Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 261

सतं-१२, वग्गो - ,सत्तंसत्तं- , उद्देसो-४
परमाणुपो0, एगयओ दो संखेज्जपएसिया खंधा भवंति; अहवा एगयतो परमाणुपो0, एगयओ दुपएसिए खंधे, एगयओ दो संखेज्जपदेसिया खंधा भवंति; जाव अहवा एगयतो परमाणुपो0; एगयतो दसपएसिए0, एगयतो दो संखेज्जपएसिया खंधा भवंति; अहवा एगयतो परमाणुपो0, एगयतो तिन्नि संखेज्जपएसिया खंधा भवंति; अहवा एगयओ दुपएसिए0, एगयतो तिन्नि संखेज्जपएसिया० भवंति; जाव अहवा एगयओ दसपएसिए0, एगयओ तिन्नि संखेज्जपदेसिया0 भवंति; अहवा चत्तारि संखेज्जपएसिया0 भवंति।
एवं एएणं कमेणं पंचगसंजोगो वि भाणियव्वो जाव नवसंजोगो।
0 दसहा कज्जमाणे एगयतो नव परमाणुपोग्गला, एगयतो संखेज्जपएसिए0 भवति; अहवा एगयओ अट्ठ परमाणुपो0, एगयओ दुपएसिए0, एगयओ संखेज्जपएसिए खंधे भवति; एवं एएणं कमेणं एक्केक्को पूरेयव्वो जाव अहवा एगयओ दसपएसिए0, एगयओ नव संखेज्जपएसिया० भवंति; अहवा दस संखेज्जपएसिया खंधा भवंति। संखेज्जहा कज्जमाणे संखेज्जा परमाणुपोग्गला भवंति।
0 असंखेज्जा भंते! परमाणुपोग्गला एगयओ साहण्णंति एगयओ साहण्णिता किं भवति? गोयमा! असंखेज्जपएसिए खंधे भवति। से भिज्जमाणे दहा वि, जाव दसहा वि, संखेज्जहा वि, असंखेज्जहा वि कज्जति।
दुहा कज्जमाणे एगयओ परमाणुपो0, एगयओ असंखेज्जपएसिए खंधे भवति; जाव अहवा एगयओ दसपदेसिए0, एगयओ असंखिज्जपएसिए0 भवति; अहवा एगयओ संखेज्जपएसिए खंधे, एगयओ असंखेज्जपएसिए खंधे भवति; अहवा दो असंखेज्जपएसिया खंधा भवंति।
तिहा कज्जमाणे एगयओ दो परमाणुपो0, एगयओ असंखेज्जपएसिए0 भवति; अहवा एगयओ परमाणुपो०, एगयओ दुपएसिए0, एगयओ असंखिज्जपएसिए0 भवति; जाव अहवा एगयओ परमाणुपो0, एगयओ दसपदेसिए0, एगयओ असंखेज्जपएसिए0 भवति; अहवा एगयओ परमाणुपो0, एगयओ संखेज्जपएसिए0, एगयओ असंखेज्जपएसिए0 भवति; अहवा एगयओ परमाणुपो0, एगयओ दो असंखेज्जपएसिया खंधा भवंति; अहवा एगयओ दुपएसिए0, एगयओ दो असंखेज्जपएसिया खंधा भवंति; एवं जाव अहवा एगयओ संखेज्जपएसिए0, एगयओ दो असंखेज्जपएसिया खंधा भवंति; अहवा तिन्नि असंखेज्जपएसिया0 भवंति।
चहा कज्जमाणे एगयओ तिन्नि परमाणुपो0, एगयओ असंखेज्जपएसिए0 भवति। एवं चठक्कगसंजोगो जाव दसगसंजोगो। एए जहेव संखेज्जपएसियस्स, नवरं असंखेज्जगं
एग अहिगं भाणियव्वं जाव अहवा दस असंखेज्जपदेसिया खंधा भवंति।
संखेज्जहा कज्जमाणे एगयओ संखेज्जा परमाणुपोग्गला, एगयओ असंखेज्जपएसिए खंधे भवति; अहवा एगयओ संखेज्जा दुपएसिया खंधा, एगयओ असंखेज्जपएसिए खंधे भवति; एवं जाव अहवा एगयओ संखेज्जा दसपएसिया खंधा, एगयओ असंखेज्जपएसिए खंधे भवति; अहवा एगयओ संखेज्जा संखेज्जपएसिया खंधा, एगयओ असंखेज्जपएसिए खंधे भवति; अहवा संखेज्जा असंखेज्जपएसिया खंधा भवंति।
असंखेज्जहा कज्जमाणे असंखेज्जा परमाणपोग्गला भवंति।
अणंता णं भंते! परमाणपोग्गला जाव किं भवति? गोयमा! अणंतपएसिए खंधे भवति। से भिज्जमाणे दहा वि, तिहा वि जाव दसहा वि, संखिज्ज-असंखिज्ज-अणंतहा वि कज्जइ।
[दीपरत्नसागर संशोधितः]
[260]
[५-भगवई