Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 42

सतं-२, वग्गो - ,सत्तंसत्तं- , उद्देसो-१
[११७] तए णं ते थेरा भगवंतो खंदयं अणगारं कालगयं जाणित्ता परिनिव्वाणवत्तियं काउस्सग्गं करेंति, २ पत्त-चीवराणि गिण्हंति, २ विपुलाओ पव्वयाओ सणियं २ पच्चोरुहंति, २ जेणेव समणे भगवं महावीरे तेणेव उवागच्छंति, २ समणं भगवं महावीरं वंदंति नमसंति, २ एवं वदासी-एवं खलु देवाणुप्पियाणं अंतेवासी खंदए नामं अणगारे पगइभद्दए पगतिविणीए पगतिउवसंते पगतिपयणुकोह-माणमाया-लोभे मिठ-मद्दव संपन्ने अल्लीणे भद्दए विणीए। से णं देवाणुप्पिएहिं अब्भणुण्णाए समाणे सयमेव पंच महव्वयाणि आरोवित्ता समणे य समणीओ य खामेता, अम्हेहिं सद्धिं विपुलं पव्वयं तं चेव निरवसेसं जाव अहाणुपुव्वीए कालगए। इमे य से आयारभंडए।
भंते! ति भगवं गोयमे समणं भगवं महावीरं वंदति नमंसति, २ एवं वयासी-एवं खलु देवाणुप्पियाणं अंतेवासी खंदए नामं अणगारे कालमासे कालं किच्चा कहिं गए, कहिं उववण्णे? गोयमा!' इ समणे भगवं महावीरे भगवं गोयमं एवं वयासी-एवं खलु गोयमा! ममं अंतेवासी खंदए नामं अणगारे पगतिभद्दए जाव से णं मए अब्भणुण्णाए समाणे सयमेव पंच महव्वयाइं आरोवित्ता तं चेव सव्वं अविसेसियं नेयव्वं जाव आलोइयपडिक्कंते समाहिपते कालमासे कालं किच्चा अच्चुए कप्पे देवत्ताए उववण्णे। तत्थ णं अत्थेगइयाणं देवाणं बावीसं सागरोवमाइं ठिती प०| तत्थ णं खंदयस्स वि देवस्स बावीसं सागरोवमाइं ठिती पण्णता।
से णं भंते! खंदए देवं ताओ देवलोगाओ आउक्खएणं भवक्खएणं ठितीखएणं अणंतरं चयं चइता कहिं गच्छिहिति? कहिं उववज्जिहिति? गोयमा! महाविदेहे वासे सिज्झिहिति बुज्झिहिति मुच्चिहिति परिनिव्वाहिति सव्वदुक्खाणमंतं करेहिति।
*बितीयसते पढमो उद्देसो समतो.
0बीओ उद्देसो0 [११८] कति णं भंते! समुग्घाता पण्णत्ता? गोयमा! सत्त समुग्घाया पण्णत्ता, तं जहाछाउमत्थियसमुग्घायवज्जं समुग्घायपदं णेयव्वं ।
•बितीए सए बितीओ उद्देसो समतो.
0 तइओ उद्देसो0 [१९९] कति णं भंते! पुढवीओ पण्णताओ? जीवाभिगमे नेरइयाणं जो बितिओ उद्देसो सो नेयव्वो।
[१२०] पुढविं ओगाहिता निरया संठाणमेव बाहल्लं।
विखंभ परिखेवो वण्णो गंधाय फासोय || [१२१] किं सव्वे पाणा उववन्नपुव्वा? हंता, गोयमा! असई अदुवा अणंतखुत्तो।
बितीए सए ताओ उडेसो समतो.
0चउत्थो उद्देसो0 [१२२] कति णं भंते! इंदिया पण्णत्ता? गोयमा! पंच इंदिया पण्णता, तं जहा- पढमिल्लो इंदियउद्देसओ नेयव्वो, 'संठाणं बाहल्लं पोहतं जाव अलोगो।
*बितीए सए चउत्थो उद्देसो समत्तो*
[दीपरत्नसागर संशोधितः]
[41]
[५-भगवई