Page Text
________________
[३७१] चत्तारि रुक्खा पन्नत्ता तं जहा- साले नाममेगे सालपरियाए साले नाममेगे एरंडपरियाए एरंडे नाममेगे सालपरियाए एरंडे नाममेगे एरंडपरियाए; एवामेव चत्तारि आयरिया पन्नत्ता तं जहा- साले नाममेगे सालपरियाए साले नाममेगे एरंडपरियाए-४ ।
चत्तारि रुक्खा पन्नत्ता तं जहा- साले नाममेगे सालपरिवारे, साले नाममेगे एरंडपरिवारे-४ | एवामेव चत्तारि आयरिया पन्नत्ता तं जहा- साले नामेगे सालपरिवारे साले नाममेगे एरंडपरिवारे एरंडे-४
[३७२] सालदुममज्झयारे जह साले नाम होइ दुमराया ।
इय सुंदर आयरिए सुंदर सीसे मुणेयव्वे ।। [३७३] एरंडमज्झयारे जह साले नाम होइ दुमराया ।
ठाणं-४, उद्देसो-४
___ इय सुंदरआयरिए मंगुलसीसे मुणेयव्वे ।। [३७४] सालदुममज्झयारे एरंडे नाम होइ दुमराया ।
___ इय मंगुलआयरिए सुंदरीसीसे मुणेयव्वे ।। [३७५] एरंडमज्झयारे एरंडे नाम होइ दुमराया ।
___ इय मंगुलआयरिए मंगुलसीसे मुणेयव्वे ।।
[३७६] चत्तारि मच्छा पन्नत्ता तं जहा- अणुसोयचारी पडिसोयचारी अंतचारी मज्झचारी, एवमेव चत्तारि भिक्खागा पन्नत्ता तं जहा- अणुसोयचारी पडिसोयचारी अंतचारी मज्झचारी |
चत्तारि गोला पन्नत्ता तं जहा- मधसित्थगोले जउगोले दारुगोले मट्टियागोले एवामेव चत्तारि परिसजाया पन्नत्ता तं जहा- मधुसित्थगोलसमाणे-४ ।
चत्तारि गोला पन्नत्ता तं जहा- अयगोले तउगोले तंबगोले सीयगोले, एवामेव चत्तारि परिसजाया पन्नत्ता तं जहा- अयगोलसमाणे जाव सीसगोलसमाणे ।
चत्तारि गोला पन्नत्ता तं जहा- हिरण्णगोले सवण्णगोले रयणगोले वयरगोले, एवामेव चत्तारि परिसजाया पन्नत्ता तं जहा- हिरण्णगोलसमाणे जाव वयरगोलसमाणे ।
चत्तारि पत्ता पननत्ता तं जहा- असिपत्ते करपत्ते खुरपत्ते कलंबचीरियापत्ते एवामेव चत्तारि पुरिसजाया पन्नत्ता तं जहा- असिपत्तसमाणे जाव कलंबचीरियापत्तसमाणे ।
चत्तारि कडा पन्नत्ता तं जहा- संबकडे विदलकडे चम्मकडे कंबलकडे, एवामेव चत्तारि परिसजाया पन्नत्ता तं जहा- संबकडसमाणे जाव कंबलकडसमाणे ।
[३७७] चउव्विहा चउप्पया पन्नत्ता तं जहा- एगखुरा दुखुरा गंडीपदा सणप्फया । चउव्विहा पक्खी पन्नत्ता तं जहा- चम्मपक्खी लोमपक्खी समग्गपक्खी विततपक्खी ।
चउव्विहा खुड्डपाणा पन्नत्ता तं जहा- बेइंदिया तेइंदिया चरिंदिया संमच्छिमपंचिंदियतिरिक्खजोणिया ।
[३७८] चत्तारि पक्खी पन्नत्ता तं जहा- निवतित्ता नाममेगे नो परिवइत्ता परिवइत्ता नाममेगे नो निवतित्ता एगे निवतित्तावि परिवइत्तावि एगे नो निवतित्ता नो परिवइत्ता; एवामेव चत्तारि भिक्खागा पन्नत्ता तं जहा- निवतित्ता नाममेगे नो परिवइत्ता परिवइत्ता नाममेगे नो निवतित्ता-४ ।
[मुनि दीपरत्नसागर संशोधित:]
[70]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |