Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 433

सतं-२४, वग्गो-,सत्तंसत्तं-, उद्देसो-१२
अंतोमुहुत्तमब्भहियाइं, उक्कोसेणं अट्ठावीसं वाससहस्साइं चउहिं अंतोमुहुतेहिं अब्भहियाइं, एवतियं0। नवमे गमए भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाइं; काला सेणं जहन्नेणं एकूणतीसं वाससहस्साइं, उक्कोसेणं सोलसुत्तरं वाससयसहस्सं, एवतियं । एवं नवसु वि गमएसु आउकाइयठिई जाणियव्वा ।
वि गमएसु
जति तेठक्काइएहिंतो उवव0 ? तेठक्काइयाण वि एस चेव वत्तव्वया, नवरं नवसु तिन्नि लेस्साओ। ठिती जाणियव्वा । तइयगमए कालादेसेणं जहन्नेणं बावीसं वाससहस्साइं अंतोमुहुत्तमब्भहियाइं, उक्कोसेणं अट्ठासीतिं वाससहस्साइं बारसहिं रातिंदिएहिं अब्भहियाई, एवतियं० । एवं संवेहो उवजुंजिऊण भाणियव्वो ।
जति वाकाइएहिंतो ? वाउकाइयाण वि एवं चेव नव गमगा जहेव तेउकाइयाणं, नवरं पडागासंठिया पन्नत्ता, तेउकाइया णं सूयीकलावसंठिया । संवेहो वाससहस्सेहिं कायव्वो, तइयगमए कालादेसेणं जहन्नेणं बावीसं वाससहस्साइं अंतोमुहुत्तमब्भहियाइं, उक्कोसेणं एगं वाससयसहस्सं, एवतियं । एवं संवेहो उवजुंजिऊण भाणियव्वो ।
जति वणस्सतिकाइएहिंतो० ? वणस्सइकाइयाणं आउकाइयगमगसरिसा नव गमगा भाणियव्वा, नवरं नाणासंठिया सरीरोगाहणा पन्नत्ता - पढमएसु पच्छिल्लएसु य तिसु गमएसु जहन्नेणं अंगुलस्स असंखेज्जतिभागं, उक्कोसेणं सातिरेगं जोयणसहस्सं, मज्झिल्लएसु तिसु तहेव जहा पुढविकाइयाणं। संवेहो ठिती य जाणितव्वा । ततिए गमए काला सेणं जहन्नेणं बावीसं वाससहस्साइं अंतोतं अब्भहियाइं, उक्कोसेणं अट्ठावीसुत्तरं वाससयसहसहस्सं, एवतियं । एवं संवेहो उवजुंजिऊण भाणियव्वो । [८४७] जदि बेइदिएहिंतो उववज्जंति किं पज्जत्ताबेइदिएहिंतो उववज्जंति, अपज्जत्ताबेइदिएहिंतो ? गोयमा ! पज्जत्ताबेइदिएहिंतो उवव0, अपज्जत्ताबेइदिएहिंतो वि उववज्जंति ।
बेइंदिए णं भंते! जे भविए पुढविकाइएस उववज्जित्तए से णं भंते! केवतिकाल0? गोयमा! जहन्नेणं अंतोमुहुत्तट्ठितीएसु, उक्कोसेणं बावीसवाससहस्सट्ठितीएसु ।
ते णं भंते! जीवा एगसमएणं ? गोयमा ! जहन्नेणं एक्को वा दो वा तिन्नि वा उक्कोसेणं संखेज्जा वा, असंखेज्जा वा उववज्जंति । सेवट् संघयणी । ओगाहणा जहन्नेणं अंगुलस्स असंखेज्जतिभागं, उक्कोसेणं बारस जोयणाई । हुंडसंठिता। तिन्नि लेसाओ। सम्मद्दिट्ठी वि, मिच्छादिट्ठी वि, नो सम्मामिच्छादिट्ठी। दो णाणा, दो अन्नाणा नियमं । नो मणजोगी, वड्जोगी वि, कायजोगी वि । उवयोगो दुवि वि । चत्तारि सण्णाओ । चत्तारि कसाया। दो इंदिया पन्नत्ता, तं जहा - जिब्भिंदिए य फासिंदिए य । तिन्नि समुग्धाया । सेसं जहा पुढविकाइयाणं, नवरं ठिती जहन्नेणं अंतोमुहुत्तं, उक्कोसेणं बारस संवच्छराई । एवं अणुबंधो वि। सेसं तं चेव । भवाएसेणं जहन्नेणं दो भवग्गहणाई, उक्कोसेणं संखेज्जाई भवग्गहणाई । कालाएसेणं जहन्नेणं दो अंतोमुहुत्ता, उक्कोसेणं संखेज्जं कालं, एवतियं0।
सो चेव जहन्नकालट्ठितीएसु उववन्नो, एस चेव वत्तव्वया सव्वा ।
सो चेव उक्कोसकालट्ठितीएस उववन्नो, एस चेव बेंदियस्स लद्धी, नवरं भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाई । कालाएसेणं जहन्नेणं बावीसं वाससहस्साइं अंतोमुहुत्तमब्भहियाइं, उक्कोसेणं अट्ठासीतिं वाससहस्साई अडयालीसाए संवच्छरेहिं अब्भहियाई, एवतियं0। सो चेव अप्पणा जहन्नकालट्ठितीओ जाओ, तस्स वि एस चेव वत्तव्वता तिसु वि गमएसु, [दीपरत्नसागर संशोधितः ]
[432]
[५-भगवई]