Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 435

सतं-२४, वग्गो- सत्तंसत्तं- , उद्देसो-१२
ठिती अणुबंधो जहन्नेणं पुव्वकोडी, उक्कोसेण वि पुव्वकोडी। सेसं तहेव जाव नवमगमए जहन्नेणं पव्वकोडी बावीसाए वाससहस्सेहिं अब्भहिया, उक्कोसेणं चत्तारि पव्वकोडीओ अठासीतीए वाससहस्सेहि अब्भहियाओ, एवतियं कालं सेविज्जा0।
जदि सन्निपंचेंदियतिरिक्खजोणिए0 किं संखेज्जवासाठय०, असंखेज्जवासाठय? गोयमा! संखेज्जवासाठय0, नो असंखेज्जवासाठय०।
जदि संखेज्जवासाठय० किं जलचरेहिंतो0? सेसं जहा असण्णीणं जाव
ते णं भंते! जीवा एगसमएणं केवतिया उववज्जंति0? एवं जहा रयणप्पभाए उववज्जमाणस्स सन्निस्स तहेव इह वि, नवरं ओगाहणा जहन्नेणं अंगुलस्स असंखेज्जतिभागं, उक्कोसेणं जोयणसहस्सं। सेसं तहेव जाव कालादेसेणं जहन्नेणं दो अंतोमुहत्ता, उक्कोसेणं चत्तारि पुव्वकोडीओ अट्ठासीतीए वाससहस्सेहिं अब्भहियाओ, एवतियं०। एवं संवेहो
णवसु वि गमएसु जहा असण्णीणं तहेव निरवसेसं। लद्धी से आदिल्लएसु तिसु वि गमएसु एस चेव, मज्झिल्लएसु वि तिसु गमएस एस चेव। नवरं इमाइं नव नाणत्ताई-ओगाहणा जहन्नेणं अंगुलस्स असंखेज्जति०, उक्कोसेण वि अंगुलस्स असंखेज्जति। तिन्नि लेस्साओ, मिच्छादिट्ठी, दो अन्नाणा, कायजोगी, तिन्नि समुग्घाया; ठिती जहन्नेणं अंतोमुहत्तं, उक्कोसेण वि अंतोमुहत्तं; अप्पसत्था अज्झवसाणा, अणुबंधो जहा ठिती। सेसं तं चेव। पच्छिल्लएसु तिसु गमएसु जहेव पढमगमए, नवरं ठिती अणुबंधो जहन्नेणं पुव्वकोडी, उक्कोसेण वि पुव्वकोडी। सेसं तं चेव।।
[८४८] जदि मणुस्सेहिंतो उववज्जति किं सन्निमणुस्सेहिंतो उवव0, असन्निमणुस्सेहिंतो0? गोयमा! सन्निमणुस्सेहिंतो०, असण्णिमणुस्सेहिंतो वि उववज्जंति।
असन्निमणुस्से णं भंते! जे भविए पुढविकाइएसु० से णं भंते! केवतिकाल0? एवं जहा असन्निपंचेंदियतिरिक्खस्स जहन्नकालठ्ठितीयस्स तिन्नि गमगा तहा एतस्स वि ओहिया तिन्नि गमगा भाणियव्वा तहेव निरवसेसं। सेसा छ न भण्णंति।
जइ सन्निमणुस्सेहिंतो उववज्जति किं संखेज्जवासाठय0, असंखेज्जवासाठय0? गोयमा! संखेज्जवासाठय0, णो असंखेज्जवासाठय0।
जदि संखेज्जवासाउय० किं पज्जत्ता0, अपज्जता? गोयमा! पज्जत्तासंखे०, अपज्जत्तासंखेज्जवासा0।
सन्निमणुस्से णं भंते! जे भविए पुढविकाइएसु उवव0 से णं भंते! केवतिकाल0? गोयमा! जहन्नेणं अंतोमुहत्त०, उक्कोसेणं बावीसवाससहस्सट्ठितीएसु।
ते णं भंते! जीवा0? एवं जहेव रयणप्पभाए उववज्जमाणस्स तहेव तिसु वि गमएसु लखी। नवरं ओगाहणा जहन्नेणं अंगुलस्स असंखेज्जइभागं, उक्कोसेणं पंच धणुसताइं; ठिती जहन्नेणं अंतोमुहतं, उक्कोसेणं पुव्वकोडी। एवं अणुबंधो। संवेहो नवसु गमएसु जहेव सन्निपंचेंदियस्स। मज्झिल्लएसु तिसु गमएसु लद्धी-जहेव सन्निपंचेंदियस्स मज्झिल्लएसु तिसु। सेसं तं चेव निरवसेसं। पच्छिल्ला तिन्नि गमगा जहा एयस्स चेव ओहिया गमगा, नवरं ओगाहणा जहन्नेणं पंच धणुसयाई, उक्कोसेण वि पंच धणुसयाइं; ठिती अणुबंधो जहन्नेणं पुव्वकोडी, उक्कोसेण वि पुव्वकोडी। सेसं तहेव, नवरं पच्छिल्लएसु गमएसु संखेज्जा उववज्जंति, नो असंखेज्जा उवव०।
[दीपरत्नसागर संशोधितः]
[434]
[५-भगवई