Page Text
________________
सतं-१६, वग्गो-,सत्तंसत्तं-, उद्देसो-८
गच्छति? हंता, गोतमा! परमाणुपोग्गले णं लोगस्स पुरित्थिमिल्ल० तं चेव जाव उवरिल्लं चरिमंतं गच्छति । [६८५] पुरिसे णं भंते! वासं वासति, वासं नो वासतीति हत्थं वा पायं वा बाहुं वा ऊरुं वा आउं→ावेमाणे वा पसारेमाणे वा कतिरिए ? गोयमा ! जावं च णं से पुरिसे वासं वासति, वासं नो वास हत्थं वा जाव ऊरुं वा आउंगावेति वा पसारेति वा तावं च णं से पुरिसे काइयाए जाव पंचहिं किरियाहिं पुट्ठे।
[६८६] देवे णं भंते! महिड्ढीए जाव महेसक्खे लोगंते ठिच्चा पभू अलोगंसि हत्थं वा जाव ऊरुं वा आऊं वेत्त वा पसारेत्तए वा? णो इणट्ठे समट्ठे ।
से केणट्ठेणं भंते! एवं वुच्चति देवे णं महिड्ढीए जाव लोगंते ठिच्चा णो पभू अलोगंसि हत्थं वा जाव पसारेत्तए वा' ? गोयमा ! जीवाणं आहारोवचिया पोग्गला, बोंदिचिया पोग्गला, कलेवरचिया पोग्गला, पोग्गलमेव पप्प जीवाण य अजीवाण य गतिपरियाए आहिज्जइ, अलोए णं नेवत्थि जीवा, नेवत्थि पोग्गला, सेतेणट्ठेणं जाव पसारेत्तए वा ।
सेवं भंते! सेवं भंते! ति० ।
*सोलसमे सए अट्ठमो उद्देसो समत्तो*
0 नवमो उद्देसो 0
[६८७] कहिं णं भंते! बलिस्स वइरोयणिंदस्स वइरोयणरन्नो सभा सुहम्मा पन्नत्ता? गोयमा ! जंबुद्दीवे दीवे मंदरस्स पव्वयस्स उत्तरेणं तिरियमसंखेज्जे0 जहेव चमरस्स जाव बायालीसं जोयणसहस्साइं ओगाहिता एत्थ णं बलिस्स वइरोयणिंदस्स वइरोयणरन्नो रुयगिंदे नामं उप्पायपव्वए पन्नत्ते सत्तरस एक्कवीसे जोयणसए एवं पमाणं जहेव तिगिंछिकूडस्स, पासायवडेंसगस्स वि तं चेव पमाणं सीहासणं सपरिवारं बलिस्स परियारेणं अट्ठो तहेव, नवरं रुयगिंदप्पभाई ३ कुमुयाई। सेसं तं चेव जाव बलिचंचाए रायहाणीए अन्नेसिं च जाव निच्चे, रुयगिंदस्स णं उप्पायपव्वयस्स उत्तरेणं छक्कोडिसए तहेव जाव चत्तालीसं जोयणसहस्साइं ओगाहित्ता एत्थ णं बलिस्स वइरोयणिंदस्स वइोयणरन्नो बलिचंचा नामं रायहाणी पन्नत्ता; एगं जोयणसयसहस्सं पमाणं तहेव जाव बलिपेढस्स उववातो जाव आयरक्खा सव्वं तहेव निरवसेसं, नवरं सातिरेगं सागरोवमं ठिती पन्नत्ता । सेसं तं चेव जाव बली वइरोयणिंदे, बली वइरोयणिंदे ।
सेवं भंते! सेवं भंते! जाव विहरति ।
* सोलसमे सए नवमो रहेसो समतो*
० दसमो उद्देसो 0
[६८८] कतिविधे(?धा) णं भंते! ओही पण्णत्ता ? गोयमा ! दुविधा ओही पन्नता। ओहीपयं निरवसेसं भाणियव्वं ।
सेवं भंते! सेवं भंते! जाव विहरति ।
*सोलसमे सए दसमो उहेसो समतो* 0 एगारसमो उद्देसो 0
[६८९] दीवकुमारा णं भंते! सव्वे समाहारा० निस्सासा? नो इणट्ठे समट्ठे । एवं जहा पढमसए बितियउद्देसए दीवकुमाराणं वत्तव्वया तहेव जाव समाउया समुस्सासनिस्सासा।
[दीपरत्नसागर संशोधितः ]
[350]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |