Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 427

सतं-२४, वग्गो- सत्तंसत्तं- , उद्देसो-१
जाणेज्जा। सव्वत्थ भवग्गहणाई दोन्नि जाव नवमगमए कालादेसेणं जहन्नेणं तेत्तीसं सागरोवमाई पुव्वकोडीए अब्भहियाई, उक्कोसेण वि तेतीसं सागरोवमाई पुव्वकोडीए अब्भहियाइं, एवतियं कालं सेवेज्जा, एवतियं कालं गतिरागतिं करेज्जा। सेवं भंते! सेवं भंते! ति जाव विहरति।
चवीसइमे सते पदमो उद्देसो समतो.
0बिइओ उद्देसो
[८४३] रायगिहे जाव एवं वयासि--
असुरकुमारा णं भंते! कओहिंतो उववज्जंति? किं नेरइएहिंतो उववज्जंति, तिरि-मणु-देवेहितो उववज्जंति? गोयमा! णो णेरतिएहिंतो उववज्जंति, तिरिक्खजोणिएहिंतो उववज्जंति, मणुस्सेहितो उववज्जंति, नो देवेहिंतो उववज्जंति।
एवं जहेव नेरइयउद्देसए जाव पज्जत्ताअसन्निपंचेंदियतिरिक्खजोणिए णं भंते! जे भविए असुरकुमारेसु उववज्जित्तए से णं भंते! केवतिकालट्ठितीएसु उववज्जेज्जा? गोयमा! जहन्नेणं दसवाससहस्सट्ठितीएसु, उक्कोसेणं पलिओवमस्स असंखेज्जतिभागकालट्ठितीएसु उववज्जेज्जा।
ते णं भंते! जीवा0? एवं रयणप्पभागमगसरिसा नव वि गमा भाणियव्वा, नवरं जाहे अप्पणा जहन्नकालठ्ठितीयो भवति ताहे अज्झवसाणा पसत्था, नो अप्पसत्था तिसु वि गमएसु। अवसेसं तं चेव।
जदि सन्निपंचेंदियतिरिक्खजोणिएहिंतो उववज्जंति किं संखेज्जवासाउयसन्नि जाव उववज्जंति, असंखेज्जवासाठय जाव उववज्जंति? गोयमा! संखेज्जवासाठय जाव उववज्जंति, असंखेज्जवासाउय जाव उववज्जंति।
असंखेज्जवासाठयसन्निपंचेंदियतिरिक्खजोणिए णं भंते! जे भविए असुरकुमारेसु उववज्जित्तए से णं भंते! केवतिकालहितीएसु उववज्जेज्जा? गोयमा! जहन्नेणं दसवाससहस्सद्वितीएसु उववज्जेज्जा, उक्कोसेणं तिपलिओवमट्ठितीएसु उववज्जेज्जा।
ते णं भंते! जीवा एगसमएणं0 पुच्छा। गोयमा! जहन्नेणं एक्को वा दो वा तिन्नि वा, उक्कोसेणं संखेज्जा उववज्जंति। वयरोसभनारायसंघयणी। ओगाहणा जहन्नेणं धणुपुहत्तं, उक्कोसेणं छग्गाठयाइं। समचठरंससंठाणसंठिया पन्नता। चत्तारि लेस्साओ आदिल्लाओ। नो सम्मद्दिट्ठी, मिच्छादिट्ठी, नो सम्मामिच्छादिट्ठी। नो नाणी, अन्नाणी, नियमं दुअण्णाणी, तं जहा--मतिअन्नाणी, सुयअन्नाणी य। जोगो तिविहो वि। उवयोगो दविहो वि। चत्तारि
सण्णाओ। चत्तारि कसाया। पंच इंदिया। तिन्नि समुग्घाया आदिल्लगा। समोहया वि मरंति, असमोहया वि मरंति। वेयणा विहा वि। इत्थिवेदगा वि, पुरिसवेदगा वि, नो नपुंसगवेदगा। ठिती जहन्नेणं सातिरेगा पुव्वकोडी, उक्कोसेणं तिन्नि पलिओवमाइं। अज्झवसाणा पसत्था वि अप्पसत्था वि। अणुबंधो जहेव ठिती। कायसंवेहो भवाएसेणं दो भवग्गहणाइं; कालाएसेणं जहन्नेणं सातिरेगा पुव्वकोडी दसहिं वाससहस्सेहिं अब्भहिया, उक्कोसेणं छप्पलिओवमाई, एवतियं जाव करेज्जा।
सो चेव जहन्नकालट्ठितीएसु उववन्नो, एसा चेव वत्तव्वया, नवरं असुरकुमारठ्ठिति संवेहं च जाणेज्जा।
जा
[दीपरत्नसागर संशोधितः]
[426]
[५-भगवई