Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 290

सतं-१३, वग्गो- ,सत्तंसत्तं- , उद्देसो-४
एवं जाव अद्धासमया। जत्थ णं भंते! अहम्मऽत्थिकाये ओगाढे तत्थ केवतिया धम्मऽत्थिकाय? असंखेज्जा। केवतिया अहम्मऽत्थि? नत्थि एक्को वि। सेसं जहा धम्मऽत्थिकायस्स।
एवं सव्वे। सट्ठाणे नत्थि एक्को वि भाणियव्वं। परट्ठाणे आदिल्लगा तिन्नि असंखेज्जा भाणियव्वा, पच्छिल्लगा तिन्नि अणंता भाणियव्वा जाव अद्धासमओ ति--जाव केवतिया अद्धासमया ओगाढा? नत्थि एक्को वि।
जत्थ णं भंते! एगे पुढविकाइए ओगाढे तत्थ केवतिया पुढविकाइया ओगाढा? असंखेज्जा। केवतिया आउक्काइया ओगाढा? असंखेज्जा। केवतिया तेउकाइया ओगाढा? असंखेज्जा। केवतिया वा30 ओगाढा? असंखेज्जा। केवतिया वणस्सतिकाइया ओगाढा? अणंता। जत्थ णं भंते! एगे आउकाइए ओगाढे तत्थ णं केवतिया पुढवि0? असंखेज्जा।
केवतिया आ30? असंखेज्जा। एवं जहेव पुढविकाइयाणं वत्तव्वया तहेव सव्वेसिं निरवसेसं भाणियव्वं जाव वणस्सतिकाइयाणं--जाव केवतिया वणस्सतिकाइया ओगाढा? अणंता।
[५८१] एयंसि णं भंते! धम्मत्थिकाय अधम्मत्थिकायo आगासत्थिकायंसि चक्किया केइ आसइत्तए वा सइतए वा चिटिठत्तए वा निसीइत्तए वा तयटितए वा? नो इणटठे समटठे, अणंता पण तत्थ जीवा ओगाढा।
से केण→णं भंते! एवं वुच्चइ-एयंसि णं धम्मत्थि० जाव आगासत्थिकायंसि नो चक्किया केयि आसइत्तए वा जाव ओगाढा? "गोयमा! से जहानामए कूडागारसाला सिया दुहओ लित्ता गुत्ता गुत्तद्वारा जहा रायप्पसेणइज्जे जाव द्वारवयणाई पिहेइ; द्वारवयणाई पिहिता तीसे कूडागारसालाए बह्मज्झदेसभाए जहन्नेणं एक्को वा दो वा तिण्णि वा, उक्कोसेणं पदीवसहस्सं पलिवेज्जा; से नूणं गोयमा! ताओ पदीवलेस्साओ अन्नमन्नसंबद्धाओ अन्नमन्नपुट्ठाओ जाव अन्नमन्नघडताए चिट्ठति?" 'हंता, चिट्ठति।' "चक्किया णं गोयमा! केयि तासु पदीवलेस्सासु आसइत्तए वा जाव तुयटित्तए वा?" 'भगवं! णो इणठे समठे, अणंता पुण तत्थ जीवा ओगाढा।' से तेणठेणं गोयमा! एवं वुच्चइ जाव ओगाढा।
[५८२] कहि णं भंते! लोए बहसमे? कहि णं भंते! लोए सव्वविग्गहिए पन्नते? गोयमा! इमीसे रयणप्पभाए पुढवीए उवरिमहेट्ठिल्लेसु खुड्डगपयरेसु, एत्थ णं लोए बहसमे, एत्थ णं लोए सव्वविग्गहिए पन्नते।
कहि णं भंते! विग्गहविग्गहिए लोए पन्नते? गोयमा! विग्गहकंडए, एत्थ णं विग्गहविग्गहिए लोए पन्नते।
५८३1 किंसंठिए णं भंते! लोए पन्नत्ते? गोयमा! सपतिटठगसंठिए लोए पन्नते, हेटठा वित्थिण्णे, मज्झे जहा सत्तमसए पढमुद्देसे जाव अंतं करेति।
एतस्स णं भंते! अहेलोगस्स तिरियलोगस्स उड्ढलोगस्स य कयरे कयरेहिंतो जाव विसेसाहिया वा? गोयमा! सव्वत्थोवे तिरियलोए, उड्ढलोए असंखेज्जगुणे, अहेलोए विसेसाहिए।
[दीपरत्नसागर संशोधितः]
[289]
[५-भगवई]