Page Text
________________
सतं-११, वग्गो-,सत्तंसत्तं-, उद्देसो-९
[५०९] भंते! ति भगवं गोयमे समणं भगवं महावीरं वंदति, नम॑सति, वं० २ एवं वयासीजीवा णं भंते! सिज्झमाणा कयरम्मि संघयणे सिज्झंति ? गोयमा ! वइरोसभणारायसंघयणे सिज्झंति एवं जहेव उववातिए तहेव `संघयणं संठाणं उच्चत्तं आउयं च परिवसणा' एवं सिद्धिगंडिया निरवसेसा भाणियव्वा जाव 'अव्वाबाहं सोक्खं अणुहुंती सासयं सिद्धा' ।!
सेवं भंते! सेवं भंते! ति०।
* एक्कारसमे सए नवमो उद्देसो समतो*
० दसमो उद्देसओ ०
[५१०] रायगिहे जाव एवं वदासी --
कतिविधे णं भंते! लोए पन्नत्ते? गोयमा ! चउव्विहे लोए पन्नत्ते, तं जहा - दव्वलोए खेत्तलोए
काललोए भावलोए ।
खेत्तलोए णं भंते! कतिविहे पन्नत्ते? गोयमा ! तिविहे पन्नत्ते, तं जहा - अहेलोयखेत्तलोए, तिरियलोयखेत्तलोए, उड्ढलोयखेत्तलोए ।
अहेलोयखेत्तलोए णं भंते! कतिविधे पन्नत्ते? गोयमा ! सत्तविधे पन्नत्ते, तं जहारयणप्पभापुढविअहेलोयखेत्तलोए जाव अहेसत्तमपुढविअहेलोयखेत्तलोए।
तिरियलोयखेत्तलोए णं भंते! कतिविधे पन्नत्ते? गोयमा ! असंखेज्जतिविधे पन्नत्ते, तं जहा-जंबुद्दीवतिरियलोयखेत्तलोए जाव सयंभुरमणसमुद्दतिरियलोयखेत्तलोए।
उड्ढलोगखेत्तलोए णं भंते! कतिविधे पन्नत्ते? गोयमा! पण्णरसविधे पन्नत्ते, तं जहा-सोहम्मकप्पउड्ढलोगखेत्तलोए जाव अच्चुयउड्ढलोग गेवेज्जविमाणउड्ढलोग0 अणुत्रविमा इसिपब्भारपुढविउड्ढलोगखेत्तलोए।
अहेलोगखेत्तलोए णं भंते! किंसंठिते पन्नत्ते? गोयमा! तप्पागारसंठिए पन्नत्ते ।
तिरियलोगखेत्तलोए णं भंते! किंसंठिए पन्नत्ते ? गोयमा ! झल्लरिसंठिए पन्नत्ते ।
लोए णं भंते! किंसंठिए पन्नत्ते ? गोयमा ! सुपइट्ठगसंठिए लोए पन्नत्ते, तं जहा - हेट्ठा वित्थिण्णे, मज्झे संखित्ते जहा सत्तमसए पढमे उद्देसए जाव अंतं करेति ।
अलोए णं भंते! किंसंठिए पन्नत्ते ? गोयमा ! झुसिरगोलसंठिए पन्नत्ते ।
अहेलोगखेत्तलोए णं भंते! किं जीवा, जीवदेसा, जीवपदेसा0? एवं जहा इंदा दिसा तहेव निरवसेसं भाणियव्वं जाव अद्धासमए ।
तिरियलोगखेत्तलोए णं भंते! किं जीवा ? एवं चेव ।
अणंतभागूणे।
[दीपरत्नसागर संशोधितः ]
एवं उड्ढलोगखेत्तलोए वि । नवरं अरूवी छव्विहा, अद्धासमओ नत्थि ।
लोए णं भंते! किं जीवा ? जहा बितियसए अत्थिउद्देसए लोयागासे नवरं अरूवी सत्तविहा जाव अधम्मत्थिकायस्स पदेसा, नो आगासत्थिकाए, आगासत्थिकायस्स देसे आगासत्थिकायस्स पएसा, अद्धासमए । सेसं तं चेव ।
अलोए णं भंते! किं जीवा ०? एवं जहा अत्थिकायउद्देसए अलोगागासे तहेव निरवसेसं जाव
[236]
[५-भगवई]
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |