Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 61

[३३६] भारण्णं वहमाणस्स चत्तारि आसासा पन्नत्ता तं जहा- जत्थ णं अंसाओ अंसं साहरइ तत्थवि य से एगे आसासे पण्णत्ते, जत्थवि य णं उच्चारं वा पासवणं वा परिद्ववेति तत्थवि य से एगे आसासे पण्णत्ते, जत्थवि य णं नागकुमारावासंसि वा सवण्णकुमारावासंसि वा वासं उवेति तत्थवि य से एगे आसासे पण्णत्ते, जत्थवि य णं आवकहाए चिट्ठति तत्थवि य से एगे आसासे पण्णत्ते ।
___ एवामेव समणोवासगस्स चत्तारि आसासा पन्नत्ता तं जहा- जत्थवि य णं सीलव्वतगणव्वत-वेरमण-पच्चक्खाण-पोसहोववासाइं पडिवज्जति तत्थवि य से एगे आसासे पण्णत्ते, जत्थवि य णं सामाइयं देसावगासियं सम्ममणुपालेइ तत्थवि य से एगे आसासे पण्णत्ते, जत्थवि य णं चाउद्दसमुट्ठपुण्णमासिणीसु पडिपुण्ण पोसहं सम्मं अणुपालेइ तत्थवि य से एगे आसासे पण्णत्ते, जत्थवि य णं चाउद्दसट्ठमुद्धिट्ठपुण्ण-मासिणीसु पडिपुण्णं पोसहं सम्म अणुपालेइ तत्थवि य से एगे आसासे पण्णत्ते, जत्थवि य णं अपच्छिम-मारणंतित-संलेहणा-झसणा-झूसिते भत्तपाण पियाइक्खिते पाओवगते कालमणवकंखमाणे विहरति तत्थवि य से एगे आसासे पण्णत्ते ।
[३३७] चत्तारि पुरिसजाया पन्नत्ता तं जहा- उदितोदिते नाममेगे उदितत्थमित्ते णाममेगे अत्थमितोदिते णामेगे अत्थमितत्थमिते नाममेगे, भरहे राया चाउरंतचक्कवट्टी णं उदितोदिते, बंभदत्ते णं राया चाउरंतचक्कवट्टी उदितत्थमिते हरिएसबले णं अणगारे णं अत्थमितोदिते, काले णं सोयरिये अत्थमित्थमिते ।
[३३८] चत्तारि जुम्मा पन्नत्ता तं जहा- कडजुम्मे तेयोए दावरजुम्मे कलिओए, नेरइयाणं चत्तारि जम्मा पन्नत्ता तं जहा- कडजम्मे तेओए दावरजुम्मे कलिओए, एवं-असुरकुमाराणं जाव थणियकमाराणं, एवं-पुढविकाइयाणं आउ-तेउवाउ-वणस्सतिकाइयाणं बेंदियाणं तेइंदियाणं चउरिंदियाणं पंचिदियतिरिक्खजोणियाणं मणस्साणं वाणमंतर-जोइसियाणं वेमाणियाणं-सव्वेसिं जहा नेरइयाणं ।
__ [३३९] चत्तारि सूरा पन्नत्ता तं जहा- खतिसूरे तवसूरे दाणसूरे जुद्धसूरे, खंतिसूरा अरहंता, तवसूरा अणगारा, दाणसूरे वेसमणे, जुद्धसूरे वासुदेवे ।
[३४०] चत्तारि परिसजाया पन्नत्ता तं जहा- उच्चे नाममेगे उच्चच्छंदे, उच्चे नाममेगे नीयच्छंदे, नीए नाममेगे उच्चच्छंदे, नीए नाममेगे नीयच्छंदे ।
[३४१] असुरकुमारा चत्तारि लेसाओ पन्नत्ताओ तं जहा- कण्हलेसा नीललेसा काउलेसा तेउलेसा एवं जाव थणियकमाराणं एवं पढविकाइयाणं आउ-वणस्सइकाइयाणं वाणमंतराणं-सव्वेसिं जहा असुरकुमाराणं ।
[३४२] चत्तारि जाणा पन्नत्ता तं जहा- जुत्ते नाममेगे जुत्ते, जुत्ते नाममेगे अजुत्ते, अजुत्ते नाममेगे जुत्ते, अजुत्ते नाममेगे अजुत्ते; एवामेव चत्तारि पुरिसजाया पन्नत्ता तं जहा- जुत्ते नाममेगे जुत्ते, जुत्ते नाममेगे अजुत्ते, अजुत्ते नाममेगे जुत्ते, अजुत्ते नाममेगे अजुत्ते ।
चत्तारि जाणा पन्नत्ता तं जहा- जुत्ते नाममेगे जुत्तपरिणते जुत्ते नाममेगे अजुत्तपरिणते० एवामेव चत्तारि पुरिसजाया पन्नत्ता तं जहा- जुत्ते नाममेगे जुत्तपरिणते-४ ।
चत्तारि जाणा पन्नत्ता तं जहा- जुत्ते नाममेगे जुत्तरूवे जुत्ते नाममेगे अजुत्तरूवे, अजुत्ते नाममेगे जुत्तरूवे, अजुत्ते नाममेगे अजुत्तरूवे; एवामेव चत्तारि पुरिसजाया पन्नत्ता तं जहाजुत्ते नाममेगे जुत्तरूवे-४ । ठाणं-४, उद्देसो-३
[मुनि दीपरत्नसागर संशोधित:]
[60]
[३-ठाणं]