Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 350

सतं-१६, वग्गो- ,सत्तंसत्तं- , उद्देसो-८
असंखेज्जाओ जोयणकोडाकोडीओ परिक्खेवेणं।
लोगस्स णं भंते! पुरथिमिल्ले चरिमंते किं जीवा, जीवदेसा, जीवपदेसा, अजीवा, अजीवदेसा, अजीवपदेसा? गोयमा! नो जीवा, जीवदेसा वि, जीवपदेसा वि, अजीवा वि, अजीवदेसा वि, अजीवपदेसा वि। जे जीवदेसा ते नियमं एगिंदियदेसा, अहवा एगिंदियदेसा य बेइंदियस्स य देसे। एवं जहा दसमसए अग्गेयी दिसा तहेव, नवरं देसेसु अणिंदियाणं आदिल्लविरहिओ। जे अरूवी अजीवा ते छव्विहा, अद्धासमयो नत्थि। सेसं तं चेव सव्वं।
लोगस्स णं भंते! दाहिणिल्ले चरिमंते किं जीवा0? एवं चेव। एवं पच्चत्थिमिल्ले वि, उत्तरिल्ले वि।
लोगस्स णं भंते! उवरिल्ले चरिमंते किं जीवा0 पुच्छा। गोयमा! नो जीवा, जीवदेसा वि जाव अजीवपएसा वि। जे जीवदेसा ते नियमं एगिंदियदेसा य अणिंदियदेसा य, अहवा एगिंदियदेसा य अणिंदियदेसा य बेंदियस्स य देसे, अहवा एगिंदियदेसा य अणिंदियदेसा य बेइंदियाण य देसा। एवं मज्झिल्लविरहितो जाव पंचिंदियाणं। जे जीवप्पएसा ते नियमं एगिंदियप्पदेसा य अणिंदियप्पएसा य, अहवा एगिदियप्पदेसा य अणिंदियप्पदेसा य बेइंदियस्स य पदेसा, अहवा एगिंदियपदेसा य अणिंदियपएसा य बेइंदियाण य पदेसा। एवं आदिल्लविरहिओ जाव पंचिंदियाणं। अजीवा जहा दसमसए तमाए तहेव निरवसेसं।
लोगस्स णं भंते! हेछिल्ले चरिमंते किं जीवा0 पुच्छा। गोयमा! नो जीवा, जीवदेसा वि जाव अजीवप्पएसा वि। जे जीवदेसा ते नियमं एगिंदियदेसा, अहवा एगिंदियदेसा य बेंदियस्स य देसे, अहवा एगिंदियदेसा य बेइंदियाण य देसा। एवं मज्झिल्लविरहिओ जाव अणिंदियाणं पदेसा आदिल्लविरहिया सव्वेसिं जहा पुरथिमिल्ले चरिमंते तहेव। अजीवा जहा उवरिल्ले चरिमंते तहेव।
इमीसे णं भंते! रयणप्पभाए पुढवीए पुरथिमिल्ले चरिमंते किं जीवा0 पुच्छा गोयमा! नो जीवा, एवं जहेव लोगस्स तहेव चत्तारि वि चरिमंता जाव उत्तरिल्ले, उवरिल्ले जहा दसमसए विमला दिसा तहेव निरवसेसं। हेट्ठिल्ले चरिमंते जहेव लोगस्स हेछिल्ले चरिमंते तहेव, नवरं देसे पंचेंदिएसु तियभंगो, सेसं तं चेव।
एवं जहा रयणप्पभाए चत्तारि चरिमंता भणिया एवं सक्करप्पभाए वि। उवरिम-हेछिल्ला जहा रयणप्पभाए हेट्ठिल्ले।
एवं जाव अहेसत्तमाए। एवं सोहम्मस्स वि जाव अच्चुयस्स।
गेविज्जविमाणाणं एवं चेव। नवरं उवरिम-हेट्ठिल्लेसु चरिमंतेसु देसेसु पंचेंदियाण वि मज्झिल्लविरहितो चेव, सेसं तहेव।
एवं जहा गेवेज्जविमाणा तहा अणुतरविमाणा वि, ईसिपब्भारा वि।
[६८४] परमाणुपोग्गले णं भंते! लोगस्स पुरथिमिल्लाओ चरिमंताओ पच्चत्थिमिल्लं चरिमंतं एगसमएणं गच्छति, पच्चत्थिमिल्लाओ चरिमंताओ पुरथिमिल्लं चरिमंतं एगसमएणं गच्छति, दाहिणिल्लाओ चरिमंताओ उत्तरिल्लं जाव गच्छति, उत्तरिल्लाओ0 दाहिणिल्लं जाव गच्छति, उवरिल्लाओ चरिमंताओ हेछिल्लं चरिमंतं एग0 जाव गच्छति, हेछिल्लाओ चरिमंताओ उवरिल्लं चरिमंतं एगसमएणं
[दीपरत्नसागर संशोधितः]
[349]
[५-भगवई