________________ आगमिस्साण होक्खंति धम्मतित्थस्स देसगा / / [382] बारस चक्कवट्टी भविस्संति बारस चक्कवट्टिपियरो भविस्संति बार मायरो भविस्संति बारस इत्थीरयणा भविस्संति नव बलदेवे-वासुदेवपियरो भविस्संति नव वासुदेवमायरो भविस्संति नव बलदेवमायरो भविस्संति नव दसारमंडला भविस्संति उत्तमपुरिसा मज्झिम-पुरिसा पहाणपुरिसा जाव दुवे-दुवे रामकेसवा भायरो भविस्संति नव पडिसत्तू भविस्संति नव पुव्वभवनामधेज्जा नव धम्मायरिया नव नियाणभूमीओ नव नियाणकारणा आयाए एरवए आगमिस्साए भाणियव्वा एवं दोसुवि आगमिस्साए भाणियव्वा / [383] इच्चेयं एवमाहिज्जति तं जहा- कुलगरवंसेति य एवं तित्थगरवंसेति य चक्कवट्टिवंसेति य दसारवंसेति य गणधरवंसेति य इसिवंसेति य जतिवंसेति य मुणिवंसेति य सुतेति वा सुतंगेति वा सुयसमासेति वा सुयखंधेति वा समाएति वा संखेति वा समत्तमंगमक्खायं अज्झयणं - त्ति बेमि / 0 पड़ण्णग समवाओ समत्तो 0 मुनि दीपरत्नसागरेण संशोधितः सम्पादितश्च पइण्णग समवाओ समत्तो || 4 | चउत्थं अंगसुतं-समवाओ समत्तो [दीपरत्नसागर संशोधितः] [80] [४-समवाओ]
