Page Text
________________
लोभअपडिसंलीणे चत्तारि पडिसंलीणा पन्नत्ता तं जहा- मणपडिसंलीणे वतिपडिसंलीणे कायपडिसंलीणे इंदियपडिसंलीणे चत्तारि अपडिसंलीणा प० तं०- मणअपडिसंलीणे जाव इंदियअपडिसंलीणे ।
[२९३] चत्तारि परिसजाया पन्नत्ता तं जहा- दीणे नाममेगे दीणे, दीणे नामेगे अदीणे, अदीणे नाममेगे दीणे, अदीणे नाममेगे अदीणे; चत्तारि परिसजाया पन्नत्ता तं जहा दीणे नाममेगे दीणपरिणते, दीणे नाममेगे अदीणपरिणते, अदीणे नाममेगे दीणपरिणते, अदीणे नाममेगे अदीणपरिणते ।
चत्तारि परिसजाया पन्नत्ता तं जहा- दीणे नाममेगे दीणरूवे, दीणे नाममेगे अदीणरूवे, अदीणे नाममेगे दीणरूवे, अदीणे नाममेगे अदीणरूवे |
एवं दीनमणे-४, दीनसंकप्पे-४, दीनपन्ने-४, दीनदिट्ठी-४, दीनसीलाचारे-४, दीनववहारे-४, चत्तारि परिसजाया प० तं०-दीने नाममेगे दीन परक्कमे, दीने नामएगे अदीनपरक्कमे,-४ | एवं सव्वेसिं चउभंगो भाणियव्वो ।
चत्तारि परिसजाया पन्नत्ता तं जहा- दीणे नाममेगे दीणपरक्कमे दीणे नाममेगे अदीणपरक्कमे अदीणे नाममेगे दीणपरक्कमे अदीणे नाममेगे अदीणपरक्कमे चत्तारि पुरिसजाया पन्नत्ता तं जहा- दीणे नाममेगे दीणवित्ती-४, एवं दीणजाति, दीणभासी, दीणोभासी ।
चत्तारि परिसजाता प० तं०-दीने नामएगे दीनसेवी-४ | एवं दीने नाम एगे दीनपरियाए-४। दीने नाम एगे दीन परियाले-४ | सव्वत्थ चउभंगो ।
[२९४] चत्तारि परिसजाया पन्नत्ता तं जहा- अज्जे नाममेगे अज्जे, अज्जे नाममेगे अणज्जे, अणज्जे नाममेगे अज्जे, अणज्जे नाममेगे अणज्जे । चत्तारि परिसजाया पन्नत्ता तं जहाअज्जे नाममेगे अज्ज परिणए-४, एवं अज्जरूवे, अज्जमणे, अज्जसंकप्पे, अज्जपन्ने, अज्जदिट्ठी, अज्जसीलाचारे, अज्ज ववहारे, अज्जपरक्कमे, अज्जवित्ती, अज्जजाती, अज्जभासी, अज्जओभासी, अज्जसेवी, एवं अज्जपरियाए, अज्जपरियाले । एवं सत्तर आलावगा । जहा दीणेणं भणिया तहा अज्जेणवि भाणियव्वा ।
चत्तारि परिसजाया पन्नत्ता तं जहा- अज्जे नाममेगे अज्जभावे अज्जे नाममेगे अणज्जभावे अणज्जे नाममेगे अज्जभावे अणज्जे नाममेगे अणज्जभावे | ठाणं-४, उद्देसो-२
[२९५] चत्तारि उसभा पन्नत्ता तं जहा- जातिसंपण्णे कुलसंपण्णे बलसंपण्णे रूवसंपण्णे एवामेव चत्तारि परिसजाया पन्नत्ता तं जहा- जातिसंपण्णे जाव रूवसंपण्णे ।
चत्तारि उसभा पन्नत्ता तं जहा- जातिसंपण्णे नामं एगे नो कुलसंपण्णे, कुलसंपण्णे नामं एगे नो जातिसंपण्णे, एगे जातिसंपण्णेवि कुलसंपण्णेवि, एगे नो जातिसंपण्णे नो कुलसंपण्णे; एवामेव चत्तारि परिसजाया पन्नत्ता तं जहा- जातिसंपण्णे नामएगे-४ ।
चत्तारि उसभा पन्नत्ता तं जहा- जातिसंपण्णे नामं एगे नो बलसंपण्णे-४ | एवामेव चत्तारि पुरिसजाया पन्नत्ता तं जहा- जातिसंपण्णे ।
चत्तारि उसभा पन्नत्ता तं जहा- जातिसंपण्णे नामं एगे नो रूवसंपण्णे-४ । एवामेव चत्तारि पुरसजाया पन्नत्ता तं जहा- जातिसंपण्णे नामं एगे नो रूवसंपण्णे, रूवसंपणे नामं एगे नो जातिसंपण्णे -४ ।
[मुनि दीपरत्नसागर संशोधित:]
[49]
[३-ठाण]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |