________________
सतं-९, वग्गो - ,सत्तंसतं- , उद्देसो-१
नव य सया पण्णासा तारागणकोडिकोडीणं'।। [४४२] सोभिंसु सोभिंति सोभिस्संति। [४४३] लवणे णं भंते! समुद्दे केवतिया चंदा पभासिंसु वा पभासिंति वा पभासिस्संति वा? एवं जहा जीवाभिगमे जाव ताराओ।
धायइसंडे कालोदे पुक्खरवरे अभिंतरपुक्खरद्धे मणुस्सखेते, एएसु सव्वेसु जहा जीवाभिगमे जाव-'एग ससी परिवारो तारागणकोडिकोडीणं।।'
पुक्खरद्धे णं भंते! समुद्दे केवइया चंदा पभासिंसु वा पभासंति वा पभासिस्संति वा? एवं सव्वेसु दीव-समुद्देसु जोतिसियाणं भाणियव्वं जाव सयंभूरमणे जाव सोभं सोभिंसु वा सोभंति वा सोभिस्संति वा। सेवं भंते! सेवं भंते ति.।
*नवमे सए बीओ उद्देसो समत्तो.
0उद्देसगा-:३--३०:-0 [४४४] रायगिहे जाव एवं वयासी
कहि णं भंते! दाहिणिल्लाणं एगोरुयमणुस्साणं एगोरुयदीवे णामं दीवे पन्नते? गोयमा! जंबुद्दीवे दीवे मंदरस्स पव्वयस्स दाहिणेणं एवं जहा जीवाभिगमे जाव सुद्धदंतदीवे जाव देवलोगपरिग्गहा णं ते मणुया पण्णता समणाउसो!।
एवं अट्ठावीसं पि अंतरदीवा सएणं सएणं आयाम-विक्खंभेणं भाणियव्वा, नवरं दीवे दीवे उद्देसओ। एवं सव्वे वि एए अट्ठावीसं उद्देसगा। सेवं भंते! सेवं भंते! ति.।
*नवमे सए तइयाइआ तीसंता उद्देसा समत्ता
0 एगत्तीसइमो उद्देसो 0
[४४५] रायगिहे जाव एवं वयासी
असोच्चा णं भंते! केवलिस्स वा केवलिसावगस्स वा केवलिसावियाए वा केवलिउवासगस्स वा केवलिउवासियाए वा तप्पक्खियस्स वा तप्पक्खियसावगस्स वा तप्पक्खियसावियाए वा तप्पक्खियउवासगस्स वा तप्पक्खियउवासियाए वा केवलिपण्णतं धम्मं लभेज्जा सवणयाए? गोयमा! असोच्चा णं केवलिस्स वा जाव तप्पक्खियउवासियाए वा अत्थेगइए केवलिपण्णत्तं धम्मं लभेज्जा सवणयाए, अत्थेगतिए केवलिपण्णत्तं धम्म नो लभेज्जा सवणयाए।
से केणठेणं भंते! एवं वुच्चइ-असोच्चा णं जाव नो लभेज्जा सवणयाए? गोयमा! जस्स णं नाणावरणिज्जाणं कम्माणं खओवसमे कडे भवइ से णं असोच्चा केवलिस्स वा जाव तप्पक्खियठवासियाए वा केवलिपण्णत्तं धम्मं लभेज्ज सवणयाए, जस्स णं नाणावरणिज्जाणं कम्माणं खओवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलिपण्णत्तं धम्म नो लभेज्ज सवणयाए, से तेणठेणं गोयमा! एवं वुच्चइ-तं चेव जाव नो लभेज्ज सवणयाए।
असोच्चा णं भंते! केवलिस्स वा जाव तप्पक्खियठवासियाए वा केवलं बोहिं बुज्झेज्जा?
[दीपरत्नसागर संशोधितः]]
[185]
[५-भगवई]
