________________
असंजय मणस्साणं सुत्ताणं वा जागराणं वा पंच जागरा पन्नत्ता तं जहा सद्दा जाव फासा
[४६१] पंचहिं ठाणेहिं जीवा रयं आदिज्जंति तं जहा- पाणातिवातेणं जाव परिग्गहेणं । पंचहिं ठाणेहिं जीवा रयं वमंति तं.-पाणातिवातवेरमणेणं जाव परिग्गहवेरमणेणं ।
[४६२] पंचमासियं णं भिक्खुपडिमं पडिवण्णस्स अणगारस्स कप्पंति पंच दत्तीओ भोयणस्स पडिगाहेत्तए पंच पाणगस्स ।
[४६३] पंचविधे उवधाते पण्णत्ते तं जहा- उग्गमोवधाते उप्पायणोवधाते एसणोवधाते परिकम्मोवधाते परिहरणोवधाते ।
पंचविहा विसोही पन्नत्ता तं जहा- उग्गमविसोही उप्पायणविसोही एसणविसोही परिकम्मविसोही परिहरणविसोही ।
[४६४] पंचहिं ठाणेहिं जीवा दुल्लभबोधियत्ताए कम्म पकरेंति तं जहा- अरहंताणं अवण्णं वदमाणे, अरहंतपन्नत्तस्स धम्मस्स अवण्णं वदमाणे, आयरियउवज्झायाणं अवण्णं वदमाणे चाउवण्णस्स संघस्स अवण्णं वदमाणे, विवक्कतव-बंभचेराणं देवाणं अवण्णं वदमाणे ।
पंचहिं ठाणेहिं जीवा सुलभबोधियत्ताए कम्मं पकरेंति तं जहा- अरहंताणं वण्णं वदमाणे जाव विवक्क-तव-बंभचेराणं देवाणं वण्णं वदमाणे ।
[४६५] पंच पडिसंलीणा पन्नत्ता तं०- सोइंदियपडिसंलीणे जाव फासिंदियपडिसंलीणे । पंच अपडिसंलीणा पन्नत्ता तं०- सोतिदियअपडिसंलीणे जाव फासिंदियअपडिसंलीणे । पंचविधे संवरे पन्नत्ते तं०- सोतिदियसंवरे जाव फासिंदियसंवरे । पंचविधे असंवरे पन्नत्ते तं०- सोतिदियअसवरे जाव फासिंदियअसंवरे ।
[४६६] पंचविधे संजमे प० तं० सामाइयसंजमे छेदोवट्ठावणिसंजमे परिहारविसद्धियसंजमे सुहमसंपरागसंजमे अहक्खायचरित्तसंजमे ।
[४६७] एगिंदिया णं जीवा असमारभमाणस्स पंचविधे संजमे कज्जति तं जहापुढविकाइयसंजमे जाव वणस्सतिकाइयसंजमे ।
____ एगिंदिया णं जीवा समारभमाणस्स पंचविहे असंजमे कज्जति तं जहा- पुढविकाइयअसंजमे जाव वणस्सतिकाइयअसंजमे ।
[४६८] पंचिंदिया णं जीवा असमारभमामस्स पंचविहे संजमे कज्जति, तं जहासोतिदियसंजमे जाव फासिंदियसंजमे,
पंचिंदिया णं जीवा समारभमाणस्स पंचविधे असंजमे कज्जति तं जहासोतिदियअसंजमे जाव फासिंदियअसंजमे, ठाणं-५, उद्देसो-२
सव्वपाणभूयजीवसत्ता णं असमारभमाणस्स पंचविहे संजमे कज्जति तं जहाएगिदियसंजमे जाव पंचिंदियसंजमे ।
सव्वपाणभूयजीवसत्ता णं समारभमाणस्स पंचविहे असंजमे कज्जति तं जहाएगिंदियअसंजमे जाव पंचिंदियअसंजमे ।
सवमा
[मुनि दीपरत्नसागर संशोधित:]
[85]
[३-ठाण]
