Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 57

तेसि णं दीवाणं चउसु विदिसासु लवणसमुदं सत्त-सत्त जोयणसयाई ओगाहेत्ता एत्थ णं चत्तारि अंतरदीवा पन्नत्ता तं जहा- आसकण्णदीवे हत्थिकण्णदीवे अकण्णदीवे कण्णपाउरणदीवे, तेस् णं दीवेसु मणुस्सा भाणियव्वा ।
तेसि णं दीवाणं चउसु विदिसासु लवणंसमुदं अट्ठट्ट जोयणसयाई ओगाहेत्ता एत्थ णं चत्तारि अंतरदीवा पन्नत्ता तं जहा- उक्कामुहदीवे मेहमुहदीवे विज्जुमुहदीवे विज्जुदंतदीवे, तेसुं णं दीवेसु मणुस्सा भाणियव्वा ।
तेसिं णं दीवाणं चउसु विदिसासु लवणसमुदं नव-नव जोयणसयाइं ओगाहेत्ता एत्थ णं चत्तारि अंतरदीवा पन्नत्ता तं जहा- धणदंतदीवे लट्ठदंतदीवे गूढदंतदीवे सुद्धदंतदीवे, तेसु णं दीवेसु चउव्विहा मणस्सा परिवसंति तं जहा- धणदंता लट्ठदंता गूढदंता सुद्धदंता ।
जंबुद्दीवे दीवे मंदरस्स पव्वयस्स उत्तरेणं सिहरिस्स वासहरपव्वयस्स चउस् विदि-सास् लवणसमदं तिण्णि-तिण्णि जोयणसयाई ओगाहेत्ता एत्थ णं चत्तारि अंतरदीवा पन्नत्ता तं जहाएगूरूयदीवे सेसं तहेव निरवसेसं भाणियव्वं जाव सुद्धदंता ।
[३२५] जंबुद्दीवस्स णं दीवस्स बाहिरिल्लाओ वेइयंताओ चउदिसि लवणसमदं पंचाणउई जोयणसहस्साई ओगाहेत्ता एत्थ णं महतिमहालता महालंजरंढाणसंठिता चत्तारि महापायाला पन्नत्ता तं जहा- वलयामुहे केउए जूवए ईसरे, तत्थ णं चत्तारि देवा महिढिया जाव पलिओवमद्वितीया परिवसंति तं जहा काल महाकाले वेलंबे पभंजणे ।
जंबुद्दीवस्स णं दीवस्स बाहिरिल्लाओ वेइयंताओ चउद्दिसि लवणसमदं बायालीसं-बायालीसं जोयणसहस्साइं ओगाहेत्ता एत्थ णं चउण्हं वेलंधरणागराईणं चत्तारि आवासपव्वता पन्नत्ता तं जहागोथभे उदओभासे संखे दगसीमे, तत्थ णं चत्तारि देवा महिइढिया जाव पलिओवमद्वितीया परिवति तं जहा गोथभे सिवए संखे मणोसिलाए ।
__जंबुद्दीवस्स णं दीवस्स बाहिरिल्लाओ वेइयंताओ चउसु विदिसासु लवणसमुदं बायालीसंबायालीसं जोयणसहस्साइं ओगाहेत्ता एत्थ णं चउण्हं अणवेलंधरणागराईणं चत्तारि आवासपव्वत्ता पन्नत्ता तं जहा- क्ककोडए विज्जप्पभे केलासे अरुणप्पभे, तत्थं णं चत्तारि देवा महिढिया जाव पलिओवमद्वितीया परिवसंति तं जहा- कक्कोडए कद्दमए केलासे अरुणप्पभे ।
लवणे णं समुद्दे चत्तारि चंदा पभासिंस् वा पभासंति वा पभासिस्संति वा, चत्तारि सूरिया तविंसु वा तवंति वा तविस्संति वा, चत्तारि कित्तियाओ जाव चतारि भरणीओ चत्तारि अग्गी जाव चत्तारि जमा चत्तारि अंगारा जाव चत्तारि भाव-केऊ,
लवणस्स णं समुदस्स चत्तारि दारा पन्नत्ता, तं जहा- विजए वेजयंते जयंते अपराजिते, ते णं दारा चत्तारि जोयणाई विक्खभेणं तावइयं चेव पवेसेणं पन्नत्ता तत्थ णं चत्तारि देवा महिइढिया जाव पलिओवमद्वितीया परिवसंति तं जहा विजए वेजयंति जयंते अपराजिए | ठाणं-४, उद्देसो-२
[३२६] घायइसंडे णं दीवे चत्तारि जोयणसयसहस्साई चक्कवालविक्खंभेणं पण्णत्ते, जंबुद्दीवस्स णं दीवस्स बहिया चत्तारि भरहाइं चत्तारि एरवयाई, एवं जहा सद्दसेसए तहेव निरवसेसं भाणियव्वं जाव चत्तारि मंदरा चत्तारि मंदरचुलियाओ ।
[मुनि दीपरत्नसागर संशोधित:]
[56]
[३-ठाण]