Page Text
________________
महासुक्क-सहस्सारेसु णं कप्पेसु देवाणं भवधारणिज्जा सरीरगा उक्कोसेणं चत्तारि रयणीओ उड्ढं उच्चत्तेणं पन्नत्ता ।
[४०७] चत्तारि दगगब्भा पन्नत्ता तं जहा- उस्सा महिया सीता उसिणा चत्तारि दगगब्भा पन्नत्ता तं जहा- हेमगा अब्भसंथडा सीतोसिणा पंचरूविया ।
[४०८] माहे 3 हेमगा गब्भा फग्गणे अब्भसंथडा ।
सीतोसिणा उ चित्ते वइसाहे पंचरूविया ।। [४०९] चत्तारि माणुस्सीगब्भा पन्नत्ता तं जहा- इत्थित्ताए पुरिसत्ताए नपुंसगत्ताते बिंबत्ताए ।
[४१०] अप्पं सुक्कं बहुं ओयं इत्थी तत्थ पजायति ।
अप्पं ओयं बहं सक्कं परिसो तत्थ जायति ।। [४११] दोण्हंपि रत्तसुक्काणं तुल्लभावे नपुंसओ ।
इत्थी-ओयसमायोगे बिंब तत्थ पजायति ॥ [४१२] उप्पायपुव्वस्स णं चत्तारि चलवत्थू पन्नत्ता ।। [४१३] चउव्विहे कव्वे पण्णत्ते तं जहा- गज्जे पज्जे कत्थे गेए
[४१४] नेरइयाणं चत्तारि समुग्धाता पन्नत्ता तं जहा- वेयणासमुग्धाते कसायसमुग्धाते मारणंतियसमग्घाते वेउव्विसमग्घाते एवं वाउक्कइयाणवि ।
[४१५] अरहंतो णं अरिहनेमिस्स चत्तारि सया चोद्दसपव्वीणमजिणाणं जिणसंकासाणं सव्वक्खरसण्णिवाईणं जिणो जिणाणं इव अवितथं वागरमाणाणं उक्कोसिया चउद्दस पुव्विसंपया हुत्था ।
[४१६] समणस्स णं भगवओ महावीरस्स चत्तारि सया वादीणं सदेवमण्यासुराएपरिसाए ठाणं-४, उद्देसो-४
अपराजियाणं उक्कोसिता वादिसंपया हत्था ।
[४१७] हेढिल्ला चत्तारि कप्पा अद्धचंदसंठामसंठिया पन्नत्ता तं जहा- सोहम्मे ईसाणे सणंकुमारे माहिंदे, मज्झिला चत्तारि कप्पा पडिपुण्णचंदसंठाणसंठिया पन्नत्ता तं जहा- बंभलोगे लंतए
महासुक्के सहस्सारे, उवरिल्ला चत्तारि कप्पा अद्धचंदसंठाणसंठिया पन्नत्ता तं जहा- आणते पाणते आरणे अच्चुते ।
[४१८] चत्तारि समुद्दा पत्तेयरसा प० तं०-लवणोदे वरुणोदे खीरोदे घतोदे ।
[४१९] चत्तारि आवता पन्नत्ता तं जहा- खरावत्ते उण्णतावत्ते गूढावत्ते आमिसावत्ते, एवामेव चत्तारि कसाया पन्नत्ता तं जहा- खरावत्तसमाणे कोहे उण्णतावत्तसमाणे माणे गूढावत्तसमाणा माया आमिसावत्तसमाणे लोभे । खरावत्तसमाणं कोहं अणुपविढे जीवे कालं करेंति नेरइएस् उववज्जति उण्णतावत्तसमाणं माणं अण्पविढे जाव नेरइएस् उववजज्ति गूढावत्तसमाणं मायं जाव नेरइएस् उववज्जति आमिसावत्तसमाणं लोभमण्पविढे जीवे कालं करेति नेरइएस् उववज्जति |
[४२०] अनुराहनक्खत्ते चउत्तारे पण्णत्ते, पुव्वासाढा एवं चेव । उत्तरासाढा एवं चेव ।
[मुनि दीपरत्नसागर संशोधित:]
[76]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |