Page Text
________________
कप्पड़ निग्गंथाण वा निग्गंथीण वा चाउक्कालं सज्झायं करेत्तए तं जहा पव्वण्हे अवरण्ह पओसे पच्चूसे |
[३०५] चउव्विहा लोगद्विती पन्नत्ता तं जहा- आगासपतिट्ठिए वाते, वातपतिट्ठिए उदधी, उदधिपतिट्ठिया पुढवी, पुढवपतिट्ठिया तसा थावरा पाणा ।
[३०६] चत्तारि पुरिसजाया पन्नत्ता तं जहा- तहे नाममेगे, नोतहे नाममेगे, सोवत्थी नाममेगे, पधाणे नाममेगे; चत्तारि परिसजाया पन्नत्ता तं जहा- आयंतकरे नाममेगे नो परंतकरे, परंतकरे नाममेगे नो आयंकरे, एगे आयंकरेवि परंतकरेवि, एगे नो आयंकरे नो परंतकरे ।
चत्तारि परिसजाया प० तं०- आयंतमे नाममेगे नो परंतमे, परंतमे नाममेगे नो आयंतमे, एगे आयंतमेवि परंतमेवि, एगे नो आयंतमे नो परंतमे; चत्तारि परिसजाया पन्नत्ता तं जहा- आयंदमे नाममेगे नो परंदमे-४ ।
[३०७] चउव्विहा गरहा पन्नत्ता तं०- उवसंपज्जामित्तेगा गरहा, वितिगिच्छामित्तेगा गरहा, जंकिंचिमिच्छामित्तेगा गरहा, एवंपि पन्नत्तेगा गरहा ।
[३०८] चत्तारि पुरिसजाया पण्णता तं जहा- अप्पणो नाममेगे अलमंथू भवति नो परस्स, परस्स नाममेगे अलमंथू भवति नो अप्पणो, एगे अप्पणोवि अलमंथू भवति परस्सवि, एगे नो अप्पणो अलमंथू भवति नो परस्स ।
चत्तारि मग्गा पन्नत्ता तं जहा- उज्जू नाममेगे उज्जू, उज्जू नाममेगे वंके, वंके नाममेगे उज्जू, वंके नाममेगे वंके; एवामेव चत्तारि परिसजाया पन्नत्ता तं जहा- उज्जू नाममेगे उज्जू-४ |
चत्तारि मग्गा पन्नत्ता तं जहा- खेमे नाममेगे खेमे, खेमे नाममेगे अखेमे, अखेमे नाममेगे खेमे, अखेमे नाममेगे अखेमे; एवामेव चत्तारि परिसजाया पन्नत्ता तं जहा- खेमे नाममेगे खेमे४ ।
चत्तारि मग्गा पन्नत्ता तं जहा- खेमे नाममेगे खेमरूवे, खेमे नाममेगे अखेमरूवे, अखेमे नाममेगे खेमरूवे, अखेमे नाममेगे अखेमरूवे; एवामेव चत्तारि पुरिसजाया पन्नत्ता तं जहा- खेमे णाम मेगे खेमरूवे-४ ।
चत्तारि संबक्का पन्नत्ता तं जहा- वामे नाममेगे वामावत्ते, वामे नाममेगे दाहिणावते, दाहिणे नाममेगे वामावत्ते, दाहिणे नाममेगे दाहिणावत्ते; एवामेव चत्तारि पुरिसजाया पन्नत्ता तं जहावामे नाममेगे वामावत्ते-४ ।।
चत्तारि धूमसिहाओ पन्नत्ताओ तं जहा- वामा नाममेगा वामावत्ता-४ । एवामेव चत्तारि ठाणं-४, उद्देसो-२
इत्थीओ पन्नत्ताओ तं जहा- वामा नाममेगा वामावत्ता-४ ।
चत्तारि अग्गिसिहाओ पन्नत्ताओ तं जहा- वामा नाममेगा दाहिणावत्ता-४; एवामेव चत्तारि इत्थीओ पन्नत्ताओ तं जहा- वामा नाममेगा दाहिणावत्ता-४ ।
चत्तारि वायमंडलिया पन्नत्ता तं जहा- वामा नाममेगा वामावत्ता-४; एवामेव चत्तारि इत्थीओ पन्नत्ताओ तं जहा- वामा नाममेगा वामावत्ता-४ ।
चत्तारि वणसंडा पन्त्ता तं जहा- वामे नाममेगे वामावत्ते-४; एवामेव चत्तारि परिसजाया पन्नत्ता तं जहा- वामे नाममेगे वामावत्ते-४ ।
[मुनि दीपरत्नसागर संशोधित:]
[52]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |