________________
[२३८] एगमेगा णं पढवी तिहिं वलएहिं सव्वओ समंता संपरिक्खित्ता, तं जहा घणोदधिवलएणं घणवातवलएणं तणवायवलएणं ।
[२३९] नेरइया णं उक्कोसेणं तिसमइएणं विग्गहेणं उवज्जंति, एगिदियवज्जं जाव वेमाणियाणं ।
[२४०] खीणमोहस्स णं अरहओ तओ कम्मंसा जुगवं खिज्जंति, तं जहा- नाणावरणिज्जं दंसणावरणिज्जं अंतराइयं ।
[२४१] अभिईनक्खत्ते तितारे पण्णत्ते, एवं- सवणे, अस्सिणी, भरणी, मगसिरे, पूसे, जेट्ठा
[२४२] धम्माओ णं अरहाओ संती अरहा तिहिं सागरोवमेहिं तिचउब्भागपलिओवमऊणएहिं वीतिक्कंतेहिं सम्प्पण्णे । ठाणं-३, उद्देसो-४
[२४३] समणस्स णं भगवओ महावीरस्स जाव तच्चाओ पुरिसजुगाओ जुगंतकरभूमी, मल्ली णं अरहा तिहिं परिससएहिं सद्धिं मुंडे भवित्ता अगाराओ अणगारियं पव्वइए, एवं पासे वि ।
[२४४] समणस्स णं भगवतो महावीरस्स तिण्णि सया चउद्दसपव्वीणं अजिणाणं जिणसंकासाणं सव्वक्खरसण्णिवातीणं जिण इव अवितहवागरमाणाणं उक्कोसिया चउद्दसपुव्विसंपया हत्था ।
[२४५] तओ तित्थयरा चक्कवट्टी होत्था तं जहा- संती कुंथु अरो ।
[२४६] तओ गेविज्ज-विमाण-पत्थडा पन्नत्ता तं जहा- हेट्ठिम-गेविज्ज-विमाणं-पत्थडे, मज्झिम-गेविज्ज-विमाण-पत्थडे उवरिम-गेविज्ज-विमाण-पत्थडे;
हिद्विम-गेविज्ज-विमाण-पत्थडे तिविहे पण्णत्ते तं जहा- हेहिम-हेहिम-गेविज्ज-विमाणपत्थडे, हेट्ठिम-मज्झिम-गेविज्ज-विमाण-पत्थडे हेट्ठि-उवरिम-गेविज्ज-विमाण-पत्थडे;
मज्झिम-गेविज्ज-विमाण-पत्थडे तिविहे पण्णत्ते तं जहा- मज्झिम-हेट्ठिम-गेविज्ज-विमाणपत्थडे, मज्झिम-मज्झिम-गेविज्ज-विमाण-पत्थडे, मज्झिम-उवरिम-गेविज्ज-विमाण-पत्थडे; उवरिमगेविज्ज-विमाण-पत्थडे तिविहे पण्णत्ते तं जहा- उवरिम-हेट्ठिम-गेविज्ज-विमाण-पत्थडे, उवरिम-मज्झिमगेविज्ज-विमाण-पत्थडे, उवरिम-उवरिम-गेविज्ज-विमाण-पत्थडे ।
[२४७] जीवाणं तिट्ठाणणिव्वत्तिते पोग्गले पावकम्मत्ताए चिणिंस वा चिणंति वा चिणिस्संति वा तं जहा- इत्थिणिव्वत्तिते पुरिसणिव्वत्तिते नपुंसगणिव्वत्तिते एवं-चिण-उवचिण-बंध-उदीरवेद तह निज्जरा चेव । [२४८] तिपदेसिया खंधा अनंता प० एवं जाव तिगुणलक्खा पोग्गला अनंता प० ।
• तइए ठाणे चउत्थो उद्देसो समत्तो .
0 तइअं ठाणं समत्तं 0 ० मुनि दीपरत्नसागरेण संशोधितः सम्पादित्तश्च तइअं ठाणं समत्तं .
[] चउत्थं-ठाणं [] 0 पढमो-उद्देसो 0
[मुनि दीपरत्नसागर संशोधित:]
[41]
[३-ठाण]
