Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 359

सतं-१७, वग्गो- ,सत्तंसतं- , उद्देसो-५
0 पंचमो उद्देसो 0 [७०८] कहि णं भंते! ईसाणस्स देविंदस्स देवरण्णो सभा सुहम्मा पन्नत्ता? गोयमा! जंबुद्दीवे दीवे मंदरस्स पव्वयस्स उत्तरेणं इमीसे रयणप्पभाए पुढवीए बहसमरमणिज्जाओ भूमिभागाओ उड्ढं चंदिम0 जहा ठाणपए जाव मज्झे ईसाणवडेंसए। से णं ईसाणवडेंसए महाविमाणे अड्ढतेरस जोयणसयसहस्साइं एवं जहा दसमसए सक्कविमाणवत्तव्वया, सा इह वि ईसाणस्स निरवसेसा भाणियव्वा जाव आयरक्ख ति। ठिती सातिरेगाइं दो सागरोवमाइं। सेसं तं चेव जाव ईसाणे देविंदे देवराया, ईसाणे देविंदे देवराया। सेवं भंते! सेवं भंते! ति।
*सत्तरसमे सए पंचमो उद्देसो समतो.
0 छट्ठो उद्देसो 0 [७०९] पुढविकाइए णं भंते! इमीसे रयणप्पभाए पुढवीए समोहए, समोहण्णिता जे भविए सोहम्मे कप्पे पुढविकाइयत्ताए उववज्जित्तए से णं भंते! किं पुट्विं उववज्जिता पच्छा संपाउणेज्जा, पुट्विं वा संपाउणित्ता पच्छा उववज्जेज्जा? गोयमा! पुव्विं वा उववज्जित्ता पच्छा संपाउणेज्जा, पुव्विं वा संपाउणिता पच्छा उववज्जेज्जा।
से केणढेणं जाव पच्छा उववज्जेज्जा? गोयमा! पुढविकाइयाणं तओ समुग्घाया पन्नत्ता, तं जहा--वेयणासमुग्घाए कसायमुग्घाए मारणंतियसमुग्घाए। मारणंतियसमुग्घाएणं समोहण्णमाणे देसेण वा समोहण्णति सव्वेण वा समोहण्णति, देसेणं समोहन्नमाणे पुट्विं संपाउणित्ता पच्छा उववज्जिज्जा, सव्वेणं समोहण्णमाणे पुट्विं उववज्जेता पच्छा संपाउणेज्जा, सेतेणठेणं जाव उववज्जिज्जा।
पुढविकाइए णं भंते! इमीसे रयणप्पभाए पुढवीए जाव समोहए, सामोहन्नित्ता जे भविए ईसाणे कप्पे पुढवि० एवं चेव ईसाणे वि।
एवं जाव अच्चुए। गेविज्जविमाणे अणुत्तरविमाणे ईसिपब्भाराए य एवं चेव।
पुढविकाइए णं भंते! सक्करप्पभाए पुढवीए समोहते, समोहन्निता जे भविए सोहम्मे कप्पे पुढवि0 एवं जहा रयणप्पभाए पुढविकाइओ उववातिओ एवं सक्करप्पभपुढविकाइओ वि उववाएयव्वो जाव ईसिपब्भाराए।
एवं जहा रयणप्पभाए वत्तव्वता भणिया एवं जाव अहेसत्तमाए समोहतो ईसिपब्भाराए उववातेयव्वो। सेसं तं चेव। सेवं भंते! सेवं भंते! तिला
*सत्तरसमे सए छटठो उद्देसो समतो
0 सत्तमो उद्देसो 0 [७१०] पुढविकाइए णं भंते! सोहम्मे कप्पे समोहए, समोहण्णिता जे भविए इमीसे रयणप्पभाए पुढवीए पुढविकाइयत्ताए उववज्जित्तए से णं भंते! किं पुट्विं0 सेसं तं चेव। जहा रयणप्पभापुढविकाइओ सव्वकप्पेसु जाव ईसिपब्भाराए ताव उववातिओ एवं सोहम्मपुढविकाइओ वि सत्तसु
[दीपरत्नसागर संशोधितः]
[358]
[५-भगवई