Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 26

पंचिदियतिरिक्खजोणियाणं तओ लेसाओ संकिलिट्ठाओ पण्णत्ताओ तं जहा- कण्हलेसा नीललेसा काउलेसा, पंचिदियतिरक्खजोणियाणं तओ लेसाओ असंकिलिट्ठाओ पण्णत्ताओ तं जहा तेउलेसा पम्हलेसा सक्कलेसा, एवं मणुस्साणं वि । जहा- कण्हलेसा नीललेसा काउलेसा [मणुस्साणं तओ लेसाओ असंकिलि-ढाओ पण्णत्ताओ तं० जहा- वाणमंतराणं जहा असुरकुमाराणं ।
वेमाणियाणं तओ लेस्साओ पण्णत्ताओ तं०- तेउलेसा पम्हलेसा सक्कलेसा |
[१४१] तिहिं ठाणेहिं तारारुवे चलेज्जा तं जहा- विकव्वमाणे वा परियारेमाणे वा ठाणाओ वा ठाणं संकममाणे तारारूवे चलेज्जा,
तिहिं ठाणेहिं देवे विज्जुयारं करेज्जा तं जहा- विकुव्वमाणे वा परियारेमाणे वा तहारूवस्स समणस्स वा माहणस्स वा इढिं जुतिं जसं बलं वीरियं पुरिसक्कार-परक्कम उवदंसेमाणे-देवे विज्जुयार करेज्जा ।
तिहिं ठाणेहिं देवे थणिय-सदं करेज्जा तं जहा- विकव्वमाणे वा, एवं जहा विज्जुतारे तहेव थणियसबंपि ।
[१४२] तिहिं ठाणेहिं लोगंधयारे सिया तं जहा- अरहंतेहिं वोच्छिज्जमाणेहिं अरहंतपण्णत्ते धम्मे वोच्छिज्जमाणे पव्वगते वोच्छिज्जमाणे, तिहिं ठाणेहिं लोगज्जोते सिया तं जहा- अरहंतेहिं जायमाणेहिं अरहंतेहिं पव्वयमाणेहिं अरहंताणं नाणुप्पायमहिमाम् ।
तिहिं ठाणेहिं देवंधकारे सिया तं जहा- अरहंतेहिं वोच्छिज्जमाणेहिं अरहंतपन्नत्ते धम्मे वोच्छिज्जमाणे पव्वगते वोच्छिज्जमाणे, तिहिं ठाणेहिं देवज्जोते सिया तं जहा- अरहंतेहिं जायमाणेहिं अरहंतेहिं पव्वयमाणेहिं अरहंताणं नाणुप्पायमहिमासु ।
तिहिं ठाणेहिं देवसण्णिवाए सिया तं जहा- अरहंतेहिं जायमाणेहिं अरहंतेहिं पव्वयमाणेहिं अरहंताणं नाणुप्पायमहिमासु एवं देवक्कलिया, देवकहकहए |
तिहिं ठाणेहिं देविंदा माणुसं लोगं हव्वमागच्छंति तं जहा- अरहंतेहिं जायमाणेहिं अरहंतेहिं पव्वयमाणेहिं अरहंताणं नाणुप्पायमहिमासु, एवं- सामाणिया, तायत्तीसगा, लोगपाला देवा अग्गमहिसीओ ठाणं-३, उद्देसो-१
देवीओ, परिसोववण्णगा देवा, अणियाहिवई देवा, आयरक्खा देवा, माणुसं लोगं हव्वमगच्छंति ।
तिहिं ठाणेहिं देव अब्भट्ठिज्जा तं जहा- अरहंतेहिं जायमाणेहिं जाव तं चे व | एवं आसणाई चलेज्जा, सीहणायं करेज्जा, चेलक्खेवं करेज्जा,
तिहिं ठाणेहिं देवाणं चेइयरुक्खा चलेज्जा तं जहा- अरहंतेहिं जायमाणेहिं [अरहंतेहिं पव्वयमाणेहिं अरहंताणं नाणुप्पायमहिमास्] ।
तिहिं ठाणेहिं लोगंतिया देवा माणुसं लोगं हव्वमागच्छेज्जा तं जहा- अरहंतेहिं जायमाणेहिं अरहंतेहिं पव्वयमाणेहिं अरहंताणं नाणप्पायमहिमास् ।
[१४३] तिण्हं दुप्पडियारं समणाउसो! तं जहा- अम्मपिउणो भट्टिस्स धम्मायरियस्स, संपातोऽवि य णं केइ पुरिसे अम्मापियरं सयपागसहस्सपागेहिं तेल्लेहिं अब्भंगेत्ता सुरभिणा गंधट्टएणं उव्वट्टित्ता तिहिं उदगेहिं मज्जावेत्ता सव्वालंकारविभूसियं करेत्ता मणण्णं थालीपागसुद्धं अट्ठारसवंजणाउलं भोयणं भोयावेत्ता जावज्जीवं पिट्ठिवडेंसियाए परिवहेज्जा, तेणावि तस्स अम्मापिउस्स दुप्पडियारं भवइ,
[मुनि दीपरत्नसागर संशोधित:]
[25]
[३-ठाण]