Page Text
________________
चउहिं ठाणेहिं जीवा सम्मोहत्ताए कम्मं पगरेंति तं जहा- उम्मग्गदेसणाए मग्गंत-राणं कामासंपओगेणं भिज्जानियाणकरणेणं ।
चउहिं ठाणेहिं जीवा देवकिब्बिसियत्ताए कम्मं पगरेंति तं जहा- अरहंताणं अवण्णं वदमाणे अरहंतपन्नत्तस्स धम्मस्स अवण्णं वदमाणे आयरियउवज्झायाणमवण्णं वदमाणे चाउवण्णस्स संधस्स अवण्णं वदमाणे ।
[३८२] चउव्विहा पव्वज्जा पन्नत्ता तं जहा - इहलोगपडिबद्धा परलोगपडिबद्धा दुहतोलोगपडिबद्धा अप्पडिबद्धा; चउव्विहा पव्वज्जा पन्नत्ता तं जहा - पुरओपडिबद्दा मग्गओ पडिबद्धा दुहतोपडिबद्धा अप्पडिबद्धा ।
चउव्विहा पव्वज्जा पन्नत्ता तं जहा- ओवायपव्वज्जा अक्खातपव्वज्जा संगारपव्वज्जा विहगगइपव्वज्जा ।
चउव्विहा पव्वज्जा पन्नत्ता तं जहा- तुयावइत्ता पुयावइत्ता बुआवइत्ता परिपुयावइत्ता चव्विहा
ठाणं-४, उद्देसो-४
पव्वज्जा पन्नत्ता तं जहा- नडखड्या भडखड्या सोहखइया सियालखइया ।
चउव्विहा किसी पन्नत्ता तं जहा- वाविया परिवाविया निंदिता परिनिंदिता एवामेव चउव्विहा पव्वज्जा पन्नत्ता तं जहा- वाविता परिवाविता निंदिता परिनिंदिता ।
चउव्विहा पव्वज्जा पन्नत्ता तं जहा- धण्णपुंजितसमाणा धण्णविरल्लितसमाणा धण्णविक्खित्तसमाणा धण्णसंकट्टितसमाणा ।
[३८३] चत्तारि सन्नाओ प० तं० आहारसन्ना भयसन्ना मेहुणसन्ना परिग्गहसन्ना । चउहिं ठाणेहिं आहारसण्णा समुप्पज्जति तं जहा- ओमकोट्ठाताए, छुहावेयणिज्जस्स कम्मस्स उदएणं, मतीए, तदट्ठोवओगेणं ।
चउहिं ठाणेहिं भयसन्ना समुप्पज्जति तं जहा - हीणसत्तत्ताए, भयवेयणिज्जस्स कम्मस्स उदएणं, मतीए, तदट्ठोवगेणं ।
चउहिं ठाणेहिं मेहुणसन्ना समुप्पज्जति तं जहा- चित्तमंससोणिययाए, मोहणिज्जस्स कम्मस्स उदणं, मतीए, तदट्ठोवओगेणं ।
चउहिं ठाणेहिं परिग्गहसन्ना समुप्पज्जति तं जहा- अविमुत्तयाए, लोभवेयणिज्जस्स कम्मस्स उदएणं, मतीए, तदट्ठोवओगेणं ।
[३८४] चउव्विहा कामा प० तं० - सिंगारा कलुणा बीभच्छा रोद्दा; सिंगारा कामा देवाणं, कणा कामा मणुयाणं, बीभच्छा कामा तिरिक्खजोणियाणं, रोद्दा कामा नेरइयाणं ।
[३८५] चत्तारि उदगा प० तं०- उत्ताणे नाममेगे उत्ताणोदए, उत्ताणे नाममेगे गंभीरोदए, गंभीरे नाममेगे उत्ताणोदए, गंभीरे नाममेगे गंभीरोदए; एवामेव चत्तारि पुरिसजाया पन्नत्ता तं जहाउत्ताणे नाममेगे उत्ताणहिदए उत्ताणे नाममेगे गंभीरहिदए गंभीरे नाममेगे उत्तारणहिदए गंभीरे नामगे गंभीरहिदए ।
[ मुनि दीपरत्नसागर संशोधितः ]
[72]
[ ३-ठाणं]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |