Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 262

सतं-१२, वग्गो - ,सत्तंसत्तं- , उद्देसो-४
दुहा कज्जमाणे एगयओ परमाणुपोग्गले, एगयओ अणंतपएसिए खंधे; जाव अहवा दो अणंतपएसिया खंधा भवंति।
तिहा कज्जमाणे एगयतो दो परमाणुपो0, एगयतो अणंतपएसिए0 भवति; अहवा एगयओ परमाणुपो०, एगयओ दुपएसिए0, एगयओ अणंतपएसिए0 भवति; जाव अहवा एगयओ परमाणुपो0, एगयओ असंखेज्जपएसिए0, एगयओ अणंतपदेसिए खंधे भवति; अहवा एगयओ परमाणुपो0, एगयओ दो अणंतपएसिया0 भवंति; अहवा एगयओ दुपएसिए0, एगयओ दो अणंतपएसिया0 भवंति; एवं जाव अहवा एगयतो दसपएसिए एगयतो दो अणंतपएसिया खंधा भवंति; अहवा एगयओ संखेज्जपएसिए खंधे, एगयओ दो अणंतपदेसिया खंधा भवंति; अहवा एगयओ असंखेज्जपएसिए खंधे, एगयओ दो अणंतपएसिया खंधा भवंति; अहवा तिन्नि अणंतपएसिया खंधा भवंति। चठहा कज्जमाणे एगयओ तिन्नि परमाणुपो0, एगयतो अणंतपएसिए0 भवति; एवं चठक्कसंजोगो जाव असंखेज्जगसंजोगो। एए सव्वे जहेव असंखेज्जाणं भणिया तहेव अणंताण वि भाणियव्वा, नवरं एक्कं अणंतगं अब्भहियं भाणियव्वं जाव अहवा एगयतो संखेज्जा संखिज्जपएसिया खंधा, एगयओ अणंतपएसिए0 भवति; अहवा एगयओ संखेज्जा असंखेज्जपदेसिया खंधा, एगयओ अणंतपएसिए खंधे भवति; अहवा संखिज्जा अणंतपएसिया खंधा भवंति। असंखेज्जहा कज्जमाणे एगयतो असंखेज्जा परमाणुपोग्गला, एगयओ अणंतपएसिए खंधे भवति; अहवा एगयतो असंखिज्जा दुपएसिया खंधा, एगयओ अणंतपएसिए0 भवति; जाव अहवा एगयओ असंखेज्जा संखिज्जपएसिया0, एगयओ अणंतपएसिए0 भवति; अहवा एगयओ असंखेज्जा असंखेज्जपएसिया खंधा, एगयओ अणंतपएसिए0 भवति; अहवा असंखेज्जा अणंतपएसिया खंधा भवंति।
अणंतहा कज्जमाणे अणंता परमाणुपोग्गला भवंति।
[५३९] एएसि णं भंते! परमाणुपोग्गलाणं साहणणाभेदाणुवाएणं अणंताणता पोग्गलपरिया समणुगंतव्वा भवंतीति मक्खाया?
हंता, गोयमा! एतेसि णं परमाणुपोग्गलाणं साहणणा जाव मक्खाया।
कतिविधे णं भंते! पोग्गलपरियो पन्नते? गोयमा! सत्तविहे पोग्गलपरियो पन्नते, तं जहा--ओरालियपोग्गलपरियो वेठव्वियपोग्गलपरियो तेयापोग्गलपरियो कम्मापोग्गलपरियो मणपोग्गलपरियो वइपोग्गलपरियो आणपाणुपोग्गलपरियो।
नेरइयाणं भंते! कतिविधे पोग्गलपरियो पन्नते? गोयमा! सत्तविधे पोग्गलपरियो पन्नते, तं जहा-ओरालियपोग्गलपरियो वेठब्वियपोग्गलपरियो जाव आणपाणुपोग्गलपरियो।
एवं जाव वेमाणियाणं। एगमेगस्स णं भंते! जीवस्स केवतिया ओरालियपोग्गलपरियट्या अतीता? अणंता।
केवइया पुरेक्खडा? कस्सति अत्थि, कस्सति पत्थि। जस्सऽत्थि जहण्णेणं एगो वा दो वा तिण्णि वा, उक्कोसेणं संखेज्जा वा असंखेज्जा वा अणंता वा।
एवं सत्त दंडगा जाव आणपाणु ति। एगमेगस्स णं भंते! नेरइयस्स केवतिया ओरालियपोग्गलपरिया अतीया? अणंता।
केवतिया पुरेक्खडा? कस्सइ अत्थि, कस्सइ नत्थि। जस्सऽत्थि जहन्नेणं एक्को वा दो वा तिण्णि वा, उक्कोसेणं संखेज्जा वा असंखेज्जा वा अणंता वा।
[दीपरत्नसागर संशोधितः]
[261]
[५-भगवई