Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 41

[२३१] तिविहे भगवता धम्मे पण्णत्ते तं जहा- सुअधिज्झते सुज्झाइते सुतवस्सिते, जया सुअधिज्झतं भवति तदा सुज्झाइतं भवति जया सुज्झाइतं भवति तदा सुतवस्सितं भवति से सुअधिज्झते सुज्झाइते सुतवस्सिते सुयक्खाते णं भगवता धम्मे पण्णत्ते ।
___ [२३२] तिविधा वावत्ती पन्नत्ता तं जहा- जाणू अजाणू वितिगिच्छा, एवं अज्झोववज्जणा, परियावज्जणा वि।
[२३३] तिविधे अंते पण्णत्ते तं जहा- लोगते वेयंते समयंते ।
[२३४] तओ जिणा पन्नत्ता तं जहा- ओहिनाणजिणे मणपज्जवनाणजिणे केवलनाणजिणे, तओ केवली पन्नत्ता तं जहा- ओहिनाणकेवली मणपज्जवनाणकेवली केवलनाणकेवली, तओ अरहा प०
ठाणं-३, उद्देसो-४
जहा- ओहिनाणअरहा मणपज्जवनाणअरहा केवलनाणअरहा ।
[२३५] तओ लेसाओ दुब्भिगंधाओ पन्नत्ताओ तं जहा- कण्हलेसा नीललेसा काउलेसा, तओ लेसाओ सुब्भिगंधाओ पन्नत्ताओ तं जहा- तेउलेसा पम्हलेसा सक्कलेसा एवं- दोग्गतिगामिणीओ सोगतिगामिणीओ संकिलिट्ठाओ, असंकिलिट्ठाओ अमणुण्णाओ, मणुण्णाओ विसुद्धाओ अपसत्थाओ पसत्थाओ] सीतलुक्खामो निद्धण्हाओ |
[२३६] तिविहे मरणे पन्नत्ते तं जहा- बालमरणे पंडियमरणे बालपंडियमरणे, बालमरणे तविहे पण्णत्ते तं जहा- ठितलेस्से संकिलिद्रलेस्से पज्जवजातलेस्से.
पंडियमरणे तिविहे प० तं०- ठितलेसे, असंकिलिट्ठलेसे, पज्जवजातलेसे, बालपंडियमरणे तिविहे पण्णत्ते तं जहा- ठितलेस्से असंकिलिहिलेस्से अपज्जवजातलेस्से ।
[२३७] तओ ठाणा अव्ववसितस्स अहिताए असुभाए अखमाए अणिस्सेसाए अणाणगामियत्ताए भवंति तं जहा- से णं मुंडे भवित्ता अगाराओ अणगारियं पव्वइए निग्गंथे पावयणे संकिते कंखिते वितिगिच्छेते भेदसमावण्णे कलससमावण्णे निग्गंथं पावयणं णो सद्दहति नो पत्तियति नो रोएति तं परिस्सहा अभिमुंजिय-अभिजूजिय अभिभवंति, नो से परिस्सहे अभिमुंजिय-अभिमुंजिय अभिभवइ,
से णं मुंडे भवित्ता अगाराओ अणगारितं पव्वइए पंचहिं महव्वएहिं संकिते जाव प्रससमावण्णे पंच महव्वताई नो सद्दहति जाव नो से परिस्सहे अभिजंजिय-अभिजंजिय अभिभवंति,
से णं मुंडे भवित्ता अगाराओ अणगारियं पव्वइए छहिं जीवणिकाएहिं जाव अभिभवति ।
तओ ठाणा ववसियस्स हिताए जाव आणगामियत्ताए भवंति तं जहा- से णं मंडे भवित्ता अगाराओ अणगारियं पव्वइए निग्गंथे पावयणे निस्संकिते निक्कंखिते जाव नो कलससमावण्णे निग्गंथं पावयणं सद्दहति पत्तियति रोएति से परिस्सहे अभिमुंजिय-अभिमुंजिय अभिभवति, नो तं परिस्सहा अभिमुंजिय-अभिमुंजिय अभिभवंति ।
से णं मुंडे भवित्ता अगाराओ अणगारियं पव्वइए समाणे पंचहिं महव्वएहिं निस्संकिए निक्कंखिए परिस्सहे अभिमुंजिय-अभिमुंजिय अभिभवइ, नो तं परिस्सहा अभिमुंजिय-अभिमुंजिय अभिभवति ।
से णं मुंडे भवित्ता अगाराओ अणगारियं पव्वइए छहिं जीवणिकाएहिं निस्संकिते परिस्सहे अभिमुंजिय-अभिमुंजिय अभिभवति, नो तं परिस्सहा अभिमुंजिय-अभिमुंजिय अभिभवंति ।
[मुनि दीपरत्नसागर संशोधित:]
[40]
[३-ठाण]