Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 87

[४६९] पंचविहा तणवणस्सतिकाइया पन्नत्ता तं जहा- अग्गबीया मूलबीया पोरबीया खंधबीया बीयरूहा ।
[४७०] पंचविहे आयारे प० तं०- नाणायारे दंसणायारे चरित्तायारे तवायारे वीरियायारे । [४७१] पंचविहे आयारपकप्पे पन्नत्ते तं जहा- मासिए उग्घातिए, मासिए अणुग्घातिए, चउमासिए उग्घातिए, चउमासिए अणुग्धातिए, आरोवणा,
आरोवण पंचविहा पन्नत्ता तं० पट्ठविया ठविया कसिणा अकसिणा हाडहडा ।
[४७२] जंबुद्दीवे दीवे मंदरस्स पव्वयस्स पुरत्थिमे णं सीयाए महानदीए उत्तरे णं पंच वक्खारपव्वता पन्नत्ता तं जहा- मालवंते चित्तकूडे पम्हकूडे नलिणकूडे एगसेले, जंबुद्दीवे दीवे मंदरस्स पव्वयस्स पुरित्थिमे णं सीयाए महानदीए दाहिणे णं पंचं वक्खारपव्वता पन्नत्ता तं जहा- तिकडे वेसमणकूडे अंजणे मायंजणे सोमणसे, जंबुद्दीवे दीवे मंदरस्स पव्वयस्स पच्चत्थिमे णं सीओयाए महानदी दाहिणे णं पंच वक्खारपव्वता पन्नत्ता तं जहा- विज्जुप्पभे अंकावती पम्हावती आसीविसे सुहावहे,
जंबुद्दीवे दीवे मंदरस्स पव्वयस्स पच्चत्थिमे णं सीओयाए महानदीए उत्तरे णं पंच वक्खारपव्वता पन्नत्ता तं जहा- पचंदपव्वते सूरपव्वते नागपव्वते देवपव्वते गंधमादणे ।
जंबुद्दीवे दीवे मंदरस्स पव्वयस्स दाहिणे णं देवकुराए कुराए पंच महद्दहा पन्नत्ता तं जहानिसहदहे दुवकुरुदहे सूरदहे सुलसदहे विज्जुप्पभदहे, जंबुद्दीवे दीवे मंदरस्स पव्वयस्स उत्तरे णं उत्तर कुरा कुरा पंच महादहा पन्नत्ता तं जहा- नीलवंतदहे उत्तरकुरूदहे पंचदहे एरावणदहे मालवंतदहे ।
सव्वेणि णं वक्खारपव्वया सीया- सीओयाओ महानईओ मंदरं वा पव्वतं पंच जोयणसताई उड्ढं उच्चत्तेणं पंचगाउसताइं उव्वेहेणं ।
घायइसंडे दीवे पुरत्थिमद्धे णं मंदरस्स पव्वयस्स पुरत्थिमे णं सीयाए महानदी उत्तरे णं पंच वक्खारपव्वता पन्नत्ता तं जहा- मालवंते एवं जहा जंबुद्दीवे तहा जाव पुक्खरवरदीवड्ढं पच्चत्थिमद्धे वक्खारपव्वया दहा य उच्चत्तं भाणियव्वं ।
समयक्खेत्ते णं पंच भरहाई पंच एरवताई एवं जहा चउट्ठाणे बितीयउद्देसे तहा एत्थवि भाणियव्वं जाव पंच मंदरा पंच मंदरचूलियाओ नवरं उसुयारा नत्थि ।
[४७३] उसभे णं अरहा कोसलिए पंच धणुसताई उड्ढं उच्चत्तेणं होत्था । भरहे णं राया चाउरंतचक्कवट्टी पंच धणुसताई उड्ढं उच्चत्तेणं होत्था । बाहुबली णं अणगारे चेव बंभी णं अज्जा एवं चेव, एवं सुंदरी वि ।
[४७४] पंचहिं ठाणेहिं सुत्ते विबुज्झेज्जा तं जहा- सद्देणं फासेणं भोयणपरिणामेणं निद्दक्खएणं सुविणदंसणेणं ।
[४७५] पंचहिं ठाणेहिं समणे निग्गंथे निग्गंथिं गिण्हमाणे वा अवलंवमाणे वा नातिक्कमति, तं जहा- निग्गंथिं च णं अण्णयरे पसुजातिए वा पक्खिजातिए वा ओहातेज्जा तत्थ निग्गंथे निग्गंथिं ठाणं-५, उद्देसो-२
गिण्हमाणे वा अवलंबमाणे वा नातिक्कमति ।
[ मुनि दीपरत्नसागर संशोधितः ]
[86]
[३-ठाणं]