओवमाई; एवतियं ।
सो चेव जहन्नकालट्ठितीएसु उववन्नो, एस चेव वत्तव्वया, नवरं काला सेणं जहन्नेणं दो पलिओवमाइं, उक्कोसेणं चत्तारि पलिओवमाई; एवतियं ।
सो चेव उक्कोसकालट्ठितीएसु उववन्नो, जहन्नेणं तिपलिओवम०, उक्कोसेण वि तिपलिओम । एस चेव वत्तव्वया, नवरं ठिती जहन्नेणं तिन्नि पलिओवमाई, उक्कोसेण वि तिन्नि पलिओवमाइं। सेसं तहेव । कालाएसेणं जहन्नेणं छ पलिओवमाइं, उक्कोसेण वि छपप्लि ओवमाइं०।
सो चेव अप्पणा जहन्नकालट्ठितीओ जाओ, जहन्नेणं पलिओवमट्ठितीएसु, उक्कोसेण वि पलिओवमट्ठितीएसु। एस चेव वत्तव्वया, नवरं ओगाहणा जहन्नेणं धणुपुहत्तं, उक्कोसेणं दो गाउयाइं । ठिती जहन्नेणं पलिओवमं, उक्कोसेण वि पलिओवमं । सेसं तहेव । कालाएसेणं जहन्नेणं दो पलिओवमाइं, उक्कोसेण वि दो पलिओवमाइं; एवतियं0 |
सो चेव अप्पणा उक्कोसकालट्ठितीओ जाओ, आदिल्लगमगसरिसा तिन्नि गमगा नेयव्वा, नवरं ठितिं कालादेसं च जाणेज्जा ।
जदि संखेज्जवासाठयसन्निपंचेंद्रिय ० संखेज्जवासाठयस्स जहेव असुरकुमारेसु उववज्जमाणस्स तहेव नव वि गमा, नवरं ठितिं संवेहं च जाणेज्जा । जाहे य अप्पणा जहन्नकालट्ठितीओ भवति ताहे तिसु वि गमएस समद्दिट्ठी वि, मिच्छद्दिट्ठी वि, नो सम्मामिच्छादिट्ठी। दो नाणा, दो अन्नाणा नियमं । सेसं तं चेव ।
जदि मणुस्सेहिंतो उववज्जंति भेदो जहेव जोतिसिएसु उववज्जमाणस्स जाव-असंखेज्जवासाठयसन्निमणुस्से णं भंते! जे भविए सोहम्मे कप्पे देवत्ताए उववज्जित्तए ? एवं जहेव असंखेज्जवासाउयस्स सन्निपंचेंदियतिरिक्खजोणियस्स सोहम्मे कप्पे उववज्जमाणस्स तहेव सत्त गमगा, नवरं आदिल्लएसु दोसु गमएसु ओगाहणा जहन्नेणं गाउयं, उक्कोसेणं तिन्नि गाउयाइं । ततियगमे जहनेणं तिन्नि गाउयाई, उक्कोसेण वि तिन्नि गाउयाई । चउत्थगमए जहन्नेणं गाउयं, उक्कोसेण वि गाउयं । पच्छिमेसु गमएस जहन्नेणं तिन्नि गाउयाइं, उक्कोसेण वि तिन्नि गाउयाइं । सेसं तहेव निरवसेसं । जदि संखेज्जवासाउयसन्निमणुस्सेहिंतो0 एवं संखेज्जवासाउयसन्निमणुस्साणं जहेव असुरकुमारेसु उववज्जमाणाणं तहेव नव गमगा भाणियव्वा, नवरं सोहम्मदेवट्ठितिं संवेहं च जाणेज्जा । [दीपरत्नसागर संशोधितः ]
[५-भगवई]
[448]
,