________________
सतं-६, वग्गो - ,सत्तंसत्तं- , उद्देसो-३
नोपुरिसोनोनपुंसओ सिय बंधइ, सिय नो बंधइ।
___ एवं आउगवज्जाओ सत्त कम्मप्पगडीओ।
आउगं णं भंते! कम्मं किं इत्थी बंधइ, पुरिसो बंधइ, नपुंसओ बंधइ?. पुच्छा। गोयमा! इत्थी सिय बंधइ सिय नो बंधइ, एवं तिण्णि वि भाणियव्वा। नोइत्थीनोपुरिसोनोनपुंसओ न बंधइ।
णाणावरणिज्जं णं भंते! कम्मं किं संजते बंधइ, असंजते बंधइ, संजयासंजए बंधइ, नोसंजएनोअसंजएनोसंजयासंजए बंधति? गोयमा! संजए सिय बंधति सिय नो बंधति, असंजए बंधइ, संजयासंजए वि बंधइ, नोसंजएनोअसंजएनोसंजयासंजए न बंधति।
एवं आउगवज्जाओ सत्त वि। आउगे हेछिल्ला तिण्णि भयणाए, उवरिल्ले ण बंधइ।
णाणावरणिज्जं णं भंते! कम्मं किं सम्मद्दिट्ठी बंधइ, मिच्छद्दिट्ठी बंधइ, सम्मामिच्छद्दिट्ठी बंधइ? गोयमा! सम्मद्दिठी सिय बंधइ सिय नो बंधइ, मिच्छद्दिट्ठी बंधइ, सम्मामिच्छद्दिठी बंधइ।
एवं आउगवज्जाओ सत्त वि। आठए हेट्ठिल्ला दो भयणाए, सम्मामिच्छद्दिट्ठी न बंधड़।
णाणावरणिज्जं किं सण्णी बंधइ, असण्णी बंधइ, नोसण्णीनोअसण्णी बंधइ? गोयमा! सण्णी सिय बंधड़ सिय नो बंधइ, असण्णी बंधइ, नोसण्णीनोअसण्णी न बंधड़।
एवं वेदणिज्जाऽऽउगवज्जाओ छ कम्मप्पगडीओ।
वेदणिज्जं हेट्ठिल्ला दो बंधंति, उवरिल्ले भयणाए। आउगं हेट्ठिल्ला दो भयणाए, उवरिल्ले न बंधइ।
णाणावरणिज्जं कम्मं किं भवसिद्धीए बंधइ, अभवसिद्धीए बंधइ, नोभवसिद्धीएनोअभवसिद्धीए बंधति? गोयमा! भवसिद्धीए भयणाए, अभवसिद्धीए बंधति, नोभवसिद्धीएनोअभवसिद्धीए ण।
एवं आउगवज्जाओ सत्त वि। आउगं हेछिल्ला दो भयणाए, उवरिल्लो न बंधइ।
णाणावरणिज्जं किं चक्खुदंसणी बंधति, अचक्खुदंस., ओहिदंस., केवदं.? गोयमा! हेहिल्ला तिण्णि भयणाए, उवरिल्ले ण बंधइ।
एवं वेदणिज्जवज्जाओ सत्त वि। वेदणिज्जं हेछिल्ला तिण्णि बंधंति, केवलदंसणी भयणाए।
णाणावरणिज्जं कम्मं किं पज्जतओ बंधइ, अपज्जतओ बंधइ, नोपज्जत्तएनोअपज्जत्तए बंधइ? गोयमा! पज्जत्तए भयणाए, अपज्जत्तए बंधइ, नोपज्जत्तएनोअपज्जत्तए न बंधइ।
एवं आउगवज्जाओ। आउगं हेट्ठिल्ला दो भयणाए, उवरिल्ले ण बंधइ। नाणावरणिज्जं किं भासए बंधइ, अभासए.? गोयमा! दो वि भयणाए। एवं वेदणिज्जवज्जाओ सत्त। वेदणिज्जं भासए बंधइ, अभासए भयणाए। णाणावरणिज्जं किं परिते बंधइ, अपरिते बंधइ, नोपरित्तेनोअपरिते बंधइ? गोयमा! परिते
[दीपरत्नसागर संशोधितः]
[105]
[५-भगवई
