________________
सतं-१३, वग्गो- ,सत्तंसत्तं- , उद्देसो-७
आया भंते! भासा, अन्ना भासा? गोयमा! नो आता भासा, अन्ना भासा। रूविं भंते! भासा, अरूवि भासा? गोयमा! रूविं भासा, नो अरूविं भासा। सचित्ता भंते! भासा, अचित्ता भासा? गोयमा! नो सचिता भासा, अचित्ता भासा। जीवा भंते! भासा, अजीवा भासा? गोयमा! नो जीवा भासा, अजीवा भासा। जीवाणं भंते! भासा, अजीवाणं भासा? गोयमा! जीवाणं भासा, नो अजीवाणं भासा।
पुव्विं भंते! भासा, भासिज्जमाणी भासा, भासासमयवीतिक्कंता भासा? गोयमा! नो पुव्विं भासा, भासिज्जमाणी भासा, नो भासासमयवीतिक्कंता भासा।
पुट्विं भंते ! भासा भिज्जइ, भासिज्जमाणी भासा भिज्जइ, भासा समयवीतिक्कंता भासा
भिज्जइ? गोयमा? गोयमा! नो पुट्विं भासा भिज्जइ, भासिज्जमाणी भासा भिज्जइ, नो भासासमयवीतिक्कंता भासा भिज्जइ।
कतिविधा णं भंते! भासा पन्नता? गोयमा! चउव्विहा भासा पण्णता, तं जहा--सच्चा मोसा सच्चामोसा असच्चामोसा।
[५९०] आता भंते! मणे, अन्ने मणे? गोयमा! नो आया मणे, अन्ने मणे। जहा भासा तहा मणे वि जाव नो अजीवाणं मणे। पुट्विं भंते! मणे, मणिज्जमाणे मणे?0 एवं जहेव भासा।
पुव्विं भंते! मणे भिज्जइ, मणिज्जमाणे मणे भिज्जइ, मणसमयवीतिक्कंते मणे भिज्जइ? एवं जहेव भासा।
कतिविधे णं भंते! मणे पन्नत्ते? गोयमा! चठविहे मणे पन्नते, तं जहा--सच्चे, जाव असच्चामोसे।
[५९१] आया भंते! काये, अन्ने काये? गोयमा! आया वि काये, अन्ने वि काये। रूविं भंते! काये0 पुच्छा। गोयमा! रूवि पि काये, अरूवि पि काये। एवं सचिते वि काए, अचिते वि काए। एवं एक्केक्के पुच्छा। जीवे वि काये, अजीवे वि काए। जीवाण वि काये, अजीवाण वि काए।
पुव्विं भंते! काये? पुच्छा। गोयमा! पुव्विं पि काए, कायिज्जमाणे वि काए, कायसमयवीतिक्कंते वि काये।
पुट्विं भंते! काये भिज्जइ?0 पुच्छा। गोयमा! पुट्विं पि काए भिज्जइ जाव कायसमयवीतिक्कंते वि काए भिज्जति।
कतिविधे णं भंते! काये पन्नते? गोयमा! सत्तविधे काये पन्नते, तं जहा--ओरालिए ओरालियमीसए वेठव्विए वेठव्वियमीसए आहारए आहारयमीसए कम्मए।
[५९२] कतिविधे णं भंते! मरणे पन्नते? गोयमा! पंचविधे मरणे पन्नते, तं जहाआवीचियमरणे ओहिमरणे आतियंतियमरणे बालमरणे पंडियमरणे।
आवीचियमरणे णं भंते! कतिविधे पण्णते? गोयमा! पंचविहे पन्नते, तं जहा-दव्वावीचियमरणे खेत्तावीचियमरणे कालावीचियमरणे भवावीचियमरणे भावावीचियमरणे।
[दीपरत्नसागर संशोधितः]
[294]
[५-भगवई
